有冇人最近收到管理處設訴信

hktakpo

唔比養寵物  :x   
最近係咪又嚴打

Tomato

[quote:0e9da72258="hktakpo"]唔比養寵物  :x   
最近係咪又嚴打[/quote]

無喎!係咪你隻狗狗唔小心吠左一聲 比人投訴 所以管你處出信比你??

hktakpo

我隻狗都係我地返屋放工時會吠一兩聲平時都好少會吠
出完信 係咪要十四日內搬走隻狗 唔搬會點 係咪會釘契 ??

公公婆婆

唔小心吠一聲？
基本上，隻狗冇吠都會投訴，哩度有d人根本容不下一隻動物....即使我地隻狗同佢地0既距離，比街上行過佢身邊的狗更遠，佢哋依然容忍不到。
所以，最好還是離開這地方。

abo and keung

野蠻的人比會吠的狗更恐怖！

hktakpo

我見藍澄灣都好多人養狗 係咪唔使理佢  
如果我隻狗再吠先再買滅聲器電佢 但我真係唔想用呢個方法  
還有今朝見 r1 門口有隻活生生小龜有個魚缸仔放左係門口度  d 人可以咁泠血   :x

diedsee

車 隻狗有冇吠都唔係問題 不過佢搵人拍你門隻狗一定有吠 咁算唔算吠左呀? 又係唔係造成投訴的理據呀????

hktakpo

星期日下午管理員連續次二次上來我屋企拍門，放假下午都唔噪得真係冇自由，長實樓出名隔音差要清靜就唔係買呢度啦，對面自由行朝早到晚上都會係度大叫要高尚清幽屋苑藍澄灣係冇可能做到咁巴閉住獨立屋.
狗吠一兩聲有咩大不了，如果長吠就話我唔啱者．唔該呢度 d 高尚住客唔好係咪都投訴 (心理變態)  :x

Winnie the Pooh

其實你哋有冇諗過當你哋啲主人唔响度而有人經過出面嘅時候佢哋真係會吠嘅呢?
你哋口口聲聲話佢哋唔會吠但係你哋唔响度又點知佢哋冇吠呢?
我隔離係養狗嘅當佢哋唔响度嘅時候而我又經過嘅時候隻狗就會吠有時仲會吠得好勁..........
當然我同我老婆就冇問題但係我屋企有兩個小朋友有時我返到屋企開門嘅時候我啲小朋友可能訓咗(係下午嘅時間)咁啲狗吠聲就會嚇親我啲小朋友佢哋又喊又訓唔返之後我哋就要慢慢"乙水"返佢哋........

(P.S. 我止係想講吓我嘅睇法仲有我從來冇投訴過任何養狗嘅住戶)

hktakpo

我返工用視像睇佢 係度訓覺多同埋佢好少長吠頂多一兩聲.
咁唔該教下你 D 小朋友大膽 D 小朋友喊之後我哋就要慢慢"乙水"返佢哋........(係做父母應該做) 我隻狗吠我都要叫停佢啦
唔好咩都頼係 D 狗度 自由行都會叫啦 咁我下午睇戲開音響都會嚇親小朋友 . 者係唔比人發出噪音成個屋苑要冇聲等你 D 小朋友好好享受下午訓覺時間 .
(我自己睇法 : 有小朋友唔係大哂 )