裝修需注意事項 ( 新樓 / 2 手樓均適用 )

我是誰

列左幾項出來 大家參考下啦 ~~~

1 - 水喉 / 電燈

負責電力工程之人士 亦應是最少持有 A 牌 (即 400 Amp以下)之電器技工  新加之電插座屬於固定電力裝置  一旦僱用 " 冇牌電工 "  而且沒有藏喉的話 最終責任是屬於業主的

統計一下電插座數量  燈掣開關數量 要知道 由裝燈位置既出線位 至燈掣開關位置  是以一個電位計算的 ( 不要被人老點 當 2 個位去計 )

___________________

2 - 門窗

房門  除了款式問題外  原有房門是否已經太殘舊 ? 是否須要更換 ?

窗戶  鋁窗是否已經有膠邊老化  窗較開關不順暢 ? 原有是鐵窗 ? 是否有漏水現象 ?

如果只是更換窗較  開關把手  則只是小問題  但是 假若是需要更換的話  便須要搭建棚架  棚架應有至少 3 呎高帆布覆蓋  及購買第 3 者意外責任保險  保險費及棚架費是必須的  沒有人可以負責到 萬一掉下一粒石仔之後  弄花別人的高貴房車 或者傷及途人的後果~~

___________________

3 - 廚房 浴室

磁磚是否須要更換 ? 如果打算更換水喉  便要列入考慮之列

浴室

是否需要製作鋁質假天花 ? 一般而言 浴室的水蒸氣較多  使用油漆的話 便會較快有脫落之問題  廚房由於有抽油煙機及抽氣扇  相對使用油庫亦可  ( 建議使用啞油 較乳膠漆更適合作廚房天花用途 )

家中是否有長者  是否須要製作 "企缸" ?
儲物是否很多  需要預留儲物空間
使用浴屏 / 浴簾 ?
預留購買浴室配件之 Budget  如毛巾通 廁紙架等

廚房是否需要更改 星盆 / 煮食爐位置 ?
計算一下需要放置在廚房之家庭電器 及是否預留足夠位置擺放
煮食習慣  有飯夫妻 / 無飯夫妻 ? 是否需要較強勁之爐頭  兩個星盆 ?

___________________

4 - 廳房位置

是否需要新造傢俬 ?

地台是否需要更換物料 ?
牆身之批盪是否有淨起現象 ? 是否需要鏟底 ? ( 所指的是油漆批盪之底層 英泥批盪 )

原有之間隔是否需要更改 ?

例如更改原有間隔  清拆舊有裝飾性之圍身 假天花等
___________________

5 - 天台 / 原有僭建物

原有僭建物 需要儘快  襯裝修既時候拆埋  否則 收到政府清拆令才整就麻煩

天台位置 要清楚知道 是否屬於你物業範圍內  假設有漏水 是否由大廈保養 ? 還是由閣下自己保養 ?

任何增加"地積比率"之 玻璃屋  組合屋等  都屬於僭建物一類 如果打算跟正途申請 則要預算入圖則費 及有可能須要補地價  ( 入則不等如一定批準  通常需時 3 個月至半年不等 )

任何噴泉 魚池等  會需要鑿地 或者影響到大廈結構的 " 構思 " 最好放棄  因為一般大廈頂層的 " 承重力 / LOADING " 較低  水池等屬於 Dead load 一類 是絕對影響到大廈結構的  ( 萬一防水層出左問題 即使是大廈全身的問題  但是閣下又剛好興建左個水池............. 又係自找麻煩 )

但是 放置 BBQ 爐 活動的儲物柜仍是可以的 (最好有轆) 假若想新建水喉/洗手盆位置/ 加燈 最好先向管理處書面申請
_______________________________________________________________________

其餘既就跟一般裝修需要注意之問題差不多

________________________________________________________________________

首先 參考多些資料

如睇多些家居設計雜誌  可以剪下一些自己喜歡之設計相片給對方  較易溝通 令人地知道你想要乜 ? 行下 d 建築材料舖 傢俬舖 抄下價錢 有助知道自己是否超出預算

其次  要知道自己既預算
要預算些什麼 ? 聽落好似好易  其實要考慮既  真係唔少

1 - 家中各項雜物既數量

例如:衣服  鞋  CD  書籍 小朋友既玩具  自己既收藏品  電腦  影音系統  鋼琴  水晶  毛公仔  ....

2 - 居住人數(將來是否會有埋小朋友)  會否有寵物  魚 雀  白兔  倉鼠  龍貓  水草  菲傭  長者  ....

3 - 設計慨念  列出自己最希望達到的效果  要知道  設計  唔係淨係講靚  仲要配合使用者既實際需要  如果唔係 幾靚都冇用  下下好似示範單位咁 好睇唔好用 D 家庭雜物擺邊呀 ? 日常點打理呀 ?

3 - 財政預算  呢樣就麻煩少少  先定一個約數  扣除自己要買既
雜物 - 浴室毛巾通 廁紙架  門背衣鉤  廚房配件 掛通  碗筷 ?
電器 - 電視機  影音器材  風扇  吸塵機  抽濕機
傢俬 - 梳化  茶几 餐檯椅  睡床 床頭柜 梳妝台 衣柜  書柜 書檯  陳列柜 鞋柜  雜物柜  諗下邊 D 會訂造  邊 D 會買
燈飾 - 想要咩效果 ? 幾多間房 ? 廳  走廊
窗簾  - 廳要窗紗定窗簾 ? 咩款式 ?

搬運費  建築材料.等等 減晒之後 先至係真正裝修費
亦應該先考慮 自己打算住幾耐  5 年 ? 10 年 ?

4 - 裝修項目
電項  - 電掣位是否足夠 ? 燈位驚唔驚對正張床 ? 是否要有燈光效果 ?
油漆  - 想要咩式 色 ? 是否由底重做 ?
地板 - 是否拆 舖磁磚 ? 保留地板 ? 木板/纖維板 ?
木器  - 是否需要作裝飾 ? 要假天花嘛 ? 傢俬是否訂造  想要咩款式 ?

其他一般要注意事項  最好於簽單之前問清楚

報價單有冇列明施工期 Payment Terms  保養期(執手尾) ?
如果有加改 是否照單價計 ? 有冇列明單價 ?
裝修前 - 會否做保護工序 ? 舖地板/包好冷氣機 ?
該公司/判頭 是否有購買勞保 ?

電插座是否入喉 ?

木器用什麼材料 ? 夾板 ? 咩飾面板 ? 楓木/櫸木/胡桃木/ 油漆 ? 柜內櫳包叻架/膠板 ? 是否現場修口(執邊 )?

用咩牌子既油漆 ? 是否包括鏟底 ?

是否包括清潔費用 ?
工程期間既垃圾廢料是否包括清走 ?

FireFire

THX... :mrgreen: