加電掣

KCs

請問有沒有人知道如我要在其他地方加電掣，是否要起地板?價錢又大約多少? :?:

stephenyeong

[quote:c3dc75316d="KCs"]請問有沒有人知道如我要在其他地方加電掣，是否要起地板?價錢又大約多少? :?:[/quote]

如果走明線 只要在最短距離的SOCKET加條線 在牆面和地腳線之間走線就可以. 這種 $1xx - $3xx.
如果入牆 要在牆身開一條坑... $400 UP 視乎距離 未計補牆.

hales

是不用起地板的 是可以走天花同牆身 所以如果打算要改電位的話
就要預計埋要做全屋油漆 如果你唔怕醜醜樣樣的話可以唔做全屋油漆的
只做開左坑果幅牆都可以 不過會唔夾色囉...就算大家都係白色 都會有新
舊色分別的.....油漆的話是一板板計錢的(起磚牆都是一板板計的)
油漆如果唔做底淨油色的話一板$1000左右 (一板為10呎x10呎area)

別走明線.....不合電力條例的...不開坑藏的話是需要做電燈喉的...
明線其實好危險...而且你唔開條坑藏線 都要開坑來藏蘇底箱...

最平既就係開坑藏線(不合例的) 正式來講要做鐵喉 出面做大約400
蚊只係做明喉(膠的鉛水鐵喉會貴o的) 做暗的話400算係勁平了
而一般都唔會計你幾遠的 因為遠極有限 功夫都差唔得幾多
都係用界石機界左之後再用支炮仔打坑 做喉然後填泥 但不會幫
做色的....平平貴貴多數depend on你要做幾多個掣位...
如果做既野多的話 我公司幫出面做就500蚊左右(不過我公司不做
住宅裝修工程的). 如果只做一個暗掣位的話 冇1000都唔駛諗....=.=
一個人黎做一日未計料錢人工公價750蚊一日(電氣大工) 計埋料錢
公司行政費等等1000蚊差不多...全屋電當然唔同計法..
不過你自己可以預o下條數 之前幫朋友屋企做全屋電 全屋插蘇
吊燈位 總線 三個人開工做5日 普通野的話全屋10000~15000左右
多o的花考野的話 兩三萬都做得出來的....不過可以俾個reference你計計
600幾呎的話全屋電+起底從新油過全屋牆身大約預三~四萬蚊差不多

另外如果搵左師傳做的話 記得補油牆身之前要去影相或是畫圖
記底邊個位做藏左野...如果唔係日後你想鑽個窿掛個相架都好麻煩..
唔知邊個位有電線的話鑽落去就大穫了....

KCs

多謝哂你地既意見，非常非常之詳盡呀！！！但聽落咁鬼貴，可能拖個拖板會簡單D啦！（雖然核突D)