電子告示版，座同座之間加加蓋跟進

sjacky

勞氣左一大輪，可以做到的話話俾大家知大廈就會有電子告示版，而家同成辦商傾緊，出完價就會開始安裝。
另外座同座之間加加蓋一樣都仲係傾緊，來緊呢一兩個月會有問卷，睇居民喜歡乜野DESIGN。
可以做到的我都做了....幾時先有人一齊起事，成立業主立案法團！

grassman

我精神支持你,我仍然會100%出席業主大會,但平日時間就太勞累了,不能參加。

濠仔

sjacky 真係辛苦你了

你有d咩要幫手....睇下大家幫唔幫到你??

sjacky

回復 2# grassman
我一次都未參加過，也都吾知佢地幾時搞過，早前我已經去管業處提意過，定期發放業主通訊呢一類通知，等大家知佢做緊乜，同幾時有呢一類大會，佢話好提意...(做吾做我就吾知了)

sjacky

回復 3# 濠仔
大家都係想搞好小小個屋苑，暫時最大問題係個管業處，效率太慢，透明度太低，佢做乜冇人知，有冇做冇人知，監察也都冇人做，令到所有問題得過且過。幫手暫時都冇乜野可以做，睇下遲下佢個電子告示做得好吾好，再決定下一步點做。

我諗我同你都有一個目標就係停車場租太貴，希望可以同到個大業主傾平小小，等到大家有車的可以拍返係自己場，哈哈呢個問題都幾尷尬，吾係全部人的問題，屋苑附近停車場最貴係我地2200，之後到美景1800，如果可以去到同美景差吾到價已經可以接受，雖然都仲係貴（人天性幾多錢都係貴哈哈），不過對面街市都1400 啦，私人1800 OK 啦。我ＳＥＮＤ過信去和黃 ，不過冇回，管理處我都傾過，佢話都有同佢地傾，但係個邊吾肯減，但我覺得管理處係冇做野的，咁多年一樣小車拍，但租價錢都係一路升，如果有立案法團同佢地傾就好了，例如出下D平PLAN ，吸引返自己屋苑拍返入來，訪客有日拍同晚拍的PLAN，如果做得好Ｄ個停車場ＦＵＬＬ　Ｄ，一來大業主有賺多Ｄ，二來車主吾駛個個月俾人屈咁多（一個人俾一個半車位租，只係因為小人租收支吾平衡係咁加租），如果呢個問題要幫手，最先係點可以聯絡到個大業主去傾，自己去信又冇用，管理處吾多覺有做野ＬＡＷ。

sjacky

我精神支持你,我仍然會100%出席業主大會,但平日時間就太勞累了,不能參加。
grassman 發表於 2010-10-22 19:08

另外其實討論版主有有冇諗過同管理處個邊傾傾，張呢個區成為官方討論區，等佢發放俾其他業主，等多Ｄ人入來，做起事來多Ｄ人，都好做Ｄ，而家小貓三四隻，想做乜都冇力啦。。

moonmoon

唔係上黎這個網，都唔知遲啲會有電子告示版，座同座之間加加蓋。

thank you.

grassman

另外其實討論版主有有冇諗過同管理處個邊傾傾，張呢個區成為官方討論區，等佢發放俾其他業主，等多Ｄ人入 ...
sjacky 發表於 2010-10-25 12:38

雖然我唔係RC第一代人,但我知呢個討論區前期就是一個反"管"基地,咁又點可以…

大民

反管就反管！又有什麼了不起。
難道呢個討論區是個擦鞋區？

講的是事實，冇人可以掩蓋。

sjacky

回復 8# grassman
反吾反都冇乜所謂，最緊要多人知，多人入來，大家有乜想講，有乜想要，有地方開到聲，有地方集合人，而家太少人，真係好難有乜作為...