請大單位業主比啲意見呀.

莊生bb

各位rc業主 請給一些意見呀. 我現住638呎 但因仔仔大個喇. 想比個私人空間佢. 所以想搵間大單位. 有幾個好大的問題請住大單位朋友比啲意見喇...
(1)西斜夏天係唔係熱到死呢?
(2)其實大單位好唔好住呢?
(3)有冇話邊座好啲呢?
(4)樓層底啲會唔會冇咁哂呢?
(5)有冇業主自讓呢?

暫時諗到咁多. 如有其他到時再post呀? 請得閒就幫幫忙回覆喇...

grassman

[quote:6313936469="莊生bb"]各位rc業主 請給一些意見呀. 我現住638呎 但因仔仔大個喇. 想比個私人空間佢. 所以想搵間大單位. 有幾個好大的問題請住大單位朋友比啲意見喇...
(1)西斜夏天係唔係熱到死呢?
(2)其實大單位好唔好住呢?
(3)有冇話邊座好啲呢?
(4)樓層底啲會唔會冇咁哂呢?
(5)有冇業主自讓呢?

暫時諗到咁多. 如有其他到時再post呀? 請得閒就幫幫忙回覆喇...[/quote]

(1) 有DD熱，但唔駛死！
(2) 好住，我老婆唔很搬。
(3) T1，因冇樓對樓！
(4) 我諗高低冇關係。
(5) 大單位盤係短缺D的，要多D留意下，我發左達的話就會賣，請耐心等待！ :mrgreen:

一家四口

T1 D單位話晒都有個房望到海境添 只係怕遲D條大橋通車後 唔知會唔會嘈好多呢

diedsee

其實我都好想買大單位 if 佢比養狗的話

kk-in-hk

(1)西斜係熱d 不過如果加靚d"遮光布"可以有效減低熱力 有部份梗窗你可能要長期落簾 不過對採光不會有影響 個d簾後面可以貼上車用銀色個d遮光板 又可能減低熱力 不過出街要記得拉埋簾. 好處你可以想像一下冬天屋會暖d 春天屋會乾d 晒衫一流! 夏天晒到7點前.
(2)好住! 無走廊位 實用!
(34) D比E好 因為D室細房向南而E室細房向北. 高過40/f 即41/f或以上 已經可以高過酒店 由D室細房望香港島. 1座同5座高層D室比較開揚 不過1座會近將來馬路.

肥度

[quote:1a46fe6b03="莊生bb"]各位rc業主 請給一些意見呀. 我現住638呎 但因仔仔大個喇. 想比個私人空間佢. 所以想搵間大單位. 有幾個好大的問題請住大單位朋友比啲意見喇...
(1)西斜夏天係唔係熱到死呢?
(2)其實大單位好唔好住呢?
(3)有冇話邊座好啲呢?
(4)樓層底啲會唔會冇咁哂呢?
(5)有冇業主自讓呢?

暫時諗到咁多. 如有其他到時再post呀? 請得閒就幫幫忙回覆喇...[/quote]

俾個提議你...買埋隔離..打通佢... :em17:

莊生bb

多謝咁多位意見...真係要考慮下先... 兩房真係唔夠住...不過經濟差到咁...真係有d驚...
(1)gm你幾時發達呀...記得平讓比我喎...我等緊呀...
(2)kk-in-hk我現住h室...已用好強"遮光布" 但可能老婆同仔仔都好醒瞓喇... 早上都好光...但再用d再強又驚好焗...
(3)如果有業主想放...記得通知聲呀...可以唔駛比地產...哈哈...

Tomato

[quote:6f2c526d55="diedsee"]其實我都好想買大單位 if 佢比養狗的話[/quote]
我都係咁諗呀..... :同埋我好想住返隔火層上面!

公公婆婆

[quote:542c342fc0="Tomato"][quote:542c342fc0="diedsee"]其實我都好想買大單位 if 佢比養狗的話[/quote]
我都係咁諗呀..... :同埋我好想住返隔火層上面![/quote]

住隔火層上面有咩好處？可以放狗？係咪真先 :mrgreen:  :

kk-in-hk

[quote:a73c714d99="莊生bb"]多謝咁多位意見...真係要考慮下先... 兩房真係唔夠住...不過經濟差到咁...真係有d驚...
(1)gm你幾時發達呀...記得平讓比我喎...我等緊呀...
(2)kk-in-hk我現住h室...已用好強"遮光布" 但可能老婆同仔仔都好醒瞓喇... 早上都好光...但再用d再強又驚好焗...
(3)如果有業主想放...記得通知聲呀...可以唔駛比地產...哈哈...[/quote]

你H室係向東 大家其實都有同樣勁曬問題 (我都住過正東屋).
再有另一個方法 雙路軌行3層簾 :
最近街係"遮光布"同主窗簾行一條軌 近屋內一邊行一層紗布 咁你就可以唔一定動用遮光布個層.
再者有無留意我地d窗可以開合地方其實係貼牆一面 所以窗簾入軌時 可以唔好扣死佢(即唔扣最單邊個"死"扣) 令整道窗簾可以自一面拉晒去另一面 咁你就可以將中間梗窗遮住而留兩旁通風同採光 - 不過有可能有人認為咁會看起來怪怪 但係我就覺得好多人比舊有思想纏住而往往放棄一d實際較有效方案(sorry 別誤會 我不是指你 因為我係比窗簾安裝師傅問過:"咁怪? 窗簾唔係扣死係兩邊??"). 平時不用窗簾時 由於它有一定重量而且牆身也有勾 本身可以安靜地掛在牆邊.