藍澄灣搵樓

pingpangpo

各位藍澄灣業主，您們好!

本人與太太現時並不是藍澄灣的業主，不過已準備約地產經紀去藍澄灣睇樓，我們心意在葵青或美孚一帶置業，覺得藍澄灣樓齡不高且價錢合budget。但對於該物業不太認識。

大家可否分享一下你們的體驗，無論在搵樓應注意事項、景觀、座向、設施、交通、治安、..等等發表意見，不論好與壞，無任歡迎。

閣下的寶貴意見對我們是十分重要。買樓是人生一大事情，不能草率。先多謝您們的時間。小弟感激不盡。

boboyeung

你好~我都係剛剛買左RC今個月尾收樓 我巳經住左美孚20年了 RC如果買高層向海真係好靚 佢間格又實用 好多人話地點唔方便但我又覺得OK 起碼一落樓下就有2架小巴 可以出葵芳同青衣城 RC又有個咁靚既會所 好吸引價錢都真係好OK 我睇過宏褔 翠怡 相比之下 RC真係好正~~
美孚樓齡耐 成30幾年 屋企成日有漏水情況 而且外牆翻新又要比好多錢 會所冇嫁啦 不過如果實用黎講 美孚D單位真係好大 又冇窗台位 但望出去個境巳經唔靚啦 你自己諗下鐘意新樓定舊樓啦...

一家四口

景觀 : 低層就大單位個景好D，高層(41樓以上)就細單位靚D。

交通 : 以呢度既樓價，已算方便，出葵芳地鐵車程只係10分鐘(如果唔多車，十分鐘都唔洗)，對面村仲有好多好多條巴士線。

治安 : 住咁耐，我未聽過有咩偷野，爆竊喎。

設施 : 會所有GYM玩、STEAM、SAUNA、桌球、兒童遊戲室、仲有泳池等

商場 : 百佳、日本城、大家樂、WATSON...

本人覺得RC既間隔比好多私人樓實用，窗台就個個新樓盆都有架啦，冇得走。唔好既地方就係隔音比較差，用料唔算高上 (始終一分錢、一分貨掛。)

Uncle O

低層就只有向山那邊有景，另一邊向酒店景觀甚差，又冇太陽。
頭尾兩座向車路較嘈吵。
雖然有商場，只是最基本的物品，食肆就只有大家樂和酒店的餐廳。

我不是住在RC（我的父母住這裡），但每次返來，感覺好似住係酒店，一方面係好多大陸客和酒店員工，另一方面係冇乜似住家的設施。
落泳池游水，都係同酒店客人共用，真係好有渡假Feel，如果有埋個Pool Bar會更似。
家居環境都算係咁啦，又有足夠的車位，交通都算方便（出葵芳快過落青衣站）。要黎住冇問題，想保值就麻麻嘞。

pingpangpo

多謝各位的意見，對我們真的好有用。 想問多一些:

1)  屋苑商場是否只有大家樂，沒有其他食店如荼餐廳。如果去酒店的餐廳，咪好貴。
2)  會所的泳池真的是要與酒店客人共用? 那麼，其他設施如GYM Room是否同樣要share。
3)  上班時間出葵芳會否塞車?
4)  聽聞長江樓在大雨天有渗水情況，你們曾經試過嗎?
5)  點解藍澄灣的呎價比青衣其他樓盤偏低，它的樓齡尚算新。保值能力是否較低？
6)  我們有睇過葵涌月海灣(5年樓齡/信和，共有兩座，近葵盛)，有朋友可給任何評價？兩者的比較怎樣？

感激不已!

Uncle O

[quote:bb0a0e4048="pingpangpo"]多謝各位的意見，對我們真的好有用。 想問多一些:

1)  屋苑商場是否只有大家樂，沒有其他食店如荼餐廳。如果去酒店的餐廳，咪好貴。
答：除了大家樂，還有百佳、日本城、書報攤、你一定不會幫襯的精品店、服裝店

2)  會所的泳池真的是要與酒店客人共用? 那麼，其他設施如GYM Room是否同樣要share。
答：會所要每個月畀錢，如果你成日用，都值嘅

3)  上班時間出葵芳會否塞車?
答：青衣已經好耐冇塞車呢回事

4)  聽聞長江樓在大雨天有渗水情況，你們曾經試過嗎?
答：在這個Forumn見得最多係廚房個抽氣扇入水，其他地方似乎沒有

5)  點解藍澄灣的呎價比青衣其他樓盤偏低，它的樓齡尚算新。保值能力是否較低？
答：我想是因為自成一角，又要同酒店共用設施，又有一半的單位沒有境觀，兼最初開售時正值樓價高企時，自住者亦多，又不是近地鐵站

6)  我們有睇過葵涌月海灣(5年樓齡/信和，共有兩座，近葵盛)，有朋友可給任何評價？兩者的比較怎樣？
答：隔離左右都係公屋，樓下有安老院，附近乜都冇，商場要落葵芳，或過葵盛村，有自已會所，都算係咁啦，又係ｄ自住ｏｋ，唔好望升值。
仲有係葵盛係個石頭山，少了樹木調節溫度。

如果只以住來說，藍澄灣同月海灣都算係靜中近旺，都ｏｋ啦，但真係唔好望保值。



感激不已![/quote]

Eddy Lam

2)  會所的泳池真的是要與酒店客人共用? 那麼，其他設施如GYM Room是否同樣要share。
答：會所要每個月畀錢，如果你成日用，都值

酒店住客要另外俾錢先有得享用 所以泳池好少會見到有d自由人係度游水 GYM room更加未見過佢地出現...

5)  點解藍澄灣的呎價比青衣其他樓盤偏低，它的樓齡尚算新。保值能力是否較低？
答：我想是因為自成一角，又要同酒店共用設施，又有一半的單位沒有境觀，兼最初開售時正值樓價高企時，自住者亦多，又不是近地鐵站

No la RC開售時正值沙士 係樓價最低時 所以第一批買RC o既人士而家仲賺梗錢ga :em12: 當然同同期d樓盤比較 RC個升幅真係有限...  :em06:  

hktakpo

我都剛買了藍澄灣月海灣好唔實用 RC 實用好多講真三年樓咁呎價邊度搵

boboyeung

平日夜晚 gym room會唔會好多人嫁? gym room 收幾點?

Jeffrey Shirley

[quote:6e9b836157="boboyeung"]平日夜晚 gym room會唔會好多人嫁? gym room 收幾點?[/quote]
8-9 點高峰期，10點鐘 close。