對於是次88F 縮短程. 你覺得是好事 / 壞事 ?

hales

[quote:446214daa7="alankle"]行過美景唔係唔得 不過條路幾危險大家都知啦........
仲有呀 為0左某些人方便就唔理其他人不便 咁係唔係倒木本置0左呢
點解我地唔爭取多一架車 放便其他鄰居 而係為0左自己得到方便而開心呢..
難道我地被小巴公司及管理公司帶著走好高興嗎..........
點解人地俾某些人小小好處大家便要感激佢地呢........
難道我地真金白銀拿錢出來 就是為對佢地唯命是從.........[/quote]

其實都係各人有各人的需要 改線之前又好 改左之後又好...
總是不可能滿足所有人的需求....
其實增加一些線路 對於大眾來說當然是好事 大家可以有多o的選擇
只是要有幾多條路線才可以滿足到所有人的需要呢... :em18:
只能說...每一次的改變都會有looser和winner的身份互調出現囉..

嗯...話說回來...實話實說 管理公司在這個方面我認為佢地都係屬於
很被動的個角式 都係果句...小巴公司佢地係做生意....與屋苑村巴
的分別很大 如果屋苑有自己的村巴 營運收支是會和管理費有直接的關係
只要是業主們不介意開一百幾十條線都唔成問題(運輸處批唔批是另一回事)
嗯...好..又回到錢的問題了 開一百幾十條線又係唔係每條線都有100%
業權人支持呢? 好了...於事乎又鬧過喇 A君說B君常坐的1號線路客路
太少 覺得自己交的管理費用了在一些浪費的地方 倒過來C君又說A君
常用的路線和某某巴士所經的地方一樣 沒有必要把這條線路的營運
成本由巴士公司轉到來屋管理公司...哈~一切都是錢作怪....

回到現在的處境 同樣地 小巴公司是小巴"公司" 管理處還管理處...
小巴公司係獨立的營運公司(又係呢句...有無一句新O的咖....)
佢唔會理會我們到底方便唔方便....別傻了 做生意既人只會考慮到
成本幾多收益幾多 如何去減低成本增加收益 是絕不會理會
乘客們要坐多久的車程 也不會理會你要等多久的車 只要佢現行的路線
成本降到最底 會選擇坐車的人最多 開車的時候載客量去到最高 就GOOD哂啦

在於我們的立場 當然一分鐘開一班車 有的是直通車 有的是環島行當然
是最好不過了 但是不出一年 間小巴公司"執硬笠"都得喇.....
說最底只係話 立場不同 目的不同 小巴公司也是要考慮到營運成本
搭客量等等的因素放在首位來製定路線 而不是看大家坐呢架車方唔方便...
唔通條線冇錢賺 但坐既人好方便 都開咩? 即使不是小巴公司 就算係
屋苑村巴也好 情況都會係一樣的 一樣唔會開一o的很少人坐但係對
某部份人又很方便的路線...一樣咖咋..開呢o的線 日後收支細項
公怖左出來要虧損的話 一樣會有好多人走出來鬧著要取消呢o的線路咖咋..


ps:先說明一下我唔係企係邊一邊 我亦是常坐車去碼頭轉車的
改左之後唯有多轉一程車啦

alankle

但係售樓書有0個0的路線 大家應該唔會反對0瓜. 因為大家都預0左有呢0的村巴亦預0左要俾錢 但係我地無村巴又無會所$1.3管理費係唔係太貴呀
點解我地一定要用和黃管理公司喎 佢地又要理會所又要理商場 都唔知酒店有無佢地份理 咁0的數點分得清呀 分分鐘我地0的錢俾人用0左其它用途 就算查數都無用架 做數用咩易啫 只有分開管理 我地先有保障.

dracula

我地當初都係比和黃"坤"左~ 如果佢一早比 shuttle 我地點到點 咁就唔會有咁多爭議~

alankle

再講呀 小巴公司佢地蝕唔蝕唔關我地事架喎 有路線係度 我唔信佢地唔做生意啦 佢地實有佢地生存落去架方法 唔使我地為佢地擔心喎.
如果有條路線佢地唔做 咁咪唔開0羅 大家都唔會怪邊個架
但係我地大權要求佢地開多幾條路線架喎 如果連申請都唔去申請 咁會對大家係好事咩 我地唔係有業委會成員咩 佢地應該好熱心我地取爭利益架喎...
無理由試都未試就放棄架喎.

hales

呢樣真係答唔到你... :em09:  :em09:
不過頭兩年一定要用和黃管理好似都係售樓書講明左 :em09:
不過售樓書係蠱惑過古惑天王的....有寫明所有路線要視乎
有關部們的批核情況....總而言之 人地養一班律司來定個售樓書的
好多時佢地都唔會死錯人...

vivian

我係和黃 呢家就應該醒醒定好整條shuttle (點到點)
安撫左大家
和黃咁既錢都慳 正x街   :evil:

要我地咁勞氣傷神
食e乜都補唔番  :evil:

dracula

[quote:ca381c0a6f="alankle"]再講呀 小巴公司佢地蝕唔蝕唔關我地事架喎 有路線係度 我唔信佢地唔做生意啦 佢地實有佢地生存落去架方法 唔使我地為佢地擔心喎.
如果有條路線佢地唔做 咁咪唔開0羅 大家都唔會怪邊個架
但係我地大權要求佢地開多幾條路線架喎 如果連申請都唔去申請 咁會對大家係好事咩 我地唔係有業委會成員咩 佢地應該好熱心我地取爭利益架喎...
無理由試都未試就放棄架喎.[/quote]

佢地o既生存方法就係...等齊人先開~ 班次唔會開得密~
不過佢地蝕又真係唔關我地事喎~ 我地係無辜o架~~~

hales

[quote:4718f1e9fd="alankle"]再講呀 小巴公司佢地蝕唔蝕唔關我地事架喎 有路線係度 我唔信佢地唔做生意啦 佢地實有佢地生存落去架方法 唔使我地為佢地擔心喎.
如果有條路線佢地唔做 咁咪唔開0羅 大家都唔會怪邊個架
但係我地大權要求佢地開多幾條路線架喎 如果連申請都唔去申請 咁會對大家係好事咩 我地唔係有業委會成員咩 佢地應該好熱心我地取爭利益架喎...
無理由試都未試就放棄架喎.[/quote]

話是當然可以這樣說...小巴公司死唔死蝕唔蝕當然是他們的事沒有錯..
但角式之間的關係不能搞錯....否則始終都唔會明白個立場問題...
人地小巴公司在法律上的地位是一個獨立法團 我地係有權建議
佢開多幾條路線加多o的班次 但我地只係有權去建議 但沒有權力去
命令一間私營公司為我地提供服務....在利益上小巴公司唔係一個
政府部們 佢地沒有從政府的稅收之中得到甚麼 相反佢地重要交利得稅...
所以佢地唔開 亦只能建議第二間公司去做 所以其實爭取開辦新的公共小巴
路線並不能看成是一項爭取權益的舉動 如果要一家私營去營運一項生意
項目也視之為一項行使權力的舉動 這樣來說權力也未免太大了

alankle

其實有0的法律就算佢地0岩 好似紅灣咁 只要大家團結 佢地都唔會想攪臭個名
不過我地對呢仲做法 大家應該都有好大分歧...
唯有努力再試下啦..............

hales

[quote:0895a2f05f="vivian"]我係和黃 呢家就應該醒醒定好整條shuttle (點到點)
安撫左大家
和黃咁既錢都慳 正x街   :evil:

要我地咁勞氣傷神
食e乜都補唔番  :evil:[/quote]

呵呵~~佢地有乜所為嗟...
反正開shuttle賺蝕都係在管理費上扣的 所以我地o的錢之嘛
開條shuttle佢地仲可以在管理費上掉走o的錢去shuttle bus公司..
反正好多屋苑開shuttle bus都係管理公司另外開一間公司來做線
左袋去右袋之嘛...不過現在重點好像係運輸處唔批俾管理公司開shuttle....