藍澄灣旁邊起公屋??

klmandy

佢無嘢呀嘛！專注搞好洪水橋項目好過喇。成個香港滿佈地盆，烏煙瘴氣。

KatNoos

昨晚, 在沒期待居民間有實質方案的心情都儘管去參加吓居民大會, 聽吓居民意見, 一如所料, 只是個百多二百人的地區宣洩平台. 只聽到大家好想保留現狀. 聽到21:30, 但沒有人提出實際行動.  
主持人講什麼文有文鬥 (句號)...一人一信去拉布, 我真係笑左.  真的想還要大家浪費時間, 究竟他們是幫居民還是政府呀?

你寫信1000封信, 人家若要回覆都只需要一個 template 一個 excek mail merge, 15 分鐘KO 你地啦!!!

大家拍手掌, 我畀你地再拍大聲10倍, D聲都出唔到青逸酒店, 有其他人會聽到?

主持那位女仕, 大聲話青鴻路唔可起建槃物, 見到大家好亢奮, 但我地唔係要亢奮和口號. 塊地唔係藍澄灣的, 是政府的. 理性D講, 我地阻唔到地主的. 只可以協商.

起FB群組亦只不過是發洩情懷多於實際行動. 我畀1000 like, 可改變事實嗎?

主持人希望保持風度, 但若大家有心維護現狀, 以上都是消極的想法.

1. 當大家想同心保衛藍澄灣綠化帶, 大家應該有心理準備要付出同政府周旋. 大家拍手掌同時, 有沒有想過自己要為此爭取的底線可以有多少? 遇到有幾多的阻力我地就不可繼續呢. 要抗爭, 要放棄爭取, 要逃避? 記住, 此乃每家每戶的考慮. 集體行動前應評估.

2. 爭取除了計劃, 要有資源, 人力, 財力的資源. 大家業主, 區議員可付出多少呢? e.g. 區議員若唔搞D乜乜旅行蛇齋餅糉,可以拿多少財力出來全力為我們爭取?  業主會有會不會用盈餘來做這件事?  大家要考慮.

3. 青鴻路的地是人家的, 大家有沒有考慮PLAN B, 給對方一個利大家不害人雙嬴方案 e.g. 地換地 (以山上學校地換興建公屋計劃); 或者政府覺此地如此合適起公營房屋, 可收購埋藍澄灣一併發展, 起多10幢都仲得, 有合理賠償, 大家或可考慮. etc.  當爭取保持綠化帶失敗, 我們可以換或拿回什麼呢?

4. 若大家選擇抗爭, 點都要有一些明顯合法行動. 業主委員會有沒有和管理處溝通一下, 了解吓管理公司的立場和其他藍澄灣持份者的態度?  其他持份者 包括酒店, 商場, 停車場的業主.  藍澄灣五座業主的權益. 簡單D講, 溫和D拉吓 banner 都要知可以放邊, 放到多少張 etc.

大家花了個多小時, 我都不想大家得個知字, 大家應馬上計劃吓"你自己和家人"可以為你的藍澄灣做得有幾多囉!!!  祝藍澄灣好運.  

unicorn

好耐無返黎啦
自從買了rc,我從03年只有30萬身家
到而家擁有2間屋
Rc所以幫大家業主揾錢，係因為我地同睇淡呢個位既人對賭，由於我地賭贏，所以揾大錢

邊個係睇淡？就係以為rc唔會迫爆，唔會拎錢都租唔到單位戈單傻仔

10年前好多人笑我，話青衣人點揾樓都揾唔到rc
結果？綠悠雅園起完
而家政府再大規模植民落我地附近，表示呢d公屋家庭10-30年後有下一代要返爸母老家附近租/置，確保我地屋園長遠有租客，係好事
什至，我覺得rc30年後會搶手過碼頭戈面既盈翠/浩景

好事來，最好rc 前後左右起10萬間公屋

俾個比喻，迎海附近夠成村成村公屋啦,最後其實租/售都係靠過2條街既公屋住戶

unicorn

KatNoos 發表於 2015-7-29 10:50
昨晚, 在沒期待居民間有實質方案的心情都儘管去參加吓居民大會, 聽吓居民意見, 一如所料, 只是個百多二百人 ...

其實一直大家都有利益沖突
比如今次"發展"
有好多老業主03年等到而家就係等人口爆棚加租，加上20000蚊我地都覺得只係追落後

但迫爆之後，班真正租客一來可能touch wood俾人趕，二來同人排小巴巴士都難左

事實上而家個租金同size樓齡配套,如果唔係rc附近未發展，人煙希小，無分支家庭，無咩餐廳商場，我估你好難揾

唔好忘記rc其實勁近青衣機鐵，如果財金界，物流業其實一樓難求。你睇下東涌咩價位先啦，邊個近高鐵，icc,ifc

最緊要rc size,而家買大西北都唔平啦，豪宅bor,你估公屋呀？

更係有人望rc人望人煙希小架啦，不過唔係收緊租，脫晒貧而家搬左去富貴區炭緊世界戈班

KatNoos

unicorn 發表於 2015-7-29 14:24
其實一直大家都有利益沖突
比如今次"發展"
有好多老業主03年等到而家就係等人口爆棚加租，加上20000蚊我 ...

原來買藍澄灣可以令人至富, 真係大鄉里.
唔好話收租果班業主有唔同諗法, A, B, G, H 都唔會同其他單位癲.  56座又未必好似1-3座的住客咁咬牙切齒.
收租果班可能好開心見到人流增加, 但人流多唔等如租客的質素好左.  配套唔夠, 做乜要租藍澄灣?  有樓收租當然開心, 但投資唔係只講流量, 係講產業的質素. 藍澄灣的配套,地段和將來規劃, 真係會因為多左公屋令人身家豐厚和更上一層樓?  機會成本來講應該係....輸哂, 2003 係(我只比較美景, 曉峄園已不用比美孚和東涌), 2015 和之後更加係. 不過最緊要現有那些收租的業主覺得開心就OK.

unicorn

收租果班可能好開心見到人流增加, 但人流多唔等如租客的質素好左.  配套唔夠, 做乜要租藍澄灣?  

唔小人
正如我上面提及
中環返工，要就老家，入去住迎海
你再諗下瓏門/ yoho，你估環境好好？某程度上尺價可以拎個小朋友住"正常"好多既校網，但要近住老家d公屋，都要住，難聽d講窮人區

Rc唔係窮區來架，青衣私樓你估平？問題只係無分支家庭
咩區域配套你唔洗諗啦，奧運站你估附近水清沙幼，鳥語花香咩？d人做附近地鐵站d工，搬去貪就腳炸，rc個位，天生已經無得輸，金融經濟物流核心命脈口係晒度

你生左小朋友未？生左小朋友你就明點解要搬返去近父母
我10幾年前，買屋走到有咁遠得咁遠，確保父母揾我唔到，後來咪死死地氣返去父母/外母附近

klmandy

座談會當晚我也是座上客，席上聽到不同聲音及意見，但最終仍未有一個共識方案，單靠send email、遞信、遊行請願等行動，有關部門已司空見慣，很難令政府正視問題所在，反而利用傳媒力量去影響政府決策可能性較高。

先不講各業主的利益，客觀地討論該幅地是否適宜興建房屋，同時區內配套真的可承受過萬人遷入嗎? 針對該幅地內有斜坡、污水渠、油站等設施，建築成本將會非常昂貴，要全港市民承擔，是否值得?

還記得8年前政府某部門曾派人落區與RC開會，回應居民要求興建公園事宜，當時工程師說，該地只可做綠化工程，並嚴禁入內，可以想像它是存在一定危險性，我們很不容易地爭取到現在的細小休憩地方，有點唔理解為何8年後這裡可興建到這龐大工程? 針對項目將帶來RC 的環境破壞，空氣質素等問題，我們可以嘗試咨詢環保團體，請他們評估及提供意見也是可行辦法。

KatNoos

klmandy 發表於 2015-7-30 14:06
座談會當晚我也是座上客，席上聽到不同聲音及意見，但最終仍未有一個共識方案，單靠send email、遞信、遊行 ...

我都係準苦主, 所以我都想有D實際行動, 要知若遲了行動, 那些公屋會樹立在藍澄灣前面50年或更耐.

問題是大家(至少大部份人)要有共識的行動先得架.

若如你所講要靠什麼什麼”外部勢力”,以現在大家的心態 是沒用的. 因為大家連自己可以做什麼都不知.  我估大家到依刻, 大部份人還是天真的想0付出就會保留綠化帶?  記住, 大家今次的的對手係政府(香港最惡最有錢最大的地主)!!!

若要找傳媒議員幫手. 大家先問你藍澄灣有什麼利益俾到佢地?  傳媒要有收視, 有新聞價值去取悅讀者和廣告商, 議員做事要有選票回報有收視有可塑性會發酵的題材先肯做, 我地乜都唔做就想搵人做大佢, 大家會唔會天真左D?

同權貴鬥, 其實乜都要睇錢, 大家話搞, 目的就係想羸, 要贏就一定要錢, 例如前期工作去吸引傅媒令事件發酵, 若城規批左就要搵律師去施法覆核.  搞依D, 少個崩都唔得.  大家唔好諗住叫幾聲, 到一到城規就會搞掂.

如果大家諗住到一到城規會抗議吓就算, 你不如慳返. 你有心理準備明年有個大大個地盤在藍澄灣旁開足3年工, 之後50年有萬幾人同你爭搭88G/88F啦.  

至於你話若干年前"政府某部門曾派人落區與RC開會”.  大家還有冇記錄先? 若冇, 政府話你講乜都得.  就算有, 你估佢地唔用語言偽術打發你走? 官字兩個口.  若有, 請好好保存. 打起官司可能有用.

利申: 本人唔係法律, 政黨或做政府的人仕

JAT

其實我覺得政府係個度起樓係起硬架啦, 跟本你好難反對. 我覺得不如BARGAIN最合理既方案. 例如現時美景的公園本來係起樓但因為太近油站所以不能起. 咁如果佢地要起公屋應該首先要搬走個油站否則油站同公屋距離咪近過美景公園同油站. 咁如果要搬走油站就可以係油站呢個位度起但不能起得太高亦不能咁多座.