2011.11.30 星期三... 忌火?

KCs

管業處黃先生回覆，當火警時，應該每層樓的火警鐘會一齊響。
若然屬實，我為何打開屋大門才聽到好像從另一層傳來的警鐘聲？
而我醒來的原因只是聽到從樓下傳在警員的大聲公聲音，並不是警鐘聲。

他亦提到，約一星期前防火公司才做了消防來系統檢查維修，並通過
消防處的突擊檢查，相信警鐘應該冇問題。
他認為有何能是警鐘安裝位置問題，導致有住戶聽不到鐘聲。
他答應會再次按排檢查火警鐘，並檢討警鐘位置，及向住戶公告今日
火警情況。

相信大家看過同時間在花園街四級嚴重火警，住戶理應對於防火措施
關心多點。

大家若有其他心疑問市及發現，請向管業處查詢！

kk-in-hk

我住4X樓，火警鐘響唔知﹗好彩有好鄰居拍門，我地一家上o左天台，無幾來由消防員帶回地下，等到7:30才返到 ...
Koala Bear 發表於 2011-11-30 14:27

請問一下, 上天台係米推開防煙門已經可以了? (我係指天台係公用用來走火警用, 不會上鎖又或者唔係人地複式單位來?)
因為都只知係可以向下走, 但今次火係我下層, 可能向上走比較好走. 我見大煙同樓下好遠起火, 因此沒走到.

又 如果要走, 一定要拿門匙 (比手提電話/電筒/毛巾/ID/$$ 更重要), 因為萬一走不出去, 你可以退回家不用被困樓梯. 毛巾反而次要(忘了拿也一時死不了的) - 大家都有衣服穿嘛, 拿衣服頂上吧.

grassman

好彩無死人，不幸中的大幸！

Koala Bear

回復 12# kk-in-hk

我上到去係就咁推門，已有約10人在，業主當時係到，唔知之前有無上鎖﹗不過應該唔可以上鎖，否則可能違例。
另個火警鐘真係細聲，如果時夏天開房冷氣，更加聽唔到﹗此點希望管業處盡快跟進。
另好彩RC有一班守望相助的好鄰居，希望大家遇有危難(TOUCH WOOD，大家高時好運)，可以好似我的鄰居及天台業主一樣，簡單拍一下左右隔離門，申出援手收留須幫助之人，真係可以救到人命﹗
我一家都好感激﹗

mailinf

我地都係4X樓,個警鐘好大聲喎! 但我地就無關房門瞓,聽到唔係好大聲,但出到門口開左門就好大聲喇!
捱出近F,G單位的門時,以好大煙,有燒焦味,有其他隣居出來,都話要走,於是再推A,B單位的防煙門,已經見到有主戶行緊上天台,佢地仲提我地帶條濕毛巾,見到有位好熱心的住客,四處叫隣居走,同提供資料話32樓有起火,好多謝佢,見佢行動不便都咁熱心,我感激! 仲要多謝50A天台的業主夫婦,開門俾我地避煙,仲搬一大堆櫈招呼我地! 走左,仲要佢執手尾,真係唔好意思!

消防員5:30上到天台通知我地,火已救息,現等煙散走,才可回家,又先帶走有小朋友的家庭乘電梯到平台,我地係最後走,我主動問消防員可唔可俾我翻屋企,唔落平台,因為已經差不多6點,佢話等佢陪我地去我地的樓層檢查一下,佢出電梯後,見無煙就準許我地回家,否則我地又要排隊等LIFT上翻去

多謝各位熱心街坊! 以後都要互相幫助!

grassman

這裏也是個好平台,否則乜事都唔知。

siukwai

我想請問, 我住4X樓的, 係咪若於我下層的樓層發生火警, 我都應該走上天台? 究竟天台係咪會上鎖O既呢? 萬一我地冇咁好彩, 50/F天台業主出左街, 係咪就冇人開門入唔到去架? 還是天台都有公家地方?

FireFire

其實唔一定走就安全~如果樓下起火,一定要走就要向上走~
另外天台係唔可以上鎖O既~
我見RC每邊都有2道防煙門~每道防煙門可抗火30分鐘~所以RC都算安全架啦~

KCs

管業處今日下午二時三十分按排了一次火警鐘測試，
我分別在家中不同地方及情況聽警鐘聲音，

1. 打開屋大門: 好響，肯定鐘聲來自本層某處。
2. 在廳中而關閉屋大門: 正常
3. 在房中關閉屋大門及房門: 聲音很細，比我家居的電話聲還細

比較當日我打開屋大門聽到的鐘聲，我的結論是；第一，當晚火警時，本層火警鐘沒有響，
而鐘聲可能是來自發生火警3x/F或其他樓層的警鐘聲。
第二，從某層開動的火警掣，只啟動部分樓層的警鐘，亦有可能在防火層上下的警鐘系統是分隔開，
所以"當火警時，應該每層樓的火警鐘會一齊響"並不正確。
第三，就算你所住的樓層火警鐘有響，只要你關閉房門睡著，你未必會被鐘聲嘈醒，
因為隔了兩度門聽到鐘聲已經減弱了許多。

管業處黃先生會張我的意見，會向工程部反映跟進。

grassman

以前經常有人投訴隔聲差,宜家又...