葵青區幼稚園

grassman

[quote:97b4ba18e2="Tomato"][quote:97b4ba18e2="grassman"][quote:97b4ba18e2="Tomato"]青衣區有無d幼稚園有bb班???即係未夠歲數入幼稚園ge bb上0個d遊戲班!!
搭多咀....青衣有乜小學好呢？[/quote]

你都係青衣地膽，唔知多都知少少啦！
你個小朋友幾歲呀？[/quote]

我讀0個間幼稚園同小學都執左十年囉.......
脫離左咁多年都唔知而家個市況係點.....
如果唔係家姐托問 真係無乜留意呢d野.... :face13:
個小朋友得幾個月大 不過初人為母ge人唔知頭唔知路 想問0下而家d幼稚園同小學情況係點 想計劃一下將來0者!![/quote]

哦，幾個月大嗟，咁又唔駛咁早煩(可能我比較粗心大意)，幾個月大都已經夠多野煩啦!
而且家陣有好多D父母都好Global，住屯門可以返美乎，住青衣可以返九龍塘，住馬鞍山可以返銅鑼灣，反而我覺得住的地方對幼兒比較重要，3、4歲前的生活環境對幼兒好重要，有專家話0-3歲是BB學習的高速/峰期，3歲定八十我信的，一個培育、具啟發的生活環境好重要，0-3歲還沒有上學，在這高速發展期，家庭就是BB重要的學習地方。

雖然我講過他媽哥池湊仔法，但你地唔好真係信，我o架！

Tomato

我家姐就係知道住ge地方對小朋友有重要影響
佢而家個b一至五要返青衣佢奶奶屋企住
星期六日先可以返屋企 (我家姐住石籬..)
佢地諗住短期內搬返青衣 可以湊返bb之餘 將來希望bb可以0向青衣讀書lor...
我見sumi好似識好多野 我諗佢間幼稚園都幾好....但係學之園0向邊度0架？

grassman

學之園在灝景灣商場，學之園係冇乜功課，返學淨係玩。

Sumi識好多野係你的錯覺，只是英文好小小，其他特徵就係粗粗魯魯、間間！

Uncle O

噢 討論緊第個case……

姪女最後都係返廣州讀…又拖多年先啦，不竟弟婦在國內的發展都不錯，在香港又要搵工，又辛苦好多……父母都老啦，幫不了甚麼……

講開又講，青衣區有幾間千禧校的小學，都不錯。其他舊形公屋校，雖然學校好努力，但係真係冇得比。
但小朋友到中學，都係要離開青衣區，荃灣、葵涌先至多好嘅中學。

上面話父母Gobal，其實無他，一係就名校區，一係就近工作地點，方便自己接送。雖然我自己未有小朋友，但係都已經開始留意住教育行程，真係要為小朋友自小舖好路，仲要搵多幾條路。

grassman

咩叫千禧校？ 點解咁叫？

Uncle O

千禧校是指2000年設計的校舍。這種校舍預留了設施，讓學校較容易舖設科技設施，而且學校能輕易地由小學變身為中學。
千禧校的課室較大，就算坐滿40人，每行之間仍然可以有空間，理論上，每個班房還可以擺幾部電腦，讓學生在上課時使用。當然，實際上沒有幾間學校咁做。
千禧校與舊式屋村學校比較，千禧校的面積是舊式村校的三、四倍，各方面都是超豪華，有些學校可以有攀石牆、校園電視台……舊式校根本無得比。
以教師人數計，大校30班，教師人數可達60-70人，舊式校去盡都只是24班，教師人手48已是極限。
grassman你個小朋友都好似就黎揀小學喎有乜心水先?

grassman

我兩公婆還未想那麼遠，煮到黎先食，Worst Case係去仁立小學！

Uncle O

Worst CASE??
我的妹妹和弟弟都是仁立畢業。學校成績非常好但就只係谷成績做就咗一大群失敗者。

grassman

[quote:75c67e2ff0="Uncle O"]Worst CASE??
我的妹妹和弟弟都是仁立畢業。學校成績非常好但就只係谷成績做就咗一大群失敗者。[/quote]

你已道出原因，所以我say Worst case!

我都係仁立畢業，都係其中一個失敗者。當年我的年代已經每天有十二、三樣功課，仁立又是傳統教學，所以可能係最後選擇。因父母是畢業生，2003又是出生率低潮，所以應該入讀不是問題。

一家四口

我個仔讀緊仁立紀念小學 6點前佢一定做得完D功課 我覺得都多極有限啦 但D英文功課有D我真係覺得幾深 (本人英文都係有限公司) 有時佢問我 我要幫佢再去問人 或者上網搵答案。

好似琴日有樣功課 比D圖你 要你填個英文生字 問 : 畫家果頂帽英文係咩 (中文我都唔識講啦) "樽"領衫英文係咩...