如果可以搬 你地會搬去邊個屋苑呀??? (只限狗主及其他動物主人)

Tomato

大家討論0下 例如自己有乜心水選擇 有乜好提議??
自己睇過乜野屋苑都可以討論!
睇可以養狗狗屋苑時有乜注意地方都可以講0下!
點解搬唔到都可以呻0下 (唔好等人以為我地賴死唔走啦.... :yeah: )

我就心水海欣花園 因為我想住返青衣 又比較近我屋企 而且樓下有狗公園!
dream house當然係珀麗灣 但係交通實在唔方便喇...我老公將軍澳返工真係要好早起身先得!將軍澳D樓好貴我睇過將軍澳中心.....見到D人好FREE咁帶住狗狗行平台 真係見到都開心!!人地D樓咁貴 真係有原因0架..... :nowords:

濠仔

果陣去深 # 睇樓.....發覺d住客都係好free咁帶住狗周圍行

不過深 # d 樓唔平囉 :em13:

濠仔

海欣花園開頭我都覺得ok....
不過睇完樓就覺得唔太實用.........因為睇完RC....覺得rc 實用好多 :mrgreen:

Tomato

好多可以養狗GE屋苑都唔平.....
如果我有錢搬 我唔會再介意大細 係咪鑽石廳
因為住得唔開心 比間豪宅我都無用....

diedsee

其實呢到真係幾合心水... 可惜...
我考慮過美孚同錦繡 但好似好舊...
總之村屋 / 有天台 or 一定比養狗的屋苑都係 target'

濠仔

[quote:778fe6bc7d="diedsee"]其實呢到真係幾合心水... 可惜...
我考慮過美孚同錦繡 但好似好舊...
總之村屋 / 有天台 or 一定比養狗的屋苑都係 target[/quote]

村屋個人覺得買唔過.....唔保值

錦繡出入都幾煩!!!

我未搬入黎....但係我眼見d人抱住自己隻狗係大堂行出去平台都冇問題wo!!

其實係咪真係唔俾養先???

Tomato

[quote:210f8af40a="濠仔"][quote:210f8af40a="diedsee"]其實呢到真係幾合心水... 可惜...
我考慮過美孚同錦繡 但好似好舊...
總之村屋 / 有天台 or 一定比養狗的屋苑都係 target[/quote]

村屋個人覺得買唔過.....唔保值

錦繡出入都幾煩!!!

我未搬入黎....但係我眼見d人抱住自己隻狗係大堂行出去平台都冇問題wo!!

其實係咪真係唔俾養先???[/quote]

呢個問題 我諗你比較寬容 有部份鄰居真係唔中意狗狗 有部份講原則 話公契話左唔比養就唔比養....太繁雜!講得太多 又會引來爭拗!所以0向呢版 唔好講呢個問題lu~

我未試過抱住狗狗出五樓 只會0向1樓出入....但係我兩隻狗狗一個女人仔好難抱佢住佢地 拖繩入lift又唔得 所以我選擇0向屋企同佢地玩ball ball....好彩我樓下係隔火層 應該唔會有人投訴我兩隻狗跑掛!亦都好彩我兩隻狗狗0向屋企去廁所 唔駛去街大小便!

呢度係好好住 曾經住得好快樂 而家有d心淡...

Tomato

查實你之前話去過錦田睇 我覺得錦上路0個邊唔錯...
不過對我來講 搬屋唔係我一個人話事
好多方面都要就我個米飯班主同我個荷包!

Ayany

蔣軍澳..妳有冇睇過清水灣坐半島呀嗰到係新鴻基樓仲可以養狗6佰幾呎200-220萬到....

Tomato

[quote:2fe64430a2="Ayany"]蔣軍澳..妳有冇睇過清水灣坐半島呀嗰到係新鴻基樓仲可以養狗6佰幾呎200-220萬到....[/quote]

200萬首期我地都比唔起.....我老公唔想賣左層樓......總之好多人為因素 我一個女人仔唔話得事! :em06: 將軍澳我個人唔中意呢區....所以寧願同一價錢 買返青衣 細d但可以養狗ge海欣 (狗公園就係樓下 真係happy到死!)...