俗語由來

Robert

我估o的人老作多勒，大家當笑話咁睇好啦！

"放飛機" 既由來
何為叫放飛機呢？話說舊香港。有一日，就要上演飛機飛行。香港有史以來第一次有飛機睇！仲要係部水上飛機添！全香港萬眾期待：有人放飛機要睇啊！第一日到來，因為打風，冇得開，眾人失望而歸；第二日，天朗氣清，各人以為有得睇，點知個飛機師病左，要推到第三日。而第三日呢，到部機個引擎出事，修理唔到。跟住就──bye bye喇！所以o的人就用放飛機黎形容講左去做，又唔做既人類行為喇！

"巴閉"既由來
"巴閉"來自廣洲話，好耐好耐以前係學習自印度話，漢朝既時候廣洲已經同東南亞及中東等國家人民做生意， D 印度商人好鬼嘈，成日叫："BAP RE BAP RE！"，呢句意思"我的天呀！"，於是廣洲人就學佢地講 ，講下講下就變成今日既"巴閉"喇！

"混吉" 既由來
原來係因為以前既小型飯店，只要你去幫襯就會免費奉送一碗清湯，飯店每日所售雞鴨鵝豬牛肉，都用呢一鍋水整熟既，所以湯入面有肉味，然後落一堆味精，就係一碗清湯啦！因為係清湯，所以入面乜料都無，即係空空如也，香港人覺得"空"等於" 兇"，所以就改成"吉"，所以碗湯就叫做"吉水"。
當時，有好多窮人，入到飯店，一坐低，伙記就摞一碗 "吉水"，D 窮人一口氣飲完，靜雞雞就走左去，因為呢碗湯係免費，所以飯店唔可以捉，所以伙記就叫呢種混騙行為叫做"混吉"！

"杯葛" 既由來
其實，"杯葛" 是英文 BOYCOTT 的譯音，意思即係 "反抗和抵制"，唔講你唔知，此BOYCOTT 原來系一個人名，全名叫做 Charles Cunningham Boycott，生於1832年，死於1897年，係北愛爾蘭一個惡漢，專替貴族大地主等收租，手段兇殘，專逼害那些窮困的農戶，一遇到冇錢交租，就會諸多逼害。於是，呢班農戶一呼百應，聯合起來對付逼害者。杯葛打唔過佢地，惟有落荒而逃，自始面目無光，備受困擾痛苦而死。愛爾蘭農戶今次打勝仗，轟動一時，影響很大。此後但凡抵制或斷絕關系，成為政治經濟鬥爭手段，就以此位愛爾蘭收租佬的姓氏命名，叫做"杯葛" 也。


"大耳窿" 既由來
原來開阜初，香港洋人同印(度)人大集會，而放貴利的多數係"白頭摩羅"，這些"摩羅差"戴白頭巾，所以人人都叫佢地做"白頭摩羅"。白頭摩羅扮相古怪，愛戴一只大如銅元的耳環，所以耳朵要穿個大耳洞，港人覺得可憎，稱他們為"大耳窿"。不過，還有一個說法，當時放貴利，都是放小額款項如三幾角錢，給勞苦大眾，為使人們知到他們有錢借，便把一個銀元塞在耳朵的耳窿，作為記號，令人認得。

" 一蚊雞" 既由來
原來我地所講"一蚊雞"係與塘西風月扯上關係；話說去塘西召妓，初步手續先寫一張"花紙"，而格式亦有一定，先寫自己名號(以幾多自稱)，中間寫妓女名字，最後一行寫妓院名稱。寫好之後，便交由酒樓雜役帶去妓院，那些阿姑接到"花紙"，便應召"出局"。妓女每次局票收一元，而省港人士向來稱妓女為"雞"，既然一元召得一"雞"，後來就索性稱一元做 "一蚊雞"。順帶一提，這一元只是陪酒談笑而已，屬"體面上"的手續，如果飲客要有更進一步的行動，還要花很多很多錢，這"一蚊雞 "只係美夢既開始！

"十三點" 既由來
"十三點"是上海市井俚語，因為解放之後大量上海人南移，才變成趣怪廣州話。"十三點"初時意謂"敲亂鐘"，原來舊時的時鐘，每逢一小時便報時一次，例如下午四時，鐘擺便會敲響四下，五點敲五下，至多係十二點，也不過敲十二下，但居然敲出十三響，唔通有十三點咩？當然係出問題，正如俗語所講癲癲地！所以，十三點就系代表人既性格癲癲地。

"丫嗚" 既由來
有好長一段時間，廣東人已遺忘"丫嗚 "這俗語，不過，大約是一九八五年林子祥所唱的《丫嗚婆》，重新使"丫嗚 "流行了一陣子。 "丫嗚婆"，醜怪女人，因為"丫嗚"本身已經係怪物，而"丫嗚婆"當然係好極有限。其實，以前有個漢朝大將軍叫做劉胡，因為皮膚坳黑，所以叫呢個將軍做"坳胡"，蠻人非常害怕大將軍之武功，每遇小兒扭計哭啼，就索性拿這個惡人來嚇孩子們："劉胡來啦！" "坳胡來啦！" "丫胡婆來啦！"... "丫胡公來啦！" 由此可見，"丫嗚"不算係甚麼怪物，只是個貌醜的黑炭頭將軍，後來才渲染成為鬼怪！

"捉黃腳雞"既由來
原來呢個搞笑俗語係出自廣東的農村，農民養雞，專養雌雞而唔中意養雄雞，因為雌雞可以生雞蛋，所以價錢不錯。所以如果要拜神，當然先>荈純井禲A點捉雄雞？農民先將谷撒在門外，群雞就會"雞咁腳"去食谷，當班雌雞食緊谷時候，班雄雞就"色心起"！懶得去食谷，一撲就撲上雌雞背上，交配...... 呢個時候，正係捉雄雞的最好時候，那色鬼當時並無防範，農民捉住它的雞腳，就得啦！雄雞的雙腳呈深蛋黃色既！