好勞氣的深井茶餐廳 (唔好幫親呀)

frankiesuen

事原是上星期我去深井D茶餐廳食TEA，食完便在附近看到好多茶餐廳都有戶外座位，咁今早咪帶同愛犬Choco一同前往，點知去到第一間見佢比人坐滿，我便站在旁邊等，士應見到我便問我係咪等外賣，我便回應佢唔係，於是佢就話狗隻唔入得，咁我心想果到咁多間茶餐廳唔去呢間咪去第間羅，殊不知去到第二間我又問左個士應，佢想左一回就話坐最邊果張啦，咁我個心都好唔開心，好似當我乞兒咁，都算啦照坐啦，坐下不到30秒又走黎一坐女士應，佢話唔好放隻狗上張櫈，心想妳果到又唔係干淨，我點放隻狗落地呀，焗哪氣便拉櫈走人，於是就開車去左川龍飲茶。
希望大家唔好幫親深井D茶餐廳，去其它區食野仲好

Macuser

平常心諗諗, 好多地方都唔俾狗入, 有D人怕狗及衛生等等, Choco是你的愛犬, 不是其他人, 人地唔俾你隻狗入就叫人唔好去, 你會唔會自私左D呢?

frankiesuen

平常心諗諗, 好多地方都唔俾狗入, 有D人怕狗及衛生等等, Choco是你的愛犬, 不是其他人, 人地唔俾你隻狗入就叫人唔好去, 你會唔會自私左D呢?
Macuser 發表於 2010-6-17 11:11

我就從未試過露天地方唔比人帶狗去, D茶餐廳戶外多數都係非法佔用土地的, 咁你叫我唔好咁自私,咁我只有向有關政府部門投訴羅,就算我係自私都唔到你管啦. Bye Bye

os_ecu

從未試過咪而家有機會俾你試吓囉, 大把地方唔俾你同埋你既愛犬一同進入架, 慢慢試真啲啦. Anyway, 你估你唔去會唔會無人去呢 ? 我就第一個會去, 因為佢哋做得好好唔俾狗進入餐廳，令我食得開心又放心。

p.s. 你估人人都好似你咁樣鍾意同啲狗同食同瞓咩 !! *自私的養狗人仕*