轉貼：積極爭取動物在社會的生存空間

Tomato

致香港政府，各大小物業管理公司，各大報館及傳媒：

香港是一個文明社會，相信無人會否認！但相對於其他被公認為文明的國家，如美加，歐洲，日本，甚至台灣！香港對於尊重動物這個問題上，是落後數十年的！對於尊重動物，善待動物，香港政府不但沒有起帶頭作用，更因為香港政府到處都禁止動物進入，而帶動了整個社會都有著歧視動物和「視飼養動物者就如同沒有功德心」這個無溪的思想！ 香港政府沒有研究妥善的條例去監管飼養動物的人，只用最負面的方法，在各大小公園豎立嚴禁狗隻進入的告示，而白白浪費了公園存在的價值！很多公園都是使用率不足，其實可以立法推出通行證，甚至收取可接受的年費，領有這通行證的狗隻可以進入康文處核下的公園和沙灘，而政府更可以利用收取回來的年費去聘請一些動物親善大使，巡視各大公園，對主人作出提點。製造更多就業機會。事情的處理可以很正面，但偏偏因為歧視和漠視而只是一味「嚴禁」！實是不文明、不友善的做法！

大家必須明白及正視，現今養動物的人，絕大部份都視其動物為親生子女！其他國家亦一樣，所以其他文明國家對動物都予以尊重及善待！假如香港政府及各大小物業管理公司依然抱著對動物歧視和趕盡殺絕的態度，只會造成社會更多的反感和分化！

各大小物業管理公司！別再以公契作為你們的唯一理據！有公契就能沒人性？飼養動物是不可能杜絕的正常及合乎人性之行為，與其不斷纏繞於爭議及訴訟之中，倒不如用積極方法，在公契上加上附加條文，准許飼養沒攻擊性的動物及出入必須放於狗袋中或戴上口罩。


請尊重動物！

請更正對動物及飼養者的歧視！飼養動物不等如沒有功德心！
很多很多沒有功德心的人，他們都沒有飼養動物！


一群有功德心的香港市民

(請轉載於Blog facebook...之中，為我們的動物出一分力!!)

Ayany

我已轉貼到facebook...狗狗係人類嘅忠心朋友，佢吔已經有好多地方都吾可以去，就嚟連小小嘅生存空間都冇 :em06:

diedsee

講得好呀 近日lift口改了通告 "嚴禁養狗" 乜公契唔係嚴"動物"咩?!?! 做咩又只係禁狗???? :evil:

肥度

豈有此理 !! 我地要團結一致爭取狗狗能夠係呢度安居樂業 !

肥度

有一次我撘lift..聽到有對夫婦講..."呢度咁多狗吠聲..好似住緊村屋咁"
吾好意思..我想回應下呢...有好多私人樓其實都可以養狗..吾只村屋...
但全港唯一得一種樓係吾俾養 !! --- 公屋.....

我想話呢度連狗都話吾俾養..好似住公屋...

有話...住洋樓養番狗...走住架車四圍走 ==舒適優質生活...

依家個屋院...停車場又貴...狗又吾俾養...剩係得...自由人同綠van 四圍走...有時覺得...連住公屋都不如....

公公婆婆

十分認同：
「飼養動物不等如沒有功德心！
很多很多沒有功德心的人，他們都沒有飼養動物！ 」 :em13:

甚至係一隻狗，都識咩叫有公德心，我承認我有養狗(想緊辦法搬)，但我隻狗雖然只係一隻狗，都好識性，唔會0係屋苑範圍去廁所，識得見到坑渠先去，或者出到屋苑以外馬路石屎地先去！而我地亦會沖乾淨！
但有d「人」反而唔識性，一年只係因突發事情吠過一次、幾聲，佢就要立即投訴！迫人埋死角，一定要人搬！

至於狗吠聲，我唔相信多成咁，唔通bb喊聲勁多，我又學人咁賤話：「wah！乜好似住0係醫院產科、保良局、孤兒院！」 :em05:

今日見到個新「禁狗」標誌真係眼火爆，唔該佢列埋貓、雀仔、rabbit、龜、金魚.....各種動物圖畫出黎 :em16: 都唔可以0係藍澄灣養！咁先公平！

Tomato

今日見到呢張野 真係火到0黎....咁得閒設計呢張野 不如諗0下整好D條路啦 成日爛地......

其實而家個屋苑都咁多戶養狗 唔通迫走晒我地就可以解決問題???間屋我都有用錢買0架....點解只係針對狗???如果講騷擾 其實其他動物都可構成騷擾 例如以前我對面0個座大單位有戶養雀仔 日日雀仔唱歌 其實我好怕雀仔0架 但係我可以點呢???日日走去投訴咩???我知有人會真係日日去投訴 但係我真係無咁無聊LOR.....

又例如我樓上個細路成日大叫 大跳 我又可以點???係咪又日日走去投訴喎???叫管理處貼張"禁止細路跳跑大叫"???只係識得投訴 點解唔諗下方法和平共處??係咪隻隻狗都咁得人憎先 有無查清楚呀???

有無見到對面美景個公園對出有張大BANNER???叫人唔好帶狗入公園 話嚇親D小朋友老人家 李X強議員真係好有錢 好得閒.....個公園鬼影都無隻 又無燈 莫講話狗 人都無人入去啦 偷情男女就大把........真係好火滾 :em13: !!香港幾時變到咁唔文明0架???

我知好多人會話駛唔駛咁激動呀????緊係激動啦....針唔拮到肉唔知痛 如果比人禁止0個個係你屋企人 你都會好似我咁火滾.....我兩隻狗狗點止係我隻狗咁簡單 佢地係我家人 係我心肝寶貝... :em04:

(以上係我個人意見 呢個香港無渠道比我地D狗主宣洩 默0向呢度發0下勞騷LOR...唔中意你揞住隻眼啦!)

不過隻狼狗都幾CUTE喎!

肥度

支持!! 有需要..叫我上街遊行靜坐都得架 !

Ayany

我哋可以組織一班人向管理處理論(總部)，討倫公契不可養動物嘅定義。
http://www.animalearth.org/forum/index.php?topic=3356.msg16811#msg16811

Tomato

[quote:e358fec946="Ayany"]我哋可以組織一班人向管理處理論(總部)，討倫公契不可養動物嘅定義。
http://www.animalearth.org/forum/index.php?topic=3356.msg16811#msg16811[/quote]

咁呢份聲明 我地可以點做呢??
係咪寄比管理公司加埋我地簽名??
我地呢個討論區只係有少數狗主上來 我地可以點諗方法聯絡佢地???

我希望其他動物ge主人 唔好以為只係為狗狗 因為公契寫"動物" 即係貓、兔、魚、鳥或其他動物 如果有人無理投訴或管理抽稱起來 全部都會受到影響 所以大家都可以參與!!

我個人認為 如果有人認為趕走晒d動物就可以解決問題 真係太樂觀..除非你肯定我地搬走晒 新搬入來ge人真係唔養動物啦...所以我認為而家係咪應該諗0下可以點樣解決問題呢??例如動物只可以入某一部lift 只可以由一樓上樓 登記養動物戶等等...... 不過呢d只係希望 因為呢度有好多鄰居都對動物心存偏見.....