大家好呀 下個月我收樓啦 係到同第三座既朋友打招呼先

我係小忌廉

因家中添了新成員 為方便家人照顧BB 所以出售舊居(屯門) 而家人住青衣 所以剛買左藍澄灣 其實我地公婆 睇樓都睇左成半年 因為我地資金有限 所以我地無睇盈翠同灝景灣 我地睇過翠怡 青怡 海欣 曉峰園 藍澄灣...

我老公睇完翠怡同海欣之後 好鐘意佢既環境 因為行路去機鐵站都好方便 而且樓下有商場 因為我地係無飯主婦 樓下食野好方便 而且交通有巴士總站 有好多巴士都經碼頭同警察宿舍 但係樓齡太舊 翠怡樓底太低 而且兩邊廳個款好實用 但都要起碼195-210萬 個AGENT同我講 因為翠怡都有成10幾年 係時候要大廈圍修...所以否決左

另外海欣 因為大多都係鑽石廳 放傢俱有D難度 三尖八角 放唔到三座位梳放同鋼琴 如果要買兩邊廳四四方方 都好實用 但放盤不多 價錢都叫得好貴 起碼230萬....最後老公都否決左;

另外曉峰園雖然有屋苑專車 但人多時要等兩架車 所以下下都要去到長亨轉車 而且價錢平個D會望到墳景 另外外景望橋底 管理費細單位600幾呎要成1100蚊太貴了

而青衣區最新只有藍澄灣 廚房厠所可以沿用發展   而價錢都係200幾左右 但係交通都唔太方便 好多自由人 要共用會所設施 但係如果無酒店 管理費唔會咁平850左右 包上網 間隔方正 所以最終買左.... 其實我地做左好多SEARCH 同係其他網都見到人地留言 希望遲下條昂船洲橋起好之後 交通方便D啦 :  h:

FireFire

歡迎~~~歡迎~~~ :mrgreen:

grassman

歡迎，對你個網名好有親切感，相信年紀相若的就能感受到！ :

Eddy Lam

[quote:b180bb6bc5="grassman"]歡迎，對你個網名好有親切感，相信年紀相若的就能感受到！ :[/quote]

不如你又改個名做"忍者小靈精"?!!  :

grassman

[quote:2640a2835f="Eddy Lam"][quote:2640a2835f="grassman"]歡迎，對你個網名好有親切感，相信年紀相若的就能感受到！ :[/quote]

不如你又改個名做"忍者小靈精"?!!  :[/quote]

我會改"三一萬能俠"！

我係小忌廉

我的年齡都唔係好大架 不如講下點解我用這個名啦 因為我養緊3隻芝娃娃 其中有1隻叫忌廉 所以用左NEAR 個名LAW.... :

我有三隻芝娃娃 (1隻男仔)拖肥~TOFFEE (2隻女仔~忌廉 芝麻) :

另外有一個下個收樓當日 只有一歲半大既囡囡~晴晴 :

Tomato

你好...得閒帶埋囡囡同狗狗去狗公園玩啦!好開心0架!

我係小忌廉

其實我D狗狗好少落街架 而且睇完你地D POST 之後 我好驚 因為我隻TOFFEE 好敏感 有人行過我地門口 佢會叫....但係我養左佢5年幾就快6年啦 我未有BB之前 當佢地係我D仔囡 如果有朝一日 俾人投訴無得再養都唔知點算.... :dead:

我想問有養寵物既主人 你地平時番工之後 D狗狗放在KITCHEN ? TOILET? BEDROOM? OR 周圍走?? :idea:

Tomato

[quote:681be25626="我係小忌廉"]其實我D狗狗好少落街架 而且睇完你地D POST 之後 我好驚 因為我隻TOFFEE 好敏感 有人行過我地門口 佢會叫....但係我養左佢5年幾就快6年啦 我未有BB之前 當佢地係我D仔囡 如果有朝一日 俾人投訴無得再養都唔知點算.... :dead:

我想問有養寵物既主人 你地平時番工之後 D狗狗放在KITCHEN ? TOILET? BEDROOM? OR 周圍走?? :idea:[/quote]

我樂樂比比都好敏感0架 有人行過都會吠 不過只係吠一兩聲 呢個係有d狗狗ge本能反應 我認為千其唔好比佢持續咁吠就會ok!出入要拖繩 入lift最好入袋 或者抱住佢行埋一邊 唔好大搖大擺咁任佢0向lift亂走!

我平日返工之後 樂樂比比係會0向書房 (即係細房)自由行 我測試過放入廚房同廁所會好大聲 而且呢兩個地方比較污糟同危險...我個人而言 (個人意見!)我一定唔會比佢地全屋自由行 首先我地呢到隔音比較差 如果狗狗敏感 佢一聽到門口有人行過會吠 又無辦法阻止到佢 咁就大件事....

而且 好多人以為狗狗自由行會開心d free d 其實對佢地來講唔係好事 尤其對d容易敏感ge狗狗來講 因為間屋太大 佢地會好無安全感 反而你有一個細細地 唔係好大ge空間 有床仔 (有籠都唔錯!)有水 有廁所 有玩具 佢地會安心好多!!

不過.....如果你比人投訴 你真係會唔要狗狗???記住狗狗無罪0架 係你要佢搬入來住喎!  :poor:

Tomato

咁你有無facebook??
有就快d加入..."Rambler Crest's Dog Dog Friends" group啦!!