有問題問...

diedsee

大家覺得出門擺酒果日有冇需要請人做大"琴"姐  MC & 場地報置呢??

Robert

[quote:df0685d8d5="diedsee"]大家覺得出門擺酒果日有冇需要請人做大"琴"姐  MC & 場地報置呢??[/quote]
男人講野︰睇妳既要求同埋銀根
1) 大襟組~~佢既作用係幫妳o係o個日同 D 長輩飲茶，講 D 祝福語(o個 D 利是佢自己袋)，而家都冇見大襟姐咩新娘囉，
不過如果妳地重視中式禮儀既話，無可厚非既；又如果妳有姊妹o係哩方面係好有經驗，我覺得可以慳番哩 D 錢！
2) MC~~佢既作用係幫妳o係o個晚攪氣氛同埋程序，而家好多人都係搵自己講野叻既朋友做，因為佢地對新人有多 D 既認識，
又認識某部份人客，會容易有火花；如果妳有兄弟姊妹o係哩方面有經驗，我覺得又可以慳番哩 D 錢！
3) 場地佈置~~如果妳覺得舉行晚宴既場地佈置唔係咁適合妳，我覺得唔好慳，因為o個 D 佈景係要黎襯托妳，如果襯得好，影出黎既相會靚好多嫁！
以上純粹個人意見，一生人一次既日子，都係妳自己決定把啦！ :mrgreen:

有請其他靚女俾意見！

bikbark

講兩咀先......

我覺得結婚全部都係自己睇-R食飯 睇你最重視邊樣......

有人用好多錢去影婚紗相 因為覺得以後會拎返出o黎睇 留個回憶;
有人擺酒用最多錢 因為唔想失禮親朋好友 想人o地講起都話佢o個餐場地靚o野食正;
有人樣樣都用好多錢 為o左一句"一世人一次";
有人樣樣都簡單 因為唔想徙錢......

你講o個三樣o野 頭兩樣我都無請人做 因為我屋企唔係太傳統 又唔想俾幾千錢蚊請佢o地 又唔想d mc搞到我個晚宴好似annual dinner咁......

場地佈置有請人做 學robert講 影出o黎d相係會靚d.

Tomato

都係睇你自己想唔想要啦 有無budget去做等等.....
個人而言 大"琴"姐.......唔駛 麻煩姊妹做....都係針茶0個d野0者...
MC.......搵個兄弟姊妹朋友做...
場地報置.......好多場地都埋同做得好好 如果自己滿意就唔駛lu....如果唔滿意就搵人做啦....

diedsee

我冇兄弟姊妹朋友做到 mc 呢個post 所以應該要請 唉又係 $$$$$$

肥度

其實依家好多時都係個Team 攝影師做埋..

Robert

[quote:dc67d3f2ec="肥度"]其實依家好多時都係個Team 攝影師做埋..[/quote]
通常o個 Team 攝影師得兩個人，如果一個上台做 MC ，會影少好多相/影片；如果搵多 D 人我又覺得唔底，因為佢地唔係專業 MC ！ :dead:

公公婆婆

[quote:32b923144b="diedsee"]大家覺得出門擺酒果日有冇需要請人做大"琴"姐  MC & 場地報置呢??[/quote]
場地布置視乎你擺酒的場地本身O唔OK，布置有平有貴，搵兄弟姐妹或屋企人都可以簡單搞到。
MC最好找一個熟悉你又口齒令俐的朋友搞店。
大琴姐係有需要的，斟茶俾長輩，但多數由伴娘或姐妹代勞！

P女

[quote:03baf4b5ca="diedsee"]我冇兄弟姊妹朋友做到 mc 呢個post 所以應該要請 唉又係 $$$$$$[/quote]

如果冇人做到，　你可以叫酒店ｏｒ酒樓ｄ人做呀，當然不及自己人做好啦。

bikbark

講漏o左 我無請人做大襟姐同mc o既意思係無俾錢請人做 朝早斟茶係d姊妹負責講恭喜說話 夜晚就搵一男一女o既朋友幫手做mc