西貢遊船河

Robert

活動︰西貢遊船河

日期︰二零零六年九月十七日(星期日)

(如果覺得篇文太長，你可以選擇淨係睇紅色同埋藍色既字)

陸上交通︰
1) 乘坐四十二號A( $4.2/$5.6 約十分鐘一班車及約二十分鐘車程)到旺角家樂商場附近
2) 在登打士街既廣華醫院後門，乘坐往西貢碼頭既紅色小巴  ( $ 13.00 約三十八分鐘車程) http://www.tsuenwan.info/kstn/R_kn96.htm
以上車費包來回每人約 $37.2，四十人總計為 $1488.00
或
3) 早上八點半在藍澄灣L1近管理處門口，乘坐旅遊巴士往西貢碼頭，車程約四十分鐘，車費包來回約 $1100。

綜合以上車程及車費既比較，本人決定採取旅遊巴方案；當然，如果有參加者唔能夠在藍澄灣乘坐旅遊巴，可以自行在
旺角登打士街既廣華醫院後門，乘坐往西貢碼頭既紅色小巴。

船上費用︰租船費用為 $6000(包船上保險)，到會費用約為 $1500(三十人份量)，飲品費用約為 $600(每人一支
750毫升既礦泉水及兩包250毫升既紙包飲品，我地要自己買；如各參加者覺得不足可自備)，冰塊費用為 $160，總額約為 $8260

船上設施︰冷氣、冰櫃、一個洗手間、麻雀耍樂任玩、卡拉OK任唱(請自備卡拉OK碟)、快艇、香蕉船及滑水板(全日任玩，
水上運動係唔包保險，各參加者可自行決定買或不買，絕大多數船河活動人士都唔會買)

海上行程︰早上九點半在西貢碼頭上船，暫定前往大浪西灣附近，在航行途中可以唱卡拉OK、麻雀耍樂、吹水及影相等；
到達大浪西灣附近之後，等船停定就可以開始水上活動啦！

回程安排︰下午三點半左右開始回航，約下午五點半在西貢碼頭上岸，各人可步行至"西貢鄧肇堅運動場"沖身沐浴，
大約六點左右乘坐旅遊巴返回藍澄灣或可自行乘車出市區；

參加費用︰全個遊船河既活動總額為 $9360，所以每人港幣二佰四十元(全部一律大小同價)，今次活動所剩餘落黎既錢，
會連埋以前版聚所剩餘既營運基金，o係今年既聚首一堂之聖誕節活動中拎出黎洗埋佢。

參加方法︰請所有參加者在網上報左名先，再跟住將.睄堿J錢入落個信封度，
記得要寫上自己既名或網名在信封面，然之後入落本人既信箱裏面，如果唔記得或者唔知本人住邊庶，
請打電話俾我或者PM本人您地既手提電話號碼，因為活動時間可以方便聯絡；因船隻保險既原因，
名額不能超過四十位，而截止報名日期為二零零六年九月三日，如果到時未夠四十位參加者，
活動會自動取消，而所有參加款項會在一星期內歸還各參加者。

有關處理天氣及風球問題：
(a)如出航前懸掛一號風球或紅色暴雨警告、或出航前兩小時如由較高風球改為一號風球及黑色暴雨警告改為紅色暴雨警告，船將會開航，
租賃人應與船主保持密切聯絡。租賃人如有所須要求延期，可改為同年十月份或以後相同之週末或假日使用。
(b)若於出航日早上七時或開航前仍懸掛三號風球或以上或黑色暴雨警告，則當日行程一律延期。
(c)於租用時間內，旅途中轉掛三號風球，依海事條例及安全起見，船主有權提早回航，餘時將不作補償。
(d)若因三號或以上風球或黑色暴雨警告關係改期，如租用於假日者，船期只可改於本年內之平日或同年十月份或以後相同之週末或假日。

船河安全守則︰
1、從事水上活動前，應先瞭解自己的身心體能狀況是否適合。
2、不要在船邊奔跑追逐，以免滑倒而導致受傷。
3、不要任意推人下水，以免被推下水者，受傷或撞傷他人。
4、跳水時，應先確定跳台下方是否有人，確認無人後才跳水。
5、游泳之前，必須做好暖身運動。於游泳時，如果自覺有抽筋徵兆時，應立 刻上岸休息。若有遇險或不慎抽筋時，
應鎮靜及早舉手呼救或漂浮等待救援。
6、戲水時，切勿貿然將別人頭部按入水中，以免造成危險。
7、在深水區游泳時，應特別注意安全同量力而為，勿遠離人群。
8、兒童游泳，一定要有成人照顧，以免發生意外。
9、飽食後及極度疲倦時，切勿下海游泳。
10、勿在碼頭、急流區及礁石區等危險地帶游泳。
11、不要游離岸或船邊太遠，須量力而為；如果游得太遠，未必有足夠的氣力游回岸邊。
12、若見到有人溺水，請大聲呼救。不熟悉救生技術的人，不可因一時衝動下水救人。
13、游泳中如遇水流，切記應順流斜向游往岸邊，即可靠水流力量輕易靠岸或船。
14、不清楚水域深淺程度及是否有礁石時，不可貿然跳水。
15、勿倚賴充氣浮具，並注意浮具破裂洩氣。

尋找路線及船隻篇
1) 當初想選擇由青衣碼頭上船，因為由藍澄灣行去約十至十五分鐘，可以方便絕大部份人，但係原來問左成十二間公司既口頭報價，
得三間公司可以在青衣碼頭上船，而且淨係租船加埋快艇、香蕉船同滑水板，價錢由七千二至到八千一不等，仲未計到會食物、飲品、
冰塊等既價錢(lee d價錢原來間間公司都差唔多，爭唔夠二佰蚊)；
2) 另外，目的地方面，原打算到大嶼山南部既大鴉洲及小鴉洲，點知政府在今年六月o係小鴉洲既低放射性廢物貯存設施已經開始運作，
冇理由去送死架！
3) 目的地既另外選擇，係大嶼山南部既上長沙及下長沙，或者係南丫島南部既無達灣，但係lee d地方自己都可以搭車同埋船去到，
又無理由浪費左隻船架！
4) 如果o係馬料水碼頭上船，可以去印洲塘海岸公園既往灣洲及娥眉洲，但係o個度又唔可以玩快艇、香蕉船同滑水板；而吉澳又有街渡去到，
又係浪費左隻船；另外，去馬料水又係要搭兩程車去，淨係租船費又七千蚊，完全唔符合經濟原則；
5) 最後唯有選擇有香港後花園之稱及最傳統既西貢，因為有人介紹相識既船家，租船加埋快艇、香蕉船同滑水板價錢收六千蚊包全日八個鐘頭，
據船家認為西貢既大浪西灣附近水流同埋環境，宜家最適合我地去游水及玩快艇、香蕉船同滑水板。

grassman

1. GM & GW (9成得)
2.
3.
4.
5.
6.
..

Robert

1&2. GM & GW (9成得)
3&4. Robert & Milk
5.
6.
7.
8.
..

Billy

果日我老婆差唔多生得or生左喇...

1&2. GM & GW (9成得)
3&4. Robert & Milk
5.
6.
7.
8.
..

NG: Billy & Sure Win

hales

反應冷淡 :nowords:

Jess and Burns

[quote:61b15c7934="hales"]反應冷淡 :nowords:[/quote]

可能最近有意外啦

Robert

[quote:0f106dc8a8="Jess&Burns"][quote:0f106dc8a8="hales"]反應冷淡 :nowords:[/quote]

可能最近有意外啦[/quote]
妳係咪講八月十九號星期六o個單意外呀？我諗唔關事，因為我既 post 係早一個星期出，可能係o的鄰居覺得貴或者夾唔倒時間掛！

dracula

我o岩o岩先睇到~

dracula

[quote:992fecf83d="Robert"]1&2. GM & GW (9成得)
3&4. Robert & Milk
5.
6. Dracula
7.
8.
..[/quote]

Robert

[quote:4ee1b77c58="dracula"][quote:4ee1b77c58="Robert"]1&2. GM & GW (9成得)
3&4. Robert & Milk
5. ?
6. Dracula
7.
8.
..[/quote][/quote]

你諗住留位俾邊個呀？唔通係女.......... ops: