中層單位發出噪音事宜

Lucio

最近張貼左告示話中層單位靜音時段發出噪音。小主都想了解一下情況, 同冷靜分析幾件事。

早排樓上都經常發出搬檯搬櫈既聲音, 實在有擾人清夢既問題。
但當我同樓上小主了解過整件事, 原來都有好多值得關於既重點。

1. 原來該小主最近經濟唔好, 仲要上埋夜班, 回家正正係靜音既時段。拉開重重既浴室門(除D, E或經裝修外, 其他小主應該明白), 拉門時都會發出好大既噪音。
2. 除左上夜班, 都會有夜晚小便同電車男, 宅人呢類既人掛, 都會發生呢個問題。
3. 小主又同隔離另一小主見到時講開呢個問題, 佢話有一個單位既情況唔同, 因為屋企有年紀大既人, 比較夜瞓, 但係好難改變佢宜家既生活習慣, 日出而睡, 日入而醒。
唔通又叫呢d人搬走...


重點應該係單位設計都有問題, 而且隔音方面又做得遜色。
小主就只好忍讓忍讓, 不作行動。
更何況我都係有機會上夜班既人。

plcheung

你之前有冇睇過我0既post 呢? 當你睇左之後, 你就知道一定未必可以忍到ga la. 呢張告示都係因為我地幾多次同管理處投訴先至肯出ja, 佢所指0既噪音唔單止係你諗果d咁少囉
睇下我0既post "樓上來的聲音", 你就會明白ga la

Lucio

有, 當然有, 所以先唔想係度亂嗡。
不過請留意, 我態度絕對係會保持中肯。
因為, 我以前既問題仲嚴重過你, 可以係每一晚既12點先開始有呢d聲, 日光日白又唔見佢做呢d野。

但係你都諗一諗清楚先, 我其實都有用呢度網友既其中一個方法去試, 送聖誕卡咁。
我就唔同d, 係對上既新年, 我帶左幾封利士上去拜個年, 順個便理解一下個環境。
點呢? 最後呢個問題的確改善左好多, 佢都講左唔好意思, 我都冇必要再追究, 之後偶然間既唔小心我都當冇事。
宜家我地既關係仲好好, 仲周不時上去借豉油添。

唔會好似你, 一開始就報警黎處理呢類型既問題。難道佢地已經威脅梗你既性命? 要出動警察? 浪費警力?
好啦, 久而久之, 樓上屋主都覺得你地係度騷擾梗佢地, 梗係變本加厲, 俾面色你地睇, 當然, 佢可以唔選擇係靜音時段噪, 都可以整到好噪好差。
咁樣一個惡性循環, 就解決到個問題? 點解你地唔問下自己, 遇到呢d問題唔可以先冷靜d?
做都好似d未開化既山番咁, 要拉大隊上去講數。
鄰居關係就梗係差, 香港政府係呢個公民教育做得就真係唔好。
屋苑管業處更應該開辦一d EQ課程, 等所有鄰居都懂得互助互愛, 互相忍讓, 互相尊重, 唔係各家自掃門前雪。

相信你地講梗既業主可能未上黎呢個網頁, 如果真係有, 早可能自我反省。
但我一定唔會人身攻擊, 話佢地成家都係肥人, 假設佢地睇度呢度既人咁講野。
"原來藍澄灣既居民素質都不過如此"
我都唔會再誇讚自己住藍澄灣有幾好幾開心。

麻煩業主遇到呢d問題先冷靜分析下, 同管業處報左案先。再考慮點解決個問題。
我宜家都煩梗一樣野, 就係對岸單位有人食煙, 搞到吸埋d煙入我地屋, 我都唔想食二手煙死呀~
咁唔通我宜家又報警話拉佢地草菅人命咩?

plcheung

算吧啦, 我樓上果個係租客, 唔係業主, 所以對佢來講, 根本冇責任同公德, 既然佢夠膽講佢單位發出噪音都只係因為"鋼水差", 我覺得佢唔會同我地講道理囉, 佢仲同管業處講唔係佢嘈, 係佢個工人嘈喎!!!唔關佢事, 佢咩都聽唔到. 送卡, 派利是?咁我呢個case咪要派埋錢送佢走囉? 我送佢上x天就有份...(唔好怪我講得咁衰)
仲有我唔係一開始就咁勞氣ga, 我已經忍左成年啦, 管業處時常話幫我跟, 跟左咁x耐咪又係咁, 只係星期六日早上唔吸塵咁大把ja, 但一早7,8點(星期六日)一樣照拉, 照跳, 咁我點先?俾著你所有公眾假期叫你8點起身得唔得先(好似前幾日xmas 同除夕都係一早8點幾嘈), 管業處竟然同我講佢地做到野, 樓上已經改善左, 頂!!佢地仲叫我地用耳塞tim, x佢個街, 唔通我成日0係屋企塞住隻耳仔呀?你話管業處咁叫做唔做到野先? 我覺得呢個唔係我EQ 問題囉, 係樓上果位租客0既公德問題囉, 竟然佢都知呢度0既隔聲唔好, 咁就好應該做番d 野避免產生噪音啦, 可惜我知道佢一定唔會做, 所以我唯有自己同警察做, 一於同佢玩到底..

Lucio

其實除左警署之外, 仲有一個地方你都可以查詢。
就係環境保護署。
http://www.epd.gov.hk/epd/tc_chi/about_epd/facility/offices.html

不過都係麻煩你先冷靜一下, 見你講親呢件事, 三句唔到一個字, d近似Slang Words就想出黎。
都好難理解話你宜家好冷靜。
因為我相信你同樓上既關係應該到左白熱化既階段, 所以唔適宜有大行動好似搵警察上門等...
派錢既你係做得出既而又解決到個問題就唔怕做, 不過你只係個比喻,
咁不如就真係試下寄卡或派利是等(你唔會話俾我聽你已經做左掛), 一人行一步, 緩和個氣氛, 跟住既事會容易d解決好多。

Touch Wood講句, 佢都係唔受理, 你都唔好浪費咁多時間同精神係上面。
疊埋心緒一係搬, 因為你都知, 把口生係人地度, 你做咩佢都係一樣把口唔會停。
與其係住得咁唔開心, 不如自己退一步海闊天空。

終歸你都係覺得唔想煩, 安安樂樂生活, 只好當聽佢地唔到, 夜晚瞓覺戴耳塞, 要返工校多個震機響鬧。
平日屋企開d休閒既音樂(你開勁Rock都可以架), 又可以多d戶外活動。
我都唔介意你上黎我屋企玩添, 不過要等我間屋執好哂d野...
佢地冇文化, 你唔好俾佢地影響到連你都冇吖嘛。
我諗佢地變左係有心咁對著你幹, 你愈煩愈嬲, 佢地就愈開心, 你就唔好俾佢地得勢啦...
日子耐左, 你d隔離鄰舍都一樣俾佢地影響既話, 到時再聯名寫信去埋議員辦事處囉~

青衣南潘志成區議員辦事處:
Phone, 36902948
Address, 青衣長宏村宏善樓地下C翼