查看: 1716|回復: 4

樓下大家樂內訌 :( [複製鏈接]

sinyee_829

新手上路

Rank: 1

電梯直達

1^#

發表於 2010-9-20 10:36:38 |只看該作者 |倒序瀏覽

本帖最後由 sinyee_829 於 2010-9-20 15:55 編輯

前晚7:00落大家樂諗住試個廣告熱賣既龍蝦湯火煱，我買完飛之後，見收銀姐姐跟手已將火煱牌除去，己停售喎.....廣告話8:30後火煱料半價嘛，點解7:30未夠就停售?? 真奇怪，再坐底等叫No啦，見到樓面個主任用對講機同廚房嘈緊，因廚房遲遲唔出菜，樓面主任再係出菜位同廚房對持，後來又似有人發脾氣，出菜時又大力推跌嘢，又再對持，食客無嘢食係度等，又要望住佢地閙交，真係等好耐無得食都唔敢吹佢地啦，後來更有食客攞碟飯投訴話食唔落口，佢lur番啖飯出黎，話未食過咁難食，似係雪櫃攞出黎再埋個"汁"就算，樓面主任又嬲爆攞住碟飯又入廚房質問，原來係個大廚新黎，根本做唔切，所以火煱都要除牌，間大家樂一陣火藥味咁，入面有入面嘈，顧客又攞住碟飯講哂粗口係出面嘈，見到佢地就無奈，真係可唔可以靜靜地舒服d食餐飯丫!