Holiday Chef

bikbark

因為o岩o岩搬入o黎無耐
對煮食仍然熱愛
有時間o既話都想自己下廚
不過由於在媽媽家從來都唔需要自己煮
所以對買送煮送o既概念好模糊.
要煮都只係因為自己貪玩又為食
想整蛋糕甜品壽司之類雜食
真正煮屋企"送"都只係上次party整過栗子炆雞翼

o岩o岩個星期六就足足用o左成個下晝去整預備晚餐
枝竹薯仔炆牛腩+青紅蘿蔔煲豬骨湯+西蘭花
但係煲湯就一人一晚飲三四碗連飲兩晚 而牛腩份量太多(我想買斤半 但佢又俾o左差唔多兩斤) 要食埋今晚先食得晒......
作為一個假日煮食人 你o地會唔會好似我咁煮一日要食三日呀?
定係我預份量預得差 搞到食幾日先食得晒?  :roll:

Billy

[quote:c9511cf7f8="bikbark"]
作為一個假日煮食人 你o地會唔會好似我咁煮一日要食三日呀?
定係我預份量預得差 搞到食幾日先食得晒?  :roll:[/quote]

通常即時食晒冇剩.
你多煮幾次就會知自己可以食幾多預番份量.

再唔係可以call埋我地上黎幫手食亦得... :zdevil:

Tomato

我平時煲湯都會煲一煲 飲兩晚.....一晚平均飲兩、三碗。
初初搬入來煮飯 都係一餐食兩餐.....而家慣左 識得將份量減半 (不過份量少又真係好難買.... :sweat: ) 慢慢就ok啦 而家每次煮飯都無乜剩餸..... (可能我地太肚餓 食晒 :zdevil: )

wychan

其實問題唔係咁大，你身處的rc正有一大班蝗蟲兵團，多多都食得晒...

bikbark

o係百乖買呀 因為牛肉檔咁早未開
買兩斤梗係俾兩斤錢啦 買o左成63蚊呀

一家四口

你地好多都好似係新婚冇耐，好sweet，玩煮飯仔 :

但諗起當年我同我老公都好懶(係，我認係我懶D，因為通常都係女人負責煮飯)，成日返呀媽度食，一唔係就叫外賣，D朋友來到我地屋企，都話我地個廚房似長洲D渡假屋，因為咩都冇，係，係有煮食爐，但係就只有一個煲，用來煮公仔麵既 :  :

Ice

就係因為份量少難買 所以我會盡量將 d 材料左配右配變多一兩味出黎

eg. 牛肉要一 pack 咁買 但份量夠兩餐食 我就會分兩餐整兩樣送出黎囉
咁就無咁悶但又用得晒 d 材料~

sunday

看到大家對於煮飯的方法，真的百感交雜。
結婚後，我從來都不覺得一定要在家煮飯吃，日日出街，看戲吃飯...
後來，請了工人，本來覺得她沒有甚麼東西要做，可以每天都買些新鮮的東西來煮飯...
但不知為甚麼，過了不久，我們都總是吃樓下百佳的急凍雞翼，菜......
真的吃之無味，所以我們仍然大部分時間都是在外邊吃
其實都ok，找些好吃的餐廳，但越來越肥呀，我半年裡肥了10幾磅，現在很 "龐" 惶。

saga

方案1 : (牛腩我o岩呀 叫埋我上來食丫嘛  :em06 搵人幫手食以免自己夾硬食 吸收太多 (我就係成日唔想浪費食物幫手清所以吸收太多)

方案2 : 買少d 份量 不過份量少好難買同埋大批入貨平同抵好多

方案3 : 如果係職業師奶 好需要精打細算 咁方案1 同 2 都唔夠慳家 咁可以考慮約埋三五師奶夾份買-R 2 斤牛腩四家人分 一人都係八兩 實食得哂  :  :  :  :  :

Sure Win

[quote:876f5ca90e="bikbark"]因為o岩o岩搬入o黎無耐
對煮食仍然熱愛
有時間o既話都想自己下廚
不過由於在媽媽家從來都唔需要自己煮
所以對買送煮送o既概念好模糊.
要煮都只係因為自己貪玩又為食
想整蛋糕甜品壽司之類雜食
真正煮屋企"送"都只係上次party整過栗子炆雞翼

o岩o岩個星期六就足足用o左成個下晝去整預備晚餐
枝竹薯仔炆牛腩+青紅蘿蔔煲豬骨湯+西蘭花
但係煲湯就一人一晚飲三四碗連飲兩晚 而牛腩份量太多(我想買斤半 但佢又俾o左差唔多兩斤) 要食埋今晚先食得晒......
作為一個假日煮食人 你o地會唔會好似我咁煮一日要食三日呀?
定係我預份量預得差 搞到食幾日先食得晒?  :roll:[/quote]

我都係好似你咁咋 煮過幾次都有剩 不過就剩唔太多 留唔到第日食 0的送當然變左垃圾啦 況且第日又未必想煮又或者有約.
我通常煮兩個送 而且十分簡單 因為我唔識咁複雜的送 通常一味菜+一味簡單送.
我亦曾經好似你咁兩送一湯 結果大家就食得又辛苦又浪費 於是我地決定一係就只有兩個送 一係就一湯一送 0的湯可以當送食.

其實 買送都好煩惱架 買肉又唔可以買得少 因為的街巿老通常都會俾說話你聽. 試過有次買五蚊叉燒 個叉燒老就話最少要買十蚊架 我就答佢一個人吃點食得晒呀 之後佢就話 好啦賣比你 下次唔得架啦!

不如你下次煮埋我地份就唔駛食足咁多日啦! :zdevil: