藍澄灣業主社群

標題: 如何分辨黑店 ? [打印本頁]

作者: Priscilla Hung 時間: 2003-9-23 04:07:40 標題: 如何分辨黑店 ?

於多個網上討論區見到不少業主提問  邊間係黑店  點黑法  跟住又有一大堆店名出現  咁....

我個人覺得  只是小心提防  切忌心急  某時  亦未必會中招

以下係一些可以作為參考既要點  大家可以參考一下 ~~

坊間所謂黑店既基本手法有

1 - 某一個價錢  不計件數  傢俬到地任做即係套餐

問題係  吊起既柜另計
建議先自己定下一個訂購傢俬清單  再問問店員  每件傢俬之單價若干  計算後再比較一下兩者既分別  睇下該 " 套餐 " 係咪真係抵

2 - 通常話 d 款式任你改

落單後加件層板要另計  加個柜桶話唔得  款式其實唔會點改

3 - 用料一定話係 " 進口高纖板 " / " 意大利實木  "

其實係國產高纖板 (行內稱為紙皮板) 不妨到跑馬地既傢俬店睇睇  $ 88000 可能係講緊一件意大利傢俬
如果真........係進口高纖板  係跑馬地既高檔次廚櫃公司既用料就係果 D 喇  但是價錢就.....
通常十零萬做一組廚櫃到啦

進口高纖板既原材料已經非常貴  因為好處係夠力+防水  做起一件傢俬仲貴個夾板傢俬
而佢地既所謂"套餐"  價錢對我地來講成本都未得  何況佢地係地舖  一件傢俬扣除租金店員薪金燈油火蜡  佢地既 PROFIT  咁件傢俬究竟仲有幾多錢去做  一分錢一分貨大家自己諗  ?

4 - 通常會叫你落住一千幾百蚊既 " 誠意訂金 " 話到時唔度左呎出左圖唔ok 就換其他野

即係  你一定會幫襯佢多少  起碼都幫襯張床褥  或者餐檯椅

5 - 佢地會出一張所謂 " 報價單 " 俾你  又話你個屋苑已經有幾多幾多人落左單  不過張單只有 item 同總價  冇 breakdown

即係  冇得 check 每件傢俬既單價  亦冇得計係有冇俾貴左

6 - 某些店仲會聲稱擁有 ISO 900X  話質量保證
其實唔少人都知呢D 所謂 ISO 900X  俾錢做文件文件夠一年10零萬就做到  內容主要係講緊一間廠 / 集團既 " 生產流程 " 是否有 " 系統 " " 管理 " 是否 OK  而唔會睇件傢俬係咪 Good Quality

7 - 通常佢地係集團式經營  一個老細10 間 8 間店鋪

呢間唔中第 2 間都...........

8 - 仲有實話高纖板好力過夾板

佢地做既傢俬  通常有高度限制  一定就唔駛預佢 Fit 晒幅牆  同埋冇"修口" ( 即係你地叫既封邊咁解 ) 既如果佢話有至多係加條所謂修口條  不過  都唔係百分百美觀  試想想邊間屋既牆會完全 90 度角直線 ? 遇著牆身凹凸既話  非木工師傅不能做到  而佢地既所謂裝柜師傅 ( 即係運輸 )  又有冇呢個能力呢  大家諗 ~~~

夾板傢俬即係以前上一代既裝修師傅現場做傢俬既用料  好處係  一定實淨  手工良好既話用到10 年以上  一d 都唔係問題

高纖板傢俬係近呢幾年才廣泛出現係傢俬鋪既傢俬用料  好處係  施工快  問題係  呢 d 板根本就冇 structure  常見問題係 :

柜門較易下墜
層板柜殼唔夠力裝趟門就仲麻煩  隨時個殼彎左就柜門都會跌出來
遇著潮濕天氣  隨時有小昆蟲陪伴左右
撞崩撞花冇得執  至多點 d 油漆搞掂

就你地所見  中唔中 ?
:em03:

作者: LO LO 時間: 2003-12-20 23:10:57

係沙田中央廣場二樓有一間，重咗好幾點喎，package(I) price接近七萬，任造落地傢俬或package(2) price接近四萬，傢俬件數及尺寸就有限制，(講明唔包吊柜)，Promo期送sofa ，用料是意大利進口板(Sales 姐姐話)，又拿d 藍澄灣的單比我睇，叫我地都可以落訂(一千蚊)，度尺及出圖後，唔啱可以買番其他嘢都無所謂。
其實我都幾鐘意佢地d 傢俬，幾啱feel(好木) ，d 料又真係幾實淨，d 門鉸同d 封口位都造得幾好咁，雖然價錢就貴咗d ，但是如果用料真係好，都值得。所以原本我將來真係有打算搵佢地，但聴完你講，我似乎要重新考慮。

歡迎光臨藍澄灣業主社群 (http://rcrest.bzone.com.hk/discuz/)