藍澄灣業主社群

標題: 一般裝修須注意之事項 [打印本頁]

作者: Priscilla Hung 時間: 2003-8-11 23:27:20 標題: 一般裝修須注意之事項

一般而言新樓裝修  好多時仲係第一次擁有自己既空間當然想樣樣都咁美好點樣先至得 ? 約正式收樓前 2 - 3 個月就要開始做功課架啦  無錯係做功課除非你又想做別人眼中既 " 裝修的故事 " 或者 " 黑店受害者 ".

首先參考多些資料

如睇多些家居設計雜誌  可以剪下一些自己喜歡之設計相片給對方  較易溝通令人地知道你想要乜 ? 行下 d 建築材料舖傢俬舖抄下價錢有助知道自己是否超出預算

其次  要知道自己既預算
要預算些什麼 ? 聽落好似好易  其實要考慮既  真係唔少

1 - 家中各項雜物既數量

例如:衣服  鞋  CD  書籍小朋友既玩具  自己既收藏品  電腦  影音系統  鋼琴  水晶  毛公仔  ....

2 - 居住人數(將來是否會有埋小朋友)  會否有寵物  魚雀  白兔  倉鼠  龍貓  水草  菲傭  長者  ....

3 - 設計慨念  列出自己最希望達到的效果  要知道  設計  唔係淨係講靚  仲要配合使用者既實際需要  如果唔係幾靚都冇用  下下好似示範單位咁好睇唔好用 D 家庭雜物擺邊呀 ? 日常點打理呀 ?

3 - 財政預算  呢樣就麻煩少少  先定一個約數  扣除自己要買既
雜物 - 浴室毛巾通廁紙架  門背衣鉤  廚房配件掛通  碗筷 ?
電器 - 電視機  影音器材  風扇  吸塵機  抽濕機
傢俬 - 梳化  茶几餐檯椅  睡床床頭柜梳妝台衣柜  書柜書檯  陳列柜鞋柜  雜物柜  諗下邊 D 會訂造  邊 D 會買
燈飾 - 想要咩效果 ? 幾多間房 ? 廳  走廊
窗簾  - 廳要窗紗定窗簾 ? 咩款式 ?

搬運費  建築材料.等等減晒之後先至係真正裝修費
亦應該先考慮自己打算住幾耐  5 年 ? 10 年 ?

4 - 裝修項目
電項  - 電掣位是否足夠 ? 燈位驚唔驚對正張床 ? 是否要有燈光效果 ?
油漆  - 想要咩式色 ? 是否由底重做 ?
地板 - 是否拆舖磁磚 ? 保留地板 ? 木板/纖維板 ?
木器  - 是否需要作裝飾 ? 要假天花嘛 ? 傢俬是否訂造  想要咩款式 ?

其他一般要注意事項  最好於簽單之前問清楚

報價單有冇列明施工期 Payment Terms  保養期(執手尾) ?
如果有加改是否照單價計 ? 有冇列明單價 ?
裝修前 - 會否做保護工序 ? 舖地板/包好冷氣機 ?
該公司/判頭是否有購買勞保 ?

電插座是否入喉 ?

木器用什麼材料 ? 夾板 ? 咩飾面板 ? 楓木/櫸木/胡桃木/ 油漆 ? 柜內櫳包叻架/膠板 ? 是否現場修口(執邊 )?

用咩牌子既油漆 ? 是否包括鏟底 ?

是否包括清潔費用 ?

工程期間既垃圾廢料是否包括清走 ?

作者: Priscilla Hung 時間: 2004-2-20 00:47:46

just roll up

作者: Shearer9 時間: 2004-2-21 00:18:22

Priscilla Hung

好詳細多謝晒! :em11:

thx

作者: totoro 時間: 2004-2-24 11:31:41

正!

歡迎光臨藍澄灣業主社群 (http://rcrest.bzone.com.hk/discuz/)