藍澄灣業主社群

標題: 好驚...有無人知係咪真既??? [打印本頁]

作者: itsumo 時間: 2003-8-8 17:39:40 標題: 好驚...有無人知係咪真既???

好驚...收到個EMAIL 有無人知係咪真既???

在本週公開發售的青衣藍澄灣，標榜酒店式家居服務；又建有全港最長的二百米泳池；再加上每呎最平千六元，與同區十多年樓齡的舊樓相若，結果三星期以來內購賣出九百個單位，佔總數逾半。然而，當買家以為買到「筍盤」而興奮時，煩惱其實接踵而來。

毗鄰九號貨櫃碼頭的藍澄灣在政府的規劃中，原來只適合興建多作短期居住用途的服務式住宅，新建築物原意是為鄰近的美景花園和長青，擋九號貨櫃碼頭的噪音和強光。然而發展商和黃，利用出售服務式住宅並無限制這灰色地帶，將藍澄灣包裝為住宅新盤開售。買家買來的單位，原來是替人擋噪音的屏障，根本不宜長期居住。與藍澄灣只一條馬路之隔的九號貨櫃碼頭，將在下年啟用，預計每年處理近二百六十萬個貨櫃，即每分鐘處理五個，吞吐量強勁。

九八年，和黃獲准在青衣興建九號碼頭；同年，和黃與長實合作，把鄰近的地皮也買入發展。根據最新的青衣規劃大綱，這地屬於商業用途，可建寫字樓、酒店、服務式住宅等；還寫明是用來作緩衝區，希望藉在此興建的樓宇，作為大型屏障，阻隔九號碼頭廿四小時運作可能產生的噪音，以及射燈的強光，以減低對附近美景花園及長青居民所造成的影響。

和黃原計劃建酒店和寫字樓，但其後改變初衷，申請補地價把項目改為五座四十層高的服務式住宅及三幢酒店。

去年與地政署達成補地價三億多元後，和黃便全力興建藍澄灣，並在三星期前狂谷宣傳開售。當年有份批核有關申請的城規會委員劉秀成教授，看到藍澄灣開售報導即時嚇一跳，「當年批地無諗住做私人住宅。其實塊地太近碼頭、太嘈，唔適合居住。」而一名葵青區規劃署的規劃師則說：「服務式住宅大多出租，住客多數住一、兩個月就搬，噪音影響應該唔算大，所以當年政府才批准興建服務式住宅。」

根據現行法例，無明文規定服務式住宅可否出售，只規定七成單位，須為一房一廳單位，皆因此類樓宇的對象為單身或公幹人士，故此和黃出售藍澄灣是合法的。問題只是和黃賣樓時，不斷吹捧該盤交通無遠弗屆，坐享海景，連隔鄰大嶼山的迪士尼樂園也畫在樓書中，卻甚少提及樓盤就正正位於九號碼頭隔鄰。而且由於該盤約七成為一房一廳單位，未必符合買家喜好，故和黃不得不出盡法寶賣樓。例如藍澄灣的售樓書內，只介紹單位面積由六百三十八呎至九百六十二呎，沒有提及間隔；還創新招來個「傢俬平面圖」，裡面以衣櫃或組合櫃來間出兩個房間，有別一般書的平面圖，會顯示單位的間格。而和黃更以此為綽頭大賣單位間格可靈活變動。在示範單位現場，地產代理斷向客解畫：「現在你見到用衣櫃間房，但收樓時只得房一廳間隔。你可以選發展商傢俬套餐，最平三萬九蚊就會幫你『間』多間房。」

另外，按地契規定，藍澄灣項目須有「中央空調系統」。政府原意希望單位有如酒店般有中央冷氣而不用開窗，免住客受噪音騷擾。但和黃現在卻取巧，只安裝抽送鮮風的中央空氣調節系統，而單位內另裝有分體冷氣機。住客可自行選擇長期開冷氣，還是開窗「透氣」。長開冷氣，電費當然貴；但開窗又即時面對噪音問題。

根據環保署的環境評估，九號碼頭落成後，附近居民預計會承受平均約七十分貝的噪音，較正常環境高出二、三十分貝。雖然藍澄灣前面還會有酒店，把九號貨櫃碼頭阻隔，但樓盤與碼頭相距實在太近，貨櫃車會經過藍澄灣出入貨櫃碼頭，噪音難免。加上藍澄灣比酒店高出十層，以每呎三千多元買入高層海景單位的住戶，就避不了貨櫃裝卸和大貨車「轟轟」經過的強勁噪音。長期高噪音下生活，會感到厭煩，令精神無法集中，工作效率低下；嚴重者甚至會頭暈，血壓增高，身體功能失調，和聽力受損，後果認真可大可小。但買家只陶醉買「平」樓的興奮，無視現實真相。

作者: dick queenie 時間: 2003-8-8 17:49:24

唉.....這些舊料而已，咪又係幾個月前一周刊來的，
這問題在我們討論區討論了十九幾萬次。真係好煩，
你睇下其他討論topic 好唔好
不要怪我咁勞氣及無禮，因為所有愛藍澄灣的人都心中有數。
我話你聽係真咁又點，你咪唔好響度住囉，又冇人迫你。
一入來就問埋d 咁既野....真係......。

再講多句sorry....to you..... :em14:
凡事by your feel.......ok :em21:

作者: louis 時間: 2003-8-8 18:01:08

*******
**可能**產生的噪音，以及射燈的強光
*******

作者: itsumo 時間: 2003-8-8 18:04:36

你都見到我係初入黎啦我怎知討論了十九幾萬次?
我都係收到EMAIL時令我很擔心
SEARCH INTERNET 時見有個討論區故問一下.
講真如果是真的話我唔會搬入去寧願租出去.

作者: bikbark 時間: 2003-8-8 18:06:58

其實唔駛咁勞氣大家都係想問多d知多d
了解多d就自自然然會慢慢鍾意RC 至少會鍾意我o地班團結又可愛o既街坊

可以睇下:
http://rcrest.no-ip.com/viewtopic.php?t=160

作者: Ray 時間: 2003-8-8 18:10:59

itaumo

No need 擔心 as the hotel block will engender as a protection barrier to residential side. Noise and Strong light should not affect.

Otherwise I will not to chose 藍澄灣.

作者: bikbark 時間: 2003-8-8 18:20:18

其實租出去都係一個可行辦法但係一日未入伙一日都未知個實際情況係點可以到時睇定d先再作決定都未遲.
或者你可以睇睇版內資料了解多d 如果再有問題就到相關o既版面提出 RC街坊好樂意解答你o既

作者: FireFire 時間: 2003-8-8 19:22:23

大家冷靜一下...........唔好俾出面d無謂報導誤導我地...凡事有好有壞...
記住.....冷靜冷靜冷靜 ..... :mrgreen:

作者: mouse 時間: 2003-8-8 21:04:34

可能你到時鍾意到不捨得走呢

:

其實我屋企係好近大馬路(英皇道) 好嘈..... 所以我相信即使第日嘈都不夠我屋企嘈

而且我係碼頭做出出入入都不覺嘈呀!

作者: wicyh 時間: 2003-8-8 21:09:34

[quote:2775db1aa1="mouse"]可能你到時鍾意到不捨得走呢

:

其實我屋企係好近大馬路(英皇道) 好嘈..... 所以我相信即使第日嘈都不夠我屋企嘈

而且我係碼頭做出出入入都不覺嘈呀![/quote]

可能你已經聾左

作者: Teresa and Fai 時間: 2003-8-8 21:58:08

[quote:8b55ceffc2="bikbark"]其實唔駛咁勞氣大家都係想問多d知多d
了解多d就自自然然會慢慢鍾意RC 至少會鍾意我o地班團結又可愛o既街坊

可以睇下:
http://rcrest.no-ip.com/viewtopic.php?t=160[/quote]

入面封信係咪真係send了出去la???????

作者: Teresa and Fai 時間: 2003-8-8 22:05:56

其實我而家都好煩...............對呢d傳言都係半信半疑................

d首期我問亞媽借架...........如果比佢聽到呢d消息佢實好擔心....................

作者: irisku 時間: 2003-8-8 23:16:56

itsumo

首先同你講聲對唔住先因為我哋本身身為藍澄灣業主已經遭受很多人的批評但我們都團結起來一起面對因為我們都深愛我們未來的家-藍澄灣所以我們一聽到有自己的業主講這一件事時真的有點難過所以我們這裡的人一再聽到這一個問題都會不開心但你可以再看一看到入伙時真的不適合你才租出去也不遲你亦可以才這一段時間多上來這裡逛一逛你也能會發現很多藍澄灣的好處呀~~

作者: kenykl 時間: 2003-8-9 00:57:19

[quote:a68e6d92ff="Teresa&Fai"]其實我而家都好煩...............對呢d傳言都係半信半疑................

d首期我問亞媽借架...........如果比佢聽到呢d消息佢實好擔心....................[/quote]

Don't worry magazine always "produce" news rather than investigate the truth....

Especailly this adverse message is come from a magazine like to complain.. complain and complain....

So I ignore this message already. Everybody claim down just listen to a story law... don' take it serious.

You and me already bought RC most of us are below 40/F the hotel can somehow "help" us... haha...:>

作者: Solskjaer 時間: 2003-8-9 01:30:25

:em02: Hi! 你好呀!無擔心你要知道肥佬黎唔妥D姓李架啦!份報導有部份己知道係不實既你慢慢睇下呢個討論區就會知道. :wink:

作者: 大B 小W 時間: 2003-8-9 02:02:35

我由細係青衣(長青村)住到大...
日日望住藍澄灣唔覺得有問題

有問題我都唔會BUY LA...
你估我傻既咩... :em07:

除了佢既外型比較LEUNG及跟酒店比較近之外
其餘我都好滿意... 所以大家唔使俾人D閑言閑語嚇倒 :em11:

哈哈... 其實我最不滿係我現在屋企的無敵大海景
俾藍澄灣及酒店完全蓋住... :evil:

要跟每年一度既煙花及
由細陪到我大的海峽SAY BYE BYE LA... :em02:

作者: Crystal 時間: 2003-8-9 09:25:47

其實大家都買左藍澄灣買之前都會好喜歡才買的而且價錢真的比其他的樓盆較為平我覺得就算嘈些都冇辦法. 不過講真在香港市區住邊一度唔會嘈好多樓宇近馬路樓對樓. 地方好既當然有寧靜又可能望唔到對面屋但.... 我就真的買唔起那些樓纙...
就好似我對面新起的樓盆還未入伙的但都係好清楚見到對面屋你話死唔死.... 大家都係香港人應該明白既真的是一分錢一分貨麻. 但諗真d 其實藍澄灣都算係我既dream house 架喇 :-)

作者: Ray 時間: 2003-8-9 09:27:43

我都完全同意大B&W 的說法藍澄灣唔覺得有問題.

依本人專業角度去睇.我己在工程界工作十多年持有工程的 Msc 及 BEng Degree; 曾在Dockyard工作現做機電工程嘈音或強光是不會影響的依現時的設計.

作者: Crystal 時間: 2003-8-9 09:39:11

信哂你地我都唔担心

作者: Teresa and Fai 時間: 2003-8-9 11:49:15

[quote:5bf77637ca="Engineer"]我都完全同意大B&W 的說法藍澄灣唔覺得有問題.

依本人專業角度去睇.我己在工程界工作十多年持有工程的 Msc 及 BEng Degree; 曾在Dockyard工作現做機電工程嘈音或強光是不會影響的依現時的設計.[/quote]

有你地咁多人支持同鼓勵就算真係有問題我地都會勇敢面對 (而且而家都係謠傳o者)

作者: Ray 時間: 2003-8-9 12:44:20

相信因當時開價特彽 (SARS後第一個盤) 引至好多二樓賣唔倒所以 D 人製造好多負面消息.

再想深一層如果有問題酒店 D 房就冇人租和黃點會這麼笨. 現在又有酒店做 barrier 怕什麼?

作者: wychan 時間: 2003-8-9 12:56:32

那些瓜瓜嘈的人是不是住在對面公屋或美景花園的，因有了藍澄灣而阻擋了他們的無敵大海景，所以無的放矢?

作者: 大B 小W 時間: 2003-8-10 00:52:07

[quote:d56f570990="wychan"]那些瓜瓜嘈的人是不是住在對面公屋或美景花園的，因有了藍澄灣而阻擋了他們的無敵大海景，所以無的放矢?[/quote]
喂喂喂...wychan
我都係住起對面d公屋po...
唔好一??(竹竿)打一船人war

p.s. 執筆忘字... sorry

作者: wychan 時間: 2003-8-10 01:15:12

[quote:632a8fc8c7="大B & 小W"][quote:632a8fc8c7="wychan"]那些瓜瓜嘈的人是不是住在對面公屋或美景花園的，因有了藍澄灣而阻擋了他們的無敵大海景，所以無的放矢?[/quote]
喂喂喂...wychan
我都係住起對面d公屋po...
唔好一??(竹竿)打一船人war

p.s. 執筆忘字... sorry[/quote]

唔好意思，我只係話一些惡意破壞的人那些心理不平衡的心態0傘。我對一些寬容及目光遠大的人，一向都表示尊敬及尊重!!
:em11:

作者: LJJ 時間: 2003-8-10 14:34:08

[quote:faa7f2f8fe="Engineer"]我都完全同意大B&W 的說法藍澄灣唔覺得有問題.

依本人專業角度去睇.我己在工程界工作十多年持有工程的 Msc 及 BEng Degree; 曾在Dockyard工作現做機電工程嘈音或強光是不會影響的依現時的設計.[/quote]

有專業人仕俾意見 don't worry la

作者: wicyh 時間: 2003-8-11 10:17:15

[quote:8065e62e66="Engineer"]我都完全同意大B&W 的說法藍澄灣唔覺得有問題.

依本人專業角度去睇.我己在工程界工作十多年持有工程的 Msc 及 BEng Degree; 曾在Dockyard工作現做機電工程嘈音或強光是不會影響的依現時的設計.[/quote]

梗係信專業人仕多過信o個d三姑六婆 :wink:

作者: Sharan 時間: 2003-8-11 10:38:40

不過如果我o地係會所或泳池聚會，有可能重嘈過9號仔，哈哈 :!:

作者: wicyh 時間: 2003-8-11 10:46:27

[quote:fa1221ef5f="Sharan"]不過如果我o地係會所或泳池聚會，有可能重嘈過9號仔，哈哈 :!:[/quote]
咁去9號仔度聚會啦 :mrgreen:

作者: dick queenie 時間: 2003-8-11 12:14:38

其實我一直好懷疑，所謂貨櫃碼頭的嘈音是有幾大的。
等於我們靚仔時讀社會科。
香港是一個自由港，水深唔知幾多幾多，是全球不知第幾大港口。
香港的貨櫃業咁多年咁發達，由一號至八號，成幾十年裡面。
何解去到2004年的九號碼頭就有嘈音問題呢???
係!何能會嘈些少，但嘈成點....真係冇人知架。
如果真係唔掂，又或者太過份的話，最多到時上街，或者去碼頭示威，唔比佢地運作囉!

作者: wicyh 時間: 2003-8-11 12:18:45

[quote:22b6a6219c="dick&queenie"]其實我一直好懷疑，所謂貨櫃碼頭的嘈音是有幾大的。
等於我們靚仔時讀社會科。
香港是一個自由港，水深唔知幾多幾多，是全球不知第幾大港口。
香港的貨櫃業咁多年咁發達，由一號至八號，成幾十年裡面。
何解去到2004年的九號碼頭就有嘈音問題呢???
係!何能會嘈些少，但嘈成點....真係冇人知架。
如果真係唔掂，又或者太過份的話，最多到時上街，或者去碼頭示威，唔比佢地運作囉![/quote]

問題係以前貨櫃碼頭附近都係工業區依家係做左住宅

作者: dick queenie 時間: 2003-8-11 12:31:39 標題: 各碼頭的位置

:em06: :em06:
鳴鳴～～～wicyh．．你又蝦我啦。

作者: hales 時間: 2003-8-11 18:24:25

[quote:d66ba3095f="dick&queenie"]其實我一直好懷疑，所謂貨櫃碼頭的嘈音是有幾大的。
等於我們靚仔時讀社會科。
香港是一個自由港，水深唔知幾多幾多，是全球不知第幾大港口。
香港的貨櫃業咁多年咁發達，由一號至八號，成幾十年裡面。
何解去到2004年的九號碼頭就有嘈音問題呢???
係!何能會嘈些少，但嘈成點....真係冇人知架。
如果真係唔掂，又或者太過份的話，最多到時上街，或者去碼頭示威，唔比佢地運作囉![/quote]
你想知既話....何不親身去感受一下呢? :em12:
到四號碼頭入口就可以感受到勁多貨櫃車出出入入既聲音了只要到新都會
廣場出面就有貨櫃碼頭既專車車你入去...(坐ATL既車最近)
而又只要去一下荔景/祖堯村就可以感受到生活在一個對面就係貨櫃碼頭既地方
係會有幾嘈呢....

只要你去過就會知道...唔駛咁擔心噪音既問題.....

作者: dick queenie 時間: 2003-8-11 19:23:40

hales...我本身住在南區，而所謂的嘈音問題，我真的未曾想過，不...應該不知點想。
有關的嘈音可以接受嗎???
(因為我住梗的地方都幾靜掛)

作者: hales 時間: 2003-8-11 19:39:41

[quote:851d314b0f="dick&queenie"]hales...我本身住在南區，而所謂的嘈音問題，我真的未曾想過，不...應該不知點想。
有關的嘈音可以接受嗎???
(因為我住梗的地方都幾靜掛)[/quote]
其實每個人既接受程度都唔同所以基本上不可以一慨而喻呢
所以最好都係親身去感受一下比較好呢

作者: Solskjaer 時間: 2003-8-12 01:24:51

:em02: 我最近問過我個Friend佢在船公司做事他說9號仔己正式運作內裏吊運貨櫃的起重機每次放下貨櫃時可能會有"砰"一聲在路面左右行駛時會發出"叮叮"聲貨櫃車刹車時拖架會發出轟轟聲.但大家都不用緊張因原本"HIT"的碼頭仍未飽和故很少用到9號碼頭.青衣既島民返工放工時可以留意吓係咪好少有船埋.加上酒店與起重機的距離其實好遠.所以都不用擔心. :?

作者: 貓貓仔貓貓女 時間: 2003-8-12 11:52:17

喵~
貓貓都有個朋友o係葵涌貨櫃碼頭度做佢話碼頭入面的確係幾嘈但係最嘈o既時間相信大家都番o左工係有D影響但係未必好大。不如擔心o下九號仔正式投產 D貨櫃車會唔會塞死D路好過。 :|

作者: yetalu 時間: 2003-10-3 13:35:54

[quote:76860f137d="Solskjaer"]:em02: Hi! 你好呀!無擔心你要知道肥佬黎唔妥D姓李架啦!份報導有部份己知道係不實既你慢慢睇下呢個討論區就會知道. :wink: [/quote]

肥佬黎同壹週刊班人
[粗言穢語已經被刪掉]
天會收佢

作者: wicyh 時間: 2003-10-3 13:40:05

[quote:d6f8c6f23d="yetalu"][quote:d6f8c6f23d="Solskjaer"]:em02: Hi! 你好呀!無擔心你要知道肥佬黎唔妥D姓李架啦!份報導有部份己知道係不實既你慢慢睇下呢個討論區就會知道. :wink: [/quote]

肥佬黎同壹週刊班人
[粗言穢言已被刪掉]

天會收佢[/quote]

唔駛咁激

作者: anson 時間: 2003-11-24 19:49:36

Don't worry ~~~Everything will be ok~~~~

作者: 中原 時間: 2003-11-26 23:40:04

我地有客仔話唔知有酒店如果知就一定唔買.
再者住宅對住酒店無太陽入屋某雜誌都曾經踢爆藍澄灣有欺騙成份.
點解你地咁開心呢? 我真係好想知你地覺得藍澄灣有咩咁好呢?
我都好想了解下.
樓書無寫過有酒店而好多地產經紀都係背樓書佢地唔知有酒店擋住個景就sell d 客低層望200米swimming pool 同望海如果地產代理比客告邊個要負任呢
而且個示範單位o係中環好難相信幾千個經紀會個個走去青衣望下個地盤.
咁多位人兄你地點知有酒店姐住個景呢? 唔通發展商同你地每位買家講
酒店40樓咁高要最高十層先望海未過40米一係望酒店/泳池一係望山景/樓景.
如果個個經紀咁誠實同客講實好少人買藍澄灣.
其實好多地盤相片係地產代理比錢d 建築工人偷偷影相基本上發展商唔會主動比地盤相地產代理.
所以你地發覺唔同地產代理公司會有唔同o既相.......

再者我發覺你地班人兄望住個酒店都好開心
我亦有同客人講會所同酒店住客共用唔係住客霸晒所以管理費$1.3咁便.
本網所謂住客之反應與正常客人心態不同
本人肯定本網是發展商造馬唱好藍澄有很多login 名根本是同一人.
當然我相信有某部份的login 是將來藍澄住客.

他日藍澄收樓之日定有很多買家投素申笨他們可能一同索償和立刻放盤請他日留意報章雜誌報導......

作者: Ice 時間: 2003-11-27 00:47:47

中原~ 你作為 agent 只要見到有人買樓賣樓就應該好開心架啦有錢賺喎~
藍澄灣好唔好對你既影響有咁大架咩? 點解你會咁唔鍾意藍澄灣呢? 我唔識地產既 agent 唔係好知你呢 d 專業人士係點睇每一個樓盤

以我有限既記憶係發展商最初公開發售時已經有報紙報到藍澄灣呢個盤仲已經指出左有酒店同最高十層先有海景~ 有業主係買之前已經知~

呢個世界不嬲都無完美呢度既業主有好多都已經知道一分錢一分貨用一 d 好處 (eg 比較平) 去 compensate 其他既唔好咁又有咩問題呢? 俾得咁既錢就會預左有 d 唔好既野業主們有心理準備咪得囉~

有好多經紀吹水你做經紀既呢 d 方法你都有得出賣啦. 但唔係個個買藍澄都係因為俾經紀/發展商呃. 有業主已經預左俾得快餐店既錢就唔可以 expect 有半島既質數. 咁就等於同正常客人心態不同?

呢個 topic 真係講左好耐喇呢度 d 人扮開心又好扮無俾人搵笨又好真係好期待都好咁想知係咪最後俾和黃呃咪到時真係入得伙住得既時候先算囉~ 宜家咪又係得個講字都未 prove 到. 真係有人放盤既你咪又有生意囉. 有笨人買有笨人賣經濟先會好架嘛~ 你地 d agent 唔係就係最鍾意 d 俾你講兩講就信左你地去買去賣既笨人架咩? 佢唔笨佢唔肯買你都要迫佢變笨去買架啦~

最後同一篇文 reply 幾條 threads 係唔會令個驚嚇效果加大架~

作者: gp 時間: 2003-11-27 11:25:23

人係要向前望先會進步 o下o下望番轉頭不停講同一個問題......好悶呀! 請你睇o下個問題已經講o左n個月啦! 中原兄你不如提出新問題新o既理據最好有最新短片相數據分析去support......咁咪有新意囉! 從事地產行業o既你無理由咁out 喎唔好俾同行知係你講俾人笑呀!

作者: Tako and Sukie 時間: 2003-11-27 22:21:09

[quote:7d4251bf00="itsumo"]你都見到我係初入黎啦我怎知討論了十九幾萬次?
我都係收到EMAIL時令我很擔心
SEARCH INTERNET 時見有個討論區故問一下.
講真如果是真的話我唔會搬入去寧願租出去.[/quote]

我好想同大家講青衣係一個好地方交通好方便返大陸去香港島去機場都好快葵青區可以話係香港的中心點如果唔係貨櫃碼頭都唔會起係青衣啦.
我住係青衣10幾年對青衣最熟藍澄灣最唔好的地方係交通可能唔方便因為好多車都係中途站早上坐車一定冇位坐所以我最想以後大家可以爭取多D路線.

我好多時夜晚都會去地盤到睇我覺得一D都唔嘈我開頭都好擔心所以去睇下你地自己去睇過就知.

其實香港好多樓都對住絛馬路都係好嘈好似長沙灣個D咩昇悅居弘景臺咁絛馬路好鬼死繁忙旁邊又係工廠D樓又密空氣好差不過人地貴過我地好多一樣好多人買所以我話藍澄灣真係唔錯啦.

希望大家會覺得青衣好藍澄灣好

作者: leebrian 時間: 2003-11-27 23:11:42

Tako & Sukie

I support your points. I have been lived in Tsing Yi for 3 years. I love it very very much so that I decide to buy my first property in Tsing Yi RC. In addition the location of RC is not bad. It is not noisy because the road is not busy. Air pollution is low. As a result Tsing Yi is a excellent place for living.

作者: 小yen 時間: 2003-11-30 19:08:19

[quote:e41612a8f6="itsumo"]你都見到我係初入黎啦我怎知討論了十九幾萬次?
我都係收到EMAIL時令我很擔心
SEARCH INTERNET 時見有個討論區故問一下.
講真如果是真的話我唔會搬入去寧願租出去.[/quote]

itsumo take it easy ok :em11: 在呢度大家話晒都係1家人嘛大家都係關心rc o者唔好噤la 我可以好sure噤話你知rc就算點唔好都唔會係最bad既你所俾既$係唔會白俾架俾d信心出黎等到收樓你1定會知到點解我地會禁support RC既 :mrgreen: :em02:

作者: 小yen 時間: 2003-11-30 19:16:47

[quote:98cbe4e90f="wychan"]那些瓜瓜嘈的人是不是住在對面公屋或美景花園的，因有了藍澄灣而阻擋了他們的無敵大海景，所以無的放矢?[/quote]

yes i think so because呢d真實既傳閒我都係在我d朋友到聽番黎佢地真係好 "興"係因為我地座rc完全阻晒佢地個view呢點係可以理解既but塊地唔係佢地架喎噤日後有咩改變都唔係佢地可以control得倒so佢地依家亦只好接受我亦知道佢地好多都係講道理既住客黎希望大家第時朝見口晚見面好好噤相處la咪當朋友噤law噤唔係會好d咩

作者: 小yen 時間: 2003-11-30 19:21:38

[quote:52e8de9ddc="中原"]我地有客仔話唔知有酒店如果知就一定唔買.
再者住宅對住酒店無太陽入屋某雜誌都曾經踢爆藍澄灣有欺騙成份.
點解你地咁開心呢? 我真係好想知你地覺得藍澄灣有咩咁好呢?
我都好想了解下.
樓書無寫過有酒店而好多地產經紀都係背樓書佢地唔知有酒店擋住個景就sell d 客低層望200米swimming pool 同望海如果地產代理比客告邊個要負任呢
而且個示範單位o係中環好難相信幾千個經紀會個個走去青衣望下個地盤.
咁多位人兄你地點知有酒店姐住個景呢? 唔通發展商同你地每位買家講
酒店40樓咁高要最高十層先望海未過40米一係望酒店/泳池一係望山景/樓景.
如果個個經紀咁誠實同客講實好少人買藍澄灣.
其實好多地盤相片係地產代理比錢d 建築工人偷偷影相基本上發展商唔會主動比地盤相地產代理.
所以你地發覺唔同地產代理公司會有唔同o既相.......

再者我發覺你地班人兄望住個酒店都好開心
我亦有同客人講會所同酒店住客共用唔係住客霸晒所以管理費$1.3咁便.
本網所謂住客之反應與正常客人心態不同
本人肯定本網是發展商造馬唱好藍澄有很多login 名根本是同一人.
當然我相信有某部份的login 是將來藍澄住客.

他日藍澄收樓之日定有很多買家投素申笨他們可能一同索償和立刻放盤請他日留意報章雜誌報導......[/quote]

Pls. close-mouthed too thanks u cooperation :mrgreen:

歡迎光臨藍澄灣業主社群 (http://rcrest.bzone.com.hk/discuz/)