藍澄灣業主社群

標題: 2011.11.30 星期三... 忌火? [打印本頁]

作者: kk-in-hk 時間: 2011-11-30 09:29:50 標題: 2011.11.30 星期三... 忌火?

一早就咁多火警? (花園街又有, 我地又有...)
如果真係水曾經浸過 (濕左機件) lift, 可能有幾日都只剩下一部lift 用. 大家做定心理準備啦.

作者: sinyee_829 時間: 2011-11-30 09:58:56

今早聽到好嘈既廣播，咩2座3X樓.........原來係有火警呀 ??

作者: andychu22 時間: 2011-11-30 12:51:10

好似話4點幾火燭!
2座X2樓火燭, 我住3X樓, 今早7點幾管理處打過電話找我, 話4點幾3X樓火燭有同事拍過我門, 可惜我聽唔到!!

好彩無咩事, 唔係我就大獲了!

作者: kk-in-hk 時間: 2011-11-30 13:45:07

好似話4點幾火燭!
2座X2樓火燭, 我住3X樓, 今早7點幾管理處打過電話找我, 話4點幾3X樓火燭有同事拍過我門, ...
andychu22 發表於 2011-11-30 12:51

隔住大門加上連房門都關上埋, 我地都係連火警鐘聲同同層鄰居拍門都聽唔到....

作者: Koala Bear 時間: 2011-11-30 14:27:52

我住4X樓，火警鐘響唔知﹗好彩有好鄰居拍門，我地一家上o左天台，無幾來由消防員帶回地下，等到7:30才返到屋企，好多謝我的好鄰居及天台業主的協助﹗31樓個起火單位就慘了，有排攪﹗

青衣火警一女子不適 (06:48)

【on.cc 東方互動專訊】青衣藍澄灣二座一單位，清晨四時四十二分發生火警，單位內一部抽濕機冒煙着火，消防到場將火撲熄，一名女子感覺不適，須由救護車送院。

作者: KCs 時間: 2011-11-30 14:31:25

我住2X樓, 05:45時. 打開大門才聽到很細的火警鐘聲, 都唔知走唔走好, 後來打電話比管業處, 話火已經息左.
但無論如何有火警鐘聲咁細, 的確有d問題, 真係燒到來到走唔切

作者: KCs 時間: 2011-11-30 14:46:52

你4X樓一樣聽唔到都好有問題喎,
我已經打電話問管業處, 為何火警鐘聲咁細? 等待回覆...

作者: andychu22 時間: 2011-11-30 15:11:12

我3X樓都聽唔到火警鐘聲!!

作者: michaeltsang 時間: 2011-11-30 16:15:34

回復 5# Koala Bear

係三十二樓

作者: michaeltsang 時間: 2011-11-30 16:18:06

我住3 X樓, 聽警樓好響，嘈醒左，冇幾耐就好有管理員、叫我地落去二十二樓隔火層，搞到差唔多六點先番得上樓，八點重要番工，今朝等life 等左成十分鐘，重要架life 勁多人,.........

作者: KCs 時間: 2011-11-30 18:02:35

本帖最後由 KCs 於 2011-11-30 23:28 編輯

管業處黃先生回覆，當火警時，應該每層樓的火警鐘會一齊響。
若然屬實，我為何打開屋大門才聽到好像從另一層傳來的警鐘聲？
而我醒來的原因只是聽到從樓下傳在警員的大聲公聲音，並不是警鐘聲。

他亦提到，約一星期前防火公司才做了消防來系統檢查維修，並通過
消防處的突擊檢查，相信警鐘應該冇問題。
他認為有何能是警鐘安裝位置問題，導致有住戶聽不到鐘聲。
他答應會再次按排檢查火警鐘，並檢討警鐘位置，及向住戶公告今日
火警情況。

相信大家看過同時間在花園街四級嚴重火警，住戶理應對於防火措施
關心多點。

大家若有其他心疑問市及發現，請向管業處查詢！

作者: kk-in-hk 時間: 2011-11-30 18:26:08

我住4X樓，火警鐘響唔知﹗好彩有好鄰居拍門，我地一家上o左天台，無幾來由消防員帶回地下，等到7:30才返到 ...
Koala Bear 發表於 2011-11-30 14:27

請問一下, 上天台係米推開防煙門已經可以了? (我係指天台係公用用來走火警用, 不會上鎖又或者唔係人地複式單位來?)
因為都只知係可以向下走, 但今次火係我下層, 可能向上走比較好走. 我見大煙同樓下好遠起火, 因此沒走到.

又如果要走, 一定要拿門匙 (比手提電話/電筒/毛巾/ID/$$ 更重要), 因為萬一走不出去, 你可以退回家不用被困樓梯. 毛巾反而次要(忘了拿也一時死不了的) - 大家都有衣服穿嘛, 拿衣服頂上吧.

作者: grassman 時間: 2011-11-30 18:48:05

好彩無死人，不幸中的大幸！

作者: Koala Bear 時間: 2011-11-30 19:20:14

回復 12# kk-in-hk

我上到去係就咁推門，已有約10人在，業主當時係到，唔知之前有無上鎖﹗不過應該唔可以上鎖，否則可能違例。
另個火警鐘真係細聲，如果時夏天開房冷氣，更加聽唔到﹗此點希望管業處盡快跟進。
另好彩RC有一班守望相助的好鄰居，希望大家遇有危難(TOUCH WOOD，大家高時好運)，可以好似我的鄰居及天台業主一樣，簡單拍一下左右隔離門，申出援手收留須幫助之人，真係可以救到人命﹗
我一家都好感激﹗

作者: mailinf 時間: 2011-11-30 20:56:39

我地都係4X樓,個警鐘好大聲喎! 但我地就無關房門瞓,聽到唔係好大聲,但出到門口開左門就好大聲喇!
捱出近F,G單位的門時,以好大煙,有燒焦味,有其他隣居出來,都話要走,於是再推A,B單位的防煙門,已經見到有主戶行緊上天台,佢地仲提我地帶條濕毛巾,見到有位好熱心的住客,四處叫隣居走,同提供資料話32樓有起火,好多謝佢,見佢行動不便都咁熱心,我感激! 仲要多謝50A天台的業主夫婦,開門俾我地避煙,仲搬一大堆櫈招呼我地! 走左,仲要佢執手尾,真係唔好意思!

消防員5:30上到天台通知我地,火已救息,現等煙散走,才可回家,又先帶走有小朋友的家庭乘電梯到平台,我地係最後走,我主動問消防員可唔可俾我翻屋企,唔落平台,因為已經差不多6點,佢話等佢陪我地去我地的樓層檢查一下,佢出電梯後,見無煙就準許我地回家,否則我地又要排隊等LIFT上翻去

多謝各位熱心街坊! 以後都要互相幫助!

作者: grassman 時間: 2011-12-1 22:22:18

這裏也是個好平台,否則乜事都唔知。

作者: siukwai 時間: 2011-12-2 23:22:40

我想請問, 我住4X樓的, 係咪若於我下層的樓層發生火警, 我都應該走上天台? 究竟天台係咪會上鎖O既呢? 萬一我地冇咁好彩, 50/F天台業主出左街, 係咪就冇人開門入唔到去架? 還是天台都有公家地方?

作者: FireFire 時間: 2011-12-3 21:31:43

其實唔一定走就安全~如果樓下起火,一定要走就要向上走~
另外天台係唔可以上鎖O既~
我見RC每邊都有2道防煙門~每道防煙門可抗火30分鐘~所以RC都算安全架啦~

作者: KCs 時間: 2011-12-6 18:09:00

管業處今日下午二時三十分按排了一次火警鐘測試，
我分別在家中不同地方及情況聽警鐘聲音，

1. 打開屋大門: 好響，肯定鐘聲來自本層某處。
2. 在廳中而關閉屋大門: 正常
3. 在房中關閉屋大門及房門: 聲音很細，比我家居的電話聲還細

比較當日我打開屋大門聽到的鐘聲，我的結論是；第一，當晚火警時，本層火警鐘沒有響，
而鐘聲可能是來自發生火警3x/F或其他樓層的警鐘聲。
第二，從某層開動的火警掣，只啟動部分樓層的警鐘，亦有可能在防火層上下的警鐘系統是分隔開，
所以"當火警時，應該每層樓的火警鐘會一齊響"並不正確。
第三，就算你所住的樓層火警鐘有響，只要你關閉房門睡著，你未必會被鐘聲嘈醒，
因為隔了兩度門聽到鐘聲已經減弱了許多。

管業處黃先生會張我的意見，會向工程部反映跟進。

作者: grassman 時間: 2011-12-7 00:52:52

以前經常有人投訴隔聲差,宜家又...

作者: 一家四口 時間: 2011-12-7 10:26:31

以前經常有人投訴隔聲差,宜家又...
grassman 發表於 2011-12-7 00:52

真係幾茅盾....

其實平時好間唔中都有聽到alarm響, 唔知係壞LIFT響定係走火警個警鐘響, 咁喺屋入面, 就算喺房 (一般都冇閂門), 都唔覺佢好細聲丫。

歡迎光臨藍澄灣業主社群 (http://rcrest.bzone.com.hk/discuz/)