藍澄灣業主社群

標題: 藍澄灣養狗問題 [打印本頁]
作者: 徽少    時間: 2010-6-5 20:26:03     標題: 藍澄灣養狗問題

大家好!!本人今天剛到藍澄灣睇樓, 太太同我都幾鍾意依度...

我地本身養開狗, (一隻12歲, 一隻8歲) 今日等lift上樓個睇盤果陣, 我就問個經紀依度比唔比養狗時. 有個看更立即隊左張不准養狗ga通告比我地... 我同太太立即灰左...之後個經紀同我地講其實依度都好多人養狗, 搞到我地依家15/16...
作者: online.eric    時間: 2010-6-5 22:26:15

管理處話唔比養，但我看見好多人養。聽說以前係無話，後來先話唔比，詳情可爬文。
如果你本身有養，問清楚有養的業主先啦(我無養)，管理處實話唔比架！
作者: g0431782    時間: 2010-6-5 22:50:27

其實本屋苑則例是不準飼狗隻的, 有人養不代表可以, 只是那些人不規則, 正如紅燈有很多人過馬路, 問問自己是哪類人
作者: 肥度    時間: 2010-6-6 09:13:40

其實本屋苑沒有明文條例寫明嚴禁養狗的... 要list 都係得一條甚麼animals .... 不能用紅燈黎講...
其實...等如... 你泊車...泊係無黃線....你估呀sir 就吾抄得你咩.... 呀sir 覺你阻街..就可以抄你架啦...
作者: 徽少    時間: 2010-6-6 11:05:11

多謝你們的意見!!
作者: roadx    時間: 2010-6-7 12:05:52

呢度住客麻鬼煩實比人投訴
作者: Tomato    時間: 2010-6-7 13:15:14

我有養狗, 但我勸你唔好搬入0黎...
因為住呢度好痛苦, 我兩隻狗都好痛苦,
呢度根本唔係養狗戶安樂窩,
我一儲夠錢就會搬走,
希望你唔好搬入來令兩隻狗狗受苦!
作者: g0431782    時間: 2010-6-7 21:55:49

本帖最後由 g0431782 於 2010-6-7 22:38 編輯

4# 肥度

C兄,
1."看更立即隊左張不准養狗ga通告比我地";(徽少#1)
2."本屋苑沒有明文條例寫明嚴禁養狗的... 要list 都係得一條甚麼animals"(肥度#4)
,若咁都不清楚,  
唔通要寫:藍澄灣住戶不準在單位內飼養小狗, 大狗, 小貓, 大貓, 大蛇, 小蛇, 大象, 小象.......哈哈

p.s. 紅綠燈過馬路例子是叫人"自律", "自由行"通常都唔睇燈過馬路, 和上小巴不排隊, 身為這裡的住戶都見識過啦!
p.p.s.請做過自律守規的香港人.
p.p.p.s. 其實我都好想飼養小動物.
作者: 肥度    時間: 2010-6-7 23:13:26

g0431782 <-- 吾係想同你爭吵, 因為..有d 怕晒氣...你自己睇啦....

http://hk.myblog.yahoo.com/wmtommylee/article?mid=122

海濱花園公契、養狗、法團
網誌日期：2009-03-31 12:19

最近在一個討論區中的“荃灣海濱花園住戶專區”，有該屋苑住戶發表了些有關在該屋苑養狗和法團的事宜，趁機會在這裡說一下我的意見。

首先，是有無法團的問題。海濱花園現時在沒有法團的情況下，物業管理公司是在法理上的屋苑管理人，是大廈公契指定委任的管理人（一般稱為DMC Manager），業主委員會只是作諮詢的橋樑。（縱使如此，所謂的專業管理人，有沒有啜痔吻靴式的聽命於業主委員會來管理屋苑，這是另話。）如果業主立案法團成立，那麼法團就是法理上的屋苑管理人，在這情況下，物業管理公司，若有委聘的話，只是代理人的角式。

法團成立後，屋苑所有的位業主，都是法團的成員，並非只是來來去去那十幾個每月都閞會的成員，他們是法團的管理委員會，是大家投票選出來的，所以一有機會，就不要錯過參選或投票的機會。法團是可自由選擇物業管理公司來做代理人，這是為什麼每當一個屋苑有業主話要成立法團時，專業的物業管理公司都把廉恥、道德等通通放下，無所不用其極，誓要破壞法團的成立。（相反地，最夠guts的，只有太古地產，嚴正聲明：你一成立了法團，我就唔做管理人。）

但無論如何，DMC Manager也好，法團也好，都是要遵循大廈公契已經訂明的條文。法團，對於公契所訂明是否可以養狗的條文是不可改變的。

我很懷疑，海濱花園的公契是否真係寫死不准養狗？以與海濱花園同屬荃灣區的韻濤居為例，它的公契在飼養“動物”的條文是：“No dogs, cats or pets or other animals or live poultry shall be kept or harboured in any Unit or any part thereof save and except with the prior written consent of the Manager”。即是說，除非得到經理人的書面同意，魚都是不可以養的。和鯉景灣的公契相對下，韻濤居的條文比較隱晦。雖然這公契沒有像鯉景灣，列明經理人有權責去 grant或withhold書面同意，但當養魚、養雀、養兔子或養倉鼠的申請人，在取得經理人的書面同意時，經理人無理由無條件給你養的，亦即隱含在有條件下，是可以養狗、養猫或其他寵物或動物的。

所以，海濱花園的情況，首要清楚海濱花園的公契，有關的條文是怎樣寫的，我有理由相信，有關的條文斷不會是：No dog is allowed。其實，很多屋苑的大廈公契對於飼養寵物的處理，不是模稜兩可，就是有很大的灰色地帶。

根深蒂固地以為公契是一刀切的寫明一概不得養狗的，都是人云亦云的傳說。
作者: wicyh    時間: 2010-6-8 13:10:40

關於海濱公契問題是這樣寫的:

Section VII
B.
CONTROL OF ADVERTISING AND PROJECTION, AND CERTAIN

GENERAL PROVISIONS.
3.
No Owner shall bring onto or keep any dog on any part of the
Estate.

是否即是不可養狗呢?

大家都是service apartment, 為何荃灣三寶可以而RC唔得?
作者: isofisherman    時間: 2010-6-8 14:23:56

我即將要搬入RC, 但而家心情超級郁悶,睇樓時候地產同我講RC好多人養狗,須然有規定不準養寵物,只要唔嘈到人就沒問題,我現時買入的單位亦有養狗狗,所以我就好放心咁買入,但系加入藍澄灣業主社群網後,發覺養狗的問題多多,好似做左D十惡不赦的事一樣,我兩隻狗狗就如系我家人一樣,我唔想同佢地分開,請各位沒養狗的RC業主多多體諒,共建一個和諧的屋苑.
作者: g0431782    時間: 2010-6-8 16:08:15

本帖最後由 g0431782 於 2010-6-8 16:15 編輯

真該講多無謂, 自己用眼睇
這條文(10# wicyh) 說得清楚非常, 真的假不了, 爭吵也無用  謝謝

p.s.樓下搭小巴, 公契沒有寫明要排隊先可以上車, 我"有理由相信"可以不用排隊也可要上車的, 這存在極大的"灰色地帶"---(純粹笑話, 請勿對號入座)
作者: wicyh    時間: 2010-6-8 16:48:14

關於海濱公契問題是這樣寫的:

Section VII
B.
CONTROL OF ADVERTISING AND PROJECTION, AND CERTAIN

GENERAL PROVISIONS.

3.
No Owner shall bring onto or keep any dog on any part of the
Estate.

是否即 ...
wicyh 發表於 2010-6-8 13:10


如果唔係海濱owner即是可以啦
作者: g0431782    時間: 2010-6-8 18:53:52

如果唔係海濱owner即是可以啦,--->
應該係, 管業處出信是給業主, 不是給租客, 真鄧個業主可憐, 遇人不淑.

p.s. 灰色　Ha　Ha　Ha　Ha　Ha　Ah　Ha...      再也不想詐不知 (歌名: 灰色, 演唱: 林憶蓮)
        這首歌幾好聽架
作者: 肥度    時間: 2010-6-8 22:19:48

g0431782 <-- 你可以試下吾好排隊沖上小巴...

我吾知香港法例有無寫住一定要排...可能d人係入面企係度睇戲...抖涼...又或者係避雨... 你咪當其他人吾係人囉... 呢個世界得你一個... 沖上車啦...
作者: g0431782    時間: 2010-6-8 22:35:23

本帖最後由 g0431782 於 2010-6-8 22:53 編輯

p.s.樓下搭小巴, 公契沒有寫明要排隊先可以上車, 我"有理由相信"可以不用排隊也可要上車的, 這存在極大的"灰色地帶"---(純粹笑話,請勿對號入座)
p.p.s. 海X花園例子又一失敗, 真可憐
p.p.p.s"我唔知.....你咪當....係...."這句式真的很有問題
示例一:我吾知香港法例有無寫住一定要排...可能d人係入面企係度睇戲...抖涼...又或者係避雨... 你咪當其他人吾係人囉...
示例二:我吾知你是不是傻佬, 你咪當自己係傻佬囉....
p.p.p.p.s道理講不通, 就發爛渣, 咁仲成世界
作者: lokyee    時間: 2010-6-9 00:44:52

g0431782:
你好!其實我真係想問你係唔係前世同狗有仇?

講真,依家哩度已經咁多人養緊狗,
我明係有無公德心既狗主
但係可唔可以放其他好狗主一條生路?

你都識講在搭車問題上有灰色地帶
咁難道養狗一事上就沒有灰色地帶?

其實法律都不外乎人情,
你俾個官去判都好多時會考慮行使酌情權,
香港都曾經有位年近九旬的既老伯
俾漁農署充公左隻猴子,
告到上法庭,最後個官都決定發還俾o個位老伯
養一隻猴子都可以咁樣行使酌情權,
何況狗主們要求既只係養一隻佢地視為親人既小狗?

公契寫明唔準養狗,
我認為係可以俾人用條約去投訴一d唔自律既狗主,
畢竟o係其他話明可以養狗既地方,
管理處只可以警告唔自律既狗主,
而反之有講明唔可以養既就可以引用公契作更進一步既行動,
但係面對一d自律既狗主,
大家可唔可以以和為貴,
不必做到見狗如見鬼,
立刻投訴務求將一隻一隻可愛既小狗遷離哩個社區?
作者: Tomato    時間: 2010-6-9 16:34:44

之前有鄰居睇過公契, 公契英文版本係咁寫:
Sailent Point of the Deed of Mutual Convenant第5(c)段:
Not to keep or bring any animal onto the Development
except with the manager's permission or as permitted
by the Development Rules.

呢D就係叫灰色地帶啦......如果有一日我地個屋苑養動物戶多過非養動物戶,
我地要求經理比我地養動物, 經理准許之下, 咁我地都可以養0架!
不過各位鄰居算啦....同D無養狗GE人講幾多都係浪費時間,
因為佢地唔明白我地對待狗狗就如同家人一樣,
我地個個如果有錢都想搬啦......你估好中意同D對狗有惡意GE人做鄰居咩!
我自己對住呢度已由極度喜愛變為極度失望,
就算我的狗狗如何乖巧, 如何聽話, 都會有D人為憎恨而憎恨, 而卑視我D狗狗,
好多人正義凜然咁話公契唔養得狗, 話我地道理講不通就發爛渣....
換個角度睇, 彼此彼此啦........
作者: g0431782    時間: 2010-6-9 18:45:30

本帖最後由 g0431782 於 2010-6-9 19:28 編輯

17# lokyee

有關你的說話, 我有以下回應:
1. 問:你好!其實我真係想問你係唔係前世同狗有仇?
    答:你好, 其實我都唔知我前世同狗有沒有仇, 但咁世就一定無

2.  問:法律都不外乎人情?

   答:我想也是, 但執法的人又不是我, 你應讓跟管業處講, 若有人咁唔好彩上到法庭, 也可以
       直接同個官講 尼番說話:老伯養一隻猴子都可以咁樣行使酌情權,何況狗主們要求既只
       係養一隻佢地視為親人既小狗?法官大人, 法律都不外乎人情......................

3.  問:公契寫明唔準養狗,我'認為''係可以俾人用條約去投訴一d唔自律既狗主?
     
    答:原來是這樣解讀的, 我真的不知道公契寫明唔準養狗的真正原因是:俾人用條約去投訴一
          d唔自律既狗主, 我''認為''你一定有份參予起草工作, 衰鬼,你咁清楚既


4. 問:大家可唔可以以和為貴?


  答:正因為想這樣, 才想把事情說清楚. 新來者''徽少''(#1帖子)和''isofisherman"(#11帖子)未入住都識先問清這裡的契約, 避免日後發生不愉快事, 更不想愛犬生活如過街老鼠般, 若地產經紀含糊其事, 開左張單先算, 對新來者極之不公, 想不到這裡部分人也一樣含糊其事, 若以後的新來者不像以上兩位般, 懂事事問清楚, 日後發事固時, 恐難以和為貴, 新來者的行為極之價得尊重.


作者: g0431782    時間: 2010-6-9 19:08:33

本帖最後由 g0431782 於 2010-6-9 19:56 編輯

18# Tomato


1. 答:唔知d人是否理解能力有問題呢, 明明是黑色, 又話灰色, (第5(c)段)明明寫得清清楚楚, 又話睇唔明.
蕃茄說:(如果有一日我地個屋苑養動物戶多過非養動物戶)-->成日如果點...如果點.........如果你是一個理解能力出現問題的人, 就真係不應該做版主囉!  如果...............
咁點解你唔寫封信比經理, 你怕...............
不過各位鄰居算啦....同D我唔知佢有沒有養狗GE, 但理解能力肯定出現問題的人講幾多都係浪費時間.

2. 蕃茄說:我地對待狗狗就如同家人一樣.
    答:原來你咁樣對待家人架: 1.不能帶牠名正言順地出入大堂,2. 不能帶牠在屋苑範圍內光
  名正大的散步, 閒逛. 3. 終日留牠在家裡這細小的空間活動.4. 就算牠如何乖巧, 如何聽話, 都
  會有D人為憎恨而憎恨, 而卑視牠. 5. 讓牠住在一個色彩是灰色的地帶
   
  ３. 你成段野只有這句說得最啱聽: 換個角度睇, 彼此彼此啦........
     答: 換個角度睇, 其實你真係xxxx.....xxx..................


p.s. 我有個朋友, 她是這樣對等待''家人''的:
她的''家人''就比你''家人''幸福得多, 雖然住的不是私樓, 屋是租來的, 但那裡講明''家人''可隨處活動,  牠生活在一個色彩繽紛的地帶, 終日不用閃閃縮縮出入大堂, 閒時朋友會帶''家人''到樓下休憩處和其他人的''家人''吹水, 交流飼養心得, 朋友才是真正愛鍚''家人''的人。
朋友還說若真的對''家人''好, 是要作出犧牲的, 她賣了樓, 搬往距離工作點較遠的地方居住等等...就是因為她這番話..............
     
作者: 肥度    時間: 2010-6-9 19:43:01

g0431782 <--- 你吾好係人地未同你發爛渣 , 你就先係度發完爛渣,再話人地發爛渣 ... 我真係俾你攪到以為自己係傻...

我真係吾知你係咪正常.. or .. 你真係食飽飯無野做...or...一個人太寂寞係度搵交鬧...又可能壓力太大...鍾意搵d小動物黎出氣... 所以不停針對緊d狗仔....

如果隻狗對你吠...你就憎...覺得佢鬧你既話...恭喜你... 你聽得明佢鬧你..因為連我都聽吾明佢點解吠你...

但我都好欣賞你...你知道我地同你溝通係幾辛苦...
"不過各位鄰居算啦....但理解能力肯定出現問題的人講幾多都係浪費時間."

吾知你係吾識英文定...但你又知tomato解"蕃茄"...但又吾明人地英文寫乜咁... 吾明你都可以睇下美孚單case ... 法庭點判...
"法官於判詞續指，大廈公契第一條已列明住戶可全權享有及使用所住的單位，包括在單位內飼養寵物，以及自由進出公共地方。養狗一定要帶牠外出散步，養狗住戶故亦有權帶狗外出。另大廈公契雖列明管理公司有權制訂《住戶守則》，惟本案中禁止養狗的規則，與上述第一條賦予的權利有所牴觸。法官裁定狗主勝訴。"

我地吾去信要求管理公司去 remove 個notice ... 係因為都想警惕一下其他養狗既人...要有公德心...吾代表我地認同呢度係吾養得狗....
作者: g0431782    時間: 2010-6-9 21:13:13

本帖最後由 g0431782 於 2010-6-9 22:13 編輯

21# 肥度

1. 肥度-->(我真係俾你攪到以為自己係傻)...啦啦....你話自己傻炸.....
2.肥度-->(我真係吾知你係咪正常.. or .. 你真係食飽飯無野做...or...一個人太寂寞係度搵交鬧...又可能壓力太大...鍾意吾清吾楚, 胡亂用其他地方作示例, 屋園不一樣, case不一樣, 混為一談....搵D想搞清楚事件的人黎出氣... 所以不停針對佢地....)
3. 海X例子衰左(wichy, #10), 又有美X例子, 仲有沒有呀! 可不可用藍澄灣作示例呀! 唔該
4. 這句子真有趣:
示範一:我地吾去信要求管理公司去 remove 個notice ... 係因為都想(究竟邊個的想法呀?!)警惕一下其他養狗既人...要有公德心...吾代表我地認同呢度係吾養得狗....
示範二:小明買野吾比錢, 係因為想測試下個防盜系統, 吾代表佢神經有問題
5. 強烈強烈強烈要求你去信, 無謂大家估估下,
作者: lokyee    時間: 2010-6-9 22:54:12

!g0431782鬧交鬧到你咁無品,
只係針對人地某幾句既說話黎講野,
我覺得已經無必要再o係哩度同你爭辯落去,

法律上既野你跟本一曉不通就請唔好扮曉了,
你回答我的問題上提到打官司時會舉猴子既例子,
哩D叫做先例,在法律上係的確可以引用此等例子作為辯護的

不過算了,
其實大家層次上有差別,
繼續下去亦不會得出甚麼
肥度,tomato,我地都係唔好同D無文化既人爭辯落去,
由佢自己困在那個只有自己的世界中吧
佢希望o係網絡世界上尋回一點自尊就由他吧

P.S.其實睇g0431782你既回覆可見你理解能力同埋辯論能力,
真係達唔到合格既水平,
我建議你去進修下
免得你在現實生活中被人取笑
而且P.S係無得P.P.S的,更別提PS必然是大階了,
希望你下次注意一下不要再出醜了
作者: Tomato    時間: 2010-6-9 23:43:19

g0431782 先生/小姐.....我回應埋你呢次....
1. 我成日"如果", 係咁又點呀???我無寫信比經理, 你又知?莫非你就係經理??
2. 我係咁對我D家人0架, 點0Y!我自問對佢地好好, 只係住呢個問題, 因為唔係一時三刻可以解決到,但係唔等於我無努力 ......我而家默話搵緊錢搬LOR, 你以為賣樓買樓好似買棵菜咁易, 同你好熟咩, 你又知我無搵樓??
3. 你呢句說話: "換個角度睇, 其實你真係xxxx.....xxx.................."你D"XXXXXX" 係乜意思????
我唔想做版主好耐, 不如比你做啦, 你講道理, 又正義, 又對D條例咁熟.....我地當初話開呢個版, 係為左比D有養動物GE鄰居聯誼之嘛, 我咁蠢, 又咁XXXXX, 真係唔適合做版主, 咁你快D做啦....事不疑遲, 快D快D.....
你唔駛回應我0架, 我發爛渣之嘛.....BYE BYE~
作者: diedsee    時間: 2010-6-10 01:16:53

純粹路過, 不喜隨便插...
我想講"except with the manager's permission"呢句就係灰色地帶, 咩係"manager's permission", 公契冇 define 到
我想講"狗狗不能帶牠名正言順地出入大堂"...... 係狗主自律唔出入L5, 不過有狗狗光明正大咁出入大堂, 係你未見過遮...
我想講"狗狗不能帶牠在屋苑範圍內光名正大的散步"......  我成日都見L1有人光名正大拖狗狗的散步, 閒逛, 難道L1係公家路gei???
我想講"狗狗終日留在家裡這細小的空間活動"..... 或者有狗狗係咁, 但多唔我唔知多lor, 反正人都係住嚮呢個細小的空間活動遮
我想講"狗狗就算如何乖巧, 如何聽話, 都會有D人為憎恨而憎恨, 而卑視牠"...... 車, 我都會為憎恨而憎恨某d鄰居, even 家人, so what!
我想講"狗狗住在一個色彩是灰色的地帶"...... 灰色都係色遮, 狗狗都冇投訴住係灰色世界

p.s. 我係曾經去信滾你處 discuss 呢個養狗 topic 的住客, 但... 只收過滾你處話會盡快回覆我提問的 reply, 之後1年又1年, 咩offical reply 都未收過, 無奈中.....
作者: Jeffrey Shirley    時間: 2010-6-10 12:50:42

我都係路過。
其實g0431782 都無需要講咁多，因為養動物既鄰居真係頂吾順管理處，最後都會走，你又何需係到將件吾清晰既事擴大呢！而且你發覺有問題，你都可以直接去管理處講，吾洗同 D 同你無關既鄰居講，佢地都幫你吾到。
e.g. 過馬路有人／車 "好似" 沖紅燈，你可以點？你同警察講就可以，你同其他行人講黎做乜？！
作者: 公公婆婆    時間: 2010-9-20 22:35:27

有養就唔好搬入黎喇！
會不斷俾人投訴、俾人歧視、俾人鬧........
所以......我已經同愛犬搬走左一年....
雖然好掛住哩度個環境
作者: kwcha333    時間: 2022-10-7 14:44:36

本帖最後由 kwcha333 於 2022-11-18 16:02 編輯

依家都好多屋苑都比養









在坊間已經有很多不同的按揭計劃以協助廣大市民置業, 大家亦都不妨付出多一點時間去了解,
當中置業可能並不是你想像中的難, 給自己一個了解
逆按機會吧。



歡迎光臨 藍澄灣業主社群 (http://rcrest.bzone.com.hk/discuz/) Powered by Discuz! X2