藍澄灣業主社群

標題: 有問題想問下... [打印本頁]

作者: kiki1983 時間: 2010-1-18 10:20:44 標題: 有問題想問下...

我最近忙睇樓, 都知道近期既樓市都幾高水(雖然未有97個陣咁誇), 而家入手係有D貴既...但好明顯之後都唔會再跌價...都係呢個水位架喇~
咁都睇過下荃灣區, 平均$3800/呎 - $4200/呎....實在係太貴!!!!!!!!!!!!!!!!

其實一早係想青衣區, 因為基本上未婚夫成個FAMILY都係住青衣唔同位置....所以係首選!
佢就鐘意海欣...但呎價都唔係太接受到....話晒都10年樓....美景花園都有睇, 但呎價同樓齡.......=.=
最後無意間留意到藍澄灣~~先諗起其實位置都方便, 樓齡同呎價都係比同區好~~所以都好可能全力搵藍澄盤~~
好喇~問題黎喇....
1)我唔考慮900呎以上既單位, 其實邊一座會好D?邊一隻單位既坐向係比較靜D???
2)幾多樓以上先會過左酒店高度??
3)荃灣返工, 有無咩最方便出入既方法???
4)管理費大約幾多錢??
5)有無D常見問題?例如水喉, 牆身問題
6)下星期會睇下樓, 想知有咩要留意多D~
7)我有D奇怪, 藍澄既呎價都幾平, 大家覺得原因係咩呢~(話晒樓齡7年, 都方便....都平得有D奇怪~)

各位唔好意思, 因為都好忙, 未有時間睇舊POST...可能有D問題係重覆左....希望大家可以幫下我啦~~~

作者: JAT 時間: 2010-1-18 11:22:44

)我唔考慮900呎以上既單位, 其實邊一座會好D?邊一隻單位既坐向係比較靜D???
如果你買683呎, F室比較好, 好開揚
2)幾多樓以上先會過左酒店高度?? 42樓, 但係如果你買F室底過42樓都唔會比酒店block住...
3)荃灣返工, 有無咩最方便出入既方法???有BUS去荃灣
4)管理費大約幾多錢?? $1.3一呎
5)有無D常見問題?例如水喉, 牆身問題 - 我住咗3個月咋, 無問題
6)下星期會睇下樓, 想知有咩要留意多D~ 都係基本留意既野啦, 我之前睇樓時都睇咗十間八間, 無一間有牆身問題
7)我有D奇怪, 藍澄既呎價都幾平, 大家覺得原因係咩呢~(話晒樓齡7年, 都方便....都平得有D奇怪~) - 我估佢因為係叫做近貨碼頭啦..但係其實又無乜噪音喎..

作者: 彥彥 時間: 2010-1-18 11:49:27

不如等我試下答下你d問題啦....如果有遲，希望其他人可以補充下...
唔計大單位, 單位景觀向大致上係向海(43樓或以上,A,B,C,H 單位)，面壁(43樓以下,A,B,C,H 單位)及向山F同G單位。全部都係6百幾呎兩房。
返荃灣兩架巴士43同243M大約半個鐘到荃灣
管理費每呎$1.3
大問題就真係無乜.....當然視乎個別單位情況啦.....不過如果單位住過,你唔多唔少預筆錢做裝修啦...油下油咁...點都要啊
樓價平...我諗真係比面壁單位拖平啦....因為真係好面壁...完全無野好睇...到你睇完樓就明...不過面壁依家都過2百萬...唔平了.....至於第幾座比較好....我諗第5座同第1座好少少較,因為無咁近隔離果座(我指,B,C,單位)....如果向山就無乜所謂, 不過向山單位係向北囉, 冬天係會凍少少。
仲有大部份住酒店的都係大陸人，雖然對住客影響不大，但相信都係樓價平的一個原因，當然對日常生活無乜影響，不用擔心。
雖然藍澄灣唔算非常好，但都唔錯，有小巴到葵芳及青衣城，買野幾方便，出出面又有其他巴士，都唔錯。當然無得同地鐵上蓋單位比啦。但如果你睇過4小龍, 你會發覺藍澄灣個則都真係幾好，窗台不算太寬(24吋..正常寬度)但夠曬長(6呎多少少，我就做左張床上去了)。

作者: unicorn 時間: 2010-1-18 17:49:33

7)我有D奇怪, 藍澄既呎價都幾平, 大家覺得原因係咩呢~(話晒樓齡7年, 都方便....都平得有D奇怪~)

因為世界上有種叫agent 有種叫全職打手
任何人上discuss問親"rc好唔好"就一定有人reply 2003年一周刊唱衰rc戈段鱔禾高
不過唔覺唔覺都"間中住" 左7年啦
我未試過有一晚唔係"針跌落地聽唔到"
that means rc 開晒window都好寧靜

whereas 份 "一周刊唱衰rc戈段鱔禾高" 同頂頂大名既"專業測量c" xx南口係x線電視話rc嘈到痴線
and 有成70分貝

你信呢d 鱔禾高同 "專業測量c" 咪米買lor
我地呢批人都係窮人
買戈時一手價平過居屋
但有晒雲石大堂同泳池呃得下女人可以娶老婆就算
有本事早去左住太古城啦

btw呢度個積大部份683尺
好夠住
去葵芳玩都幾方便
我細時係葵芳友所以呢度仲好住過海欣

作者: 一家四口 時間: 2010-1-18 19:11:24

7)我有D奇怪, 藍澄既呎價都幾平, 大家覺得原因係咩呢~(話晒樓齡7年, 都方便....都平得有D奇怪~) -- 我同意

因為世界上有種叫agent 有種叫全職打手
任何人上discuss問親"rc好唔好"就一定有人reply 2003年一周刊唱衰rc戈段鱔禾 ...
unicorn 發表於 2010-1-18 17:49

同埋D人成日話RC自由行多, 但借問那些人, 而家香港邊度冇自由行呢? 基本D自由行已經成街都係, 唔只RC有啦。

以本人喺RC住左幾年嚟講, 覺得以RC咁既呎價, 有咁既環境, 已算很好, 要彈既, 我只會彈RC既隔音問題, 致於外來既問題, 有"街外人"話條新橋有嘈音, 我唔覺佢嘈 (我住一座高層), 貨柜碼頭既所謂燈光好光, 我亦唔覺, 總括嚟講, RC一定比葵芳靜 (我之前都係由葵芳搬入嚟既)。

作者: kiki1983 時間: 2010-1-19 17:08:20

多謝大家意見~
其實雖然我未睇過現樓, 但我係對藍澄好有好感~~~
我都奇怪好多人一聽到我鐘意藍澄...佢地第一個反應...."下~~~廁所無窗喎~~~間屋又好焗喎~~"
我成日都覺得廁所無窗, 問題唔大....我自己住過幾個屋廁所有窗都無乜開過....所以根本唔係問題~

另外D人成日話好多自由行, 我同未婚夫都覺得周圍都有人啦, 又唔會成日去CLUB HOUSE附近買野, 影響唔大~~

我同未來老公都無諗過葵芳, 因為都知道會比較嘈, 我一嘈就會心情好差~~XDDDD所以我特別愛藍澄~

我都係留意緊683呢隻呎數, 但我好怕望酒店, 因為都會幾有壓迫感~~~(BTW, 住望酒店既老友, 平日會唔會有陽光入到屋??)我會PERFER望後面山個邊.....但我未來老公話..."咁咪睇唔到泳池?!有靚女游水架喎~~"XDDD

所以我都係要去睇下望邊個方向好D......而且我都幾緊張個坐向....
如果要OVER 42樓先過左HOTEL, 咁都無辦法喇~

有時覺得D人反感藍澄, 但佢地又講唔出一個屋苑係有藍澄既價錢, 地點同環境~~好似各位咁講, 係大把水既, 一早搵對面海住啦~~~

作者: grassman 時間: 2010-1-19 23:23:17

同埋D人成日話RC自由行多, 但借問那些人, 而家香港邊度冇自由行呢? 基本D自由行已經成街都係, 唔只RC有啦。

以本人喺RC住左幾年嚟講, 覺得以RC咁既呎價, 有咁既環境, 已算很好, 要彈既, 我只會彈RC既隔音問題, 致 ...
一家四口發表於 2010-1-18 19:11

I like your Flat. Will you sell to me?

作者: Tomato 時間: 2010-1-20 00:03:49

RCge好, 上面鄰居已經講晒, 你問邊座好d, 我緊係話5座啦, 因為我住5座....除此之外, 我覺得3座都唔錯!
唔好ge好似一家四口咁講, 隔音勁差, 上面唔好彩住著個中意訂野落地, 或者中意0向屋企跑步ge人, 都真係嘈到想死!隔離屋大聲d講野我又聽到, 你忍受到就得~
自由行最多GE時段係朝早8-9點, 爭小巴坐, 你要練定普通話, 因為佢地係遊客, 有時唔識路都會問0下我地!!夜晚7點左右樓下商場係自由行返酒店同買野黃金時間, 好多人......其餘時間係無乜自由行0架!個泳池都係一樣, D人成日好驚要同自由行share用泳池, 其實自由行0黎香港都係想shopping, 所以泳池開放時間多數佢地去晒shopping啦!!
04年住到而家, 好舒服, 係因為我養狗狗先成日打算走0者....

作者: 一家四口 時間: 2010-1-21 08:43:41

I like your Flat. Will you sell to me?
grassman 發表於 2010-1-19 23:23

你入伙先過我架喎, 果時冇得簡我果隻單位咩? 而且, 你果個同我果個都相差無幾o者 !

作者: 彥彥 時間: 2010-1-21 12:23:53

隔音差.....我又唔係好覺啊...可能我樓上那家人比較斯文，而鄰居又平靜啦....不過當然如果企係門口位，係會聽到走廊出面d聲啦......不過我屋企本身已經嘈...因為我個仔成日玩..所以習慣了，好彩樓下沒有投訴過.....
如果你係想買山景...我個人建議你買第6座因為多一隻窗係主人房.....你睇樓時留意下你就明......如果買海景..就一樣...買第1座好d....一樣多一隻窗.........如果你打算裝修成全開放式...你就會明白分別會幾大。
另外1、6座係單邊....有d單位係完全望唔到其他單位，私穩高d....係廳唔會比人望到你做乜

作者: grassman 時間: 2010-1-21 21:59:51

Yes, Tower 1 is very good! 望唔到其他單位!

作者: 我係小忌廉 時間: 2010-1-25 23:46:58

我住3住F單位架, 企係窗台就會睇到個泳池架啦, 如果俾我選擇買2房, 都係F單位好D, 其實冬天我又唔覺得向西北特別冬, 可能我以前住屯門, 比起青衣暖左幾度啦....

作者: 彥彥 時間: 2010-1-26 14:13:05

kiki1983

多口問下，你睇樓睇成點??有無心水單位同依家d業主開價貴唔貴啊??

作者: kiki1983 時間: 2010-1-28 17:57:32

尋日睇左3個盤, 價錢呢.....我都唔知算唔算貴左....
但唔係我心目中既價錢囉...
而且業主企硬, 一蚊都唔肯減....
所以會再搵多D盤睇下先~~~~

我睇左果D盤, 向山, 向內園都睇過...
我覺得望酒店既感覺都唔差, 唔係想像中咁壓迫感....
而且都會知道夜晚返到屋企都好少開窗簾....所以問題不大...最緊要係屋入面既感覺好~~
間隔非常鐘意, 最鐘意683/680呎既SIZE...個廚房大D~
暫時都未感覺到佢好嘈, 好光, 隔音差.....XDDDDD
而且一行到去, 我同未婚夫都覺得好舒服, 保安都幾好...
係真係會有幾多內地人周圍行同出入~但唔覺得問題好大~~~

再有咩問題, 我會再問大家~~~~唔該晒大家!!!!
THANK YOU!!!^.^

作者: 彥彥 時間: 2010-2-1 10:30:30

如果你接受到向酒店的話，應該2百10幾萬應該可以了，如果係低層可能仲好少少，因為有池景添。向山應該依家要2百20萬或以上啦，不過感覺應該開揚好多。不過得3個盤睇....好似少左d........如果有得睇，你不如睇下向海，你應該會更鍾意。

作者: kiki1983 時間: 2010-2-3 09:59:04

試過價, 21X萬係可以既~但自己仲有其他問題KICK住, 可能要過左年之後先決定了....
望海既, 一定會更貴, 我地AFFORD唔起丫~XDDD
我之前睇左一間, 係低層望泳池, 但似乎屋入面太暗....望咩景, 我反而唔太CARE, 因為都唔會好有時間望出去啦~

過左年會再有決定, 到時再同大家講~~~
THX EVERYONE!>.<

作者: unicorn 時間: 2010-2-3 10:35:40

同埋D人成日話RC自由行多, 但借問那些人, 而家香港邊度冇自由行呢? 基本D自由行已經成街都係, 唔只RC有啦。

以本人喺RC住左幾年嚟講, 覺得以RC咁既呎價, 有咁既環境, 已算很好, 要彈既, 我只會彈RC既隔音問題, 致 ...
一家四口發表於 2010-1-18 19:11

我之前都係由葵芳搬入嚟既
yes
呢度對葵芳友係筍盤
對青衣友就唔好啦
因為太過山卡啦

作者: unicorn 時間: 2010-2-3 10:39:35

如果你接受到向酒店的話，應該2百10幾萬應該可以了，如果係低層可能仲好少少，因為有池景添。向山應該依家要2百20萬或以上啦，不過感覺應該開揚好多。不過得3個盤睇....好似少左d........如果有得睇，你不如睇下向海 ...
彥彥發表於 2010-2-1 10:30

向山盤唔係向東南
凍死人
夏天熱死

作者: 一家四口 時間: 2010-2-3 11:03:17

本帖最後由一家四口於 2010-2-3 11:04 編輯

本人住D單位, 一D都唔覺冬天會凍到死人喎, 可能RC既窗閂實左都幾實, D風一D都入唔到掛, 至於夏天, 亦唔會覺得會熱死人, 自問就算間屋向邊個方向, 夏天都會開冷氣, 因此唔覺係一個咩問題, 我就鐘意多D陽光入屋晒下既。

之前我由葵芳搬入嚟RC, 都怕冬天間屋會好凍, 但而家真係唔覺喎, 反而之前住葵芳到冬天時, 唔著拖鞋就凍到跳跳下咁行 (而家同以前都係用地磚), 相反而家就唔洗"跳"添

作者: sylvialai 時間: 2010-2-3 11:20:35

我住1座F室..... 冬天唔凍, 西斜只晒到房, 及廳少少窗台位
有太陽入下屋起碼都可以晒下被, 晒下衫,
起初買西斜樓都怕會熱, 但...其實收得工返屋企, 乜都散晒
本身住大埔區好靜山邊, 都擔心1座下面條橋通車後會好嘈....又冇事喎~
自由人係麻煩, 其實唔係有佢地都未必有百佳, 大家樂係樓下,
如果真係要買, 都會出葵芳, 因為多好多野買

有錢的話, 買兩個細單位唔過五百萬, 跟住打通兩間屋, 成千幾尺...... 得七年樓齢
係香港都冇乜邊到可以找到這個價錢啦....

歡迎光臨藍澄灣業主社群 (http://rcrest.bzone.com.hk/discuz/)