--* 應吾應該開村巴? *--

smallpotato

大家唔好中計啦...買藍澄已經領左和黃一次野...
而家又攪單巴出黎...又掘個坑出黎比我地蹬...唉
以下內容屬個人意見岩睇就睇唔岩當冇睇過

綠van公司方面
88f 唔夠客冇錢賺...物以退為進囉...
佢地將88f 做衰d(班次疏夾唔準仲要兜埋路)...等你地不滿迫你地要自己攪巴...
好...你地有巴呀嘛...咁佢地(綠van公司)物名正言順唔做囉...
cut左條蝕錢留返條賺...利潤物升囉...而且仲贏得一個順民意形象...高招..
(突然之間發現自己好似陶傑d口吻)

管理公司方面
和黃係一間商業公司利字掛帥...
攪巴物又多一個藉口收多d錢囉...(又多左一個可以做數頂目)
又贏得一個爛係關心住客需求形象...又係高招..

居民方面

實際上去青衣城人數真係小d大多數居民一定唔願由管理費補貼(冇用過又要比錢...就好似即將離任網主講"no way")到時巴一定貴過$2.6...

有人會話...貴左冇問題...只要班次夠準夠密唔駛同同胞爭車用...
即使在用者自付原則下開巴...."我願意比"... :nowords:
但係 remind一句...以和黃管理公司效率同表現佢地攪巴...
(自己發揮一下想像力啦不過好肯定會超乎你想像 :yeah: )

唉...算吧啦...各位施主...唔好同自己銀包過唔去...唔好再中奸商計...

建議各位願意負出較多亨用更優質服務鄰居...不如去買架私家車啦...
唔好建議開巴呀...點計都係住客蝕...
有錢人想比多d都唔好要我呢d窮人陪你一齊比多d...謝謝

P and R

[quote:98da932487="diedsee"]村巴 ge 好處係幫 RC 增值[/quote]

其實村巴真係有對藍澄灣有增值作用至少要有一部.

你想一想如果你打算在青衣買樓去到青衣站/青衣城打算嚟藍澄灣看樓 但是經紀同個客要等成十五分鐘先有車開嚟我哋個邨重要二十分鐘至到邨內. 你話個客怎樣想.

有次星期曰 有幾個看樓人就在青衣城去我哋屋邨等車到車到屋邨要半小時. 個客一路等一路( 小 )個經紀...屯門都到喇.....
之後 個經紀就說 就係要你知道藍澄灣為什麽係新樓都平過全灣啲二十年樓 看完這裡 去青衣碼頭看翠怡海欣. 那裡由青衣站行過去都係十分鐘.

老實說 藍澄灣真係唔錯 比較其它屋邨好 只係交通出入有小小不方便. 至小比愉景新城好. 但是那裡平均都做3700~4000. 只因他們有條橋幫他們增值.
或者我哋可以有一部自己的車 增值屋邨 車費多少反而不重要. 反正大家都是在幫自己絛邨增值. 就算在管理費小小津貼都不算什麼. 大家就當買樓時樓價的一部份.

rstfung

住咁耐，無論繁忙時間定假日，我都未試過這樣的經歷，無論青衣城定RC，通常都是車等人多D，連埋等車15mins內就到了！我覺得都算ok！

唔知其他人之經驗又如何？ :?:

況且我覺得４０萬不是小數目！我一年都賺唔到！ :em01: 而且我亦都未有打算賣樓，升多升小只是脹面數而已，無理由貼管理費比D炒家趁高價賣樓啦 :hit: ．．．．

[quote:295d96aeb4="&R"][quote:295d96aeb4="diedsee"]村巴 ge 好處係幫 RC 增值[/quote]

其實村巴真係有對藍澄灣有增值作用至少要有一部.

你想一想如果你打算在青衣買樓去到青衣站/青衣城打算藍澄灣看樓 但是經紀同個客要等成十五分鐘先有車開我個重要二十分鐘至到內. 你話個客怎樣想.

有次星期曰 有幾個看樓人就在青衣城去我屋等車到車到屋要半小時. 個客一路等一路( 小 )個經紀...屯門都到喇.....
之後 個經紀就說 就係要你知道藍澄灣為什s洮Y新樓都平過全灣二十年樓 看完這裡 去青衣碼頭看翠怡海欣. 那裡由青衣站行過去都係十分鐘.

老實說 藍澄灣真係唔錯 比較其它屋好 只係交通出入有小小不方便. 至小比愉景新城好. 但是那裡平均都做3700~4000. 只因他們有條橋幫他們增值.
或者我可以有一部自己的車 增值屋 車費多少反而不重要. 反正大家都是在幫自己絛增值. 就算在管理費小小津貼都不算什麼. 大家就當買樓時樓價的一部份.[/quote]

AgnesSarah

我平日間唔中都會去青衣城，其實又唔係大家講到咁鬼差，要成半個鐘先到rc，就以昨日為例，我由青衣返rc，一去到車站就有車，上車上唔洗兩三分鐘，架車就開，時係4:16pm，跟住架車就4:25到達rc，雖然唔係點到點，但係都好快，我諗車程約10分鐘都好合理，咁當然多人上落客就有些差別啦。
sarah

dick queenie

我都唔係咁贊成開村巴，88f而家都係比緊hk$2.6，點解仲要貼$ 比多過而家呢 :?: 其實早上繁忙時間啲班次我都覺得ok(我大概8:20am - 8:35am出門口)，當然有時快啲密啲(接住連嚟兩架)，有時耐啲疏啲(等好耐都冇一架)，但我自己都可以接受倒。我覺得住邊度都好，始終好難會有架公共車輛（可能除咗的士）係咁standby等你一落樓就有得撘，如果時常係咁０既話，咁代表你好彩，但同時代表其他人唔係咁好彩，因為人哋要一路係咁等開車．．．

．．．我會傾向同小巴公司爭取改善現有０既服務，譬如小巴司機０既態度（成日講粗口，仲要大聲 :em13: ）、車廂清潔等。班次尚算ｏｋ，當然非繁忙時間班次凖時啲或有時間性會好好多。

不過我會尊重大多數０既意願，明白各有各０既優點好處。相信大家住响同一個屋苑都係想安居樂業啫，冇乜所謂．．．

ｑ． :wink:

Billy

以前88F真係好差.
等15分鐘好平常.
最近都好耐冇搭喇.
所以唔清楚.

dick queenie

我覺得好過之前少少，不過我唔係朝朝搭，都係睇情況．．．

ｑ．

AgnesSarah

[quote:030fe72aca="&R"][quote:030fe72aca="diedsee"]村巴 ge 好處係幫 RC 增值[/quote]


或者我可以有一部自己的車 增值屋 車費多少反而不重要. 反正大家都是在幫自己絛增值. 就算在管理費小小津貼都不算什麼. 大家就當買樓時樓價的一部份.[/quote]

純粹我個人之見，我真係十分之不同意以上的睇法，我係度諗有一部自己的車係咪就可以為屋增值呢?係咪就唔駛考慮其管理的支出使費呢?如果車費唔重要，咁大家乘坐的士也可以啦，駛乜要村巴呢? :
我自己就覺得車費多少是很重要的，因為直接影響使用者生活的開支(交通費)。而管理費津貼方面，何為小小呢? 我覺得要用几十萬一年o既津貼實在太多了，記住羊毛出自羊身上，呢個係一個無底深潭啊! 重有我冇想過個津貼會係買樓時樓價的一部份呢? :em06:
以上純粹個人之見，只係對事不對人，希望P&R唔好見怪，大家記住將自己的意見填在問卷上，並於4月4日前交回。

dick queenie

其實啲管理費剩低會嚟點用呢？（除咗ｃａｒｒｙ　ｆｏｒｗａｒｄ之外） :?: 如果又攞唔返落袋，咁用部份嚟津貼村巴（邊條路線都好，之緊要係令到呢個地方交通更方便就好，冇話要特別要方便邊個先，有時啲嘢要一步步慢慢嚟０既），即平均唔多過ｈｋ＄３ｘｘｘｘ一個月），咁又得唔得呢？？？

ｑ． :mrgreen:

Jeffrey Shirley

據我所知有 D 屋苑，因為管理費有錢剩而減管理費，其實亦係一件好事。
不過吾知哩到，有無哩個機制啦？