搵人講下青衣的歷史...

dick queenie

小弟自少係一個"香港"仔，青衣係咩地方，真係唔知。 :?:
而家番開地圖...只見青衣島周圍好多....化工廠及油庫 :shock: 。
青衣住左人有幾奈架....果D長乜村，長咩村，又有幾多年歷史?....
佢地係唔係第一代既青衣人呀 :em14: ......?咁青衣有冇原區民架?
我上網都找唔到資料??? :em06:

FireFire

我只係知道青衣南橋對落位置以前係安置區...R.C o既位置以前好似係油庫..

yautin1

我以前就係住果個安置區 叫長環安置區 果時青衣得一條橋 叫青衣南橋 單線行車 日日塞車...

Solskjaer

上面長青邨長康邨都有20年歷史較新的有有長安但都有十年以上.

gp

[quote:fb00c53d7d="Mr. & Mrs. FireFire"]我只係知道青衣南橋對落位置以前係安置區...R.C o既位置以前好似係油庫.. [/quote]


全對! 聽聞當年係因為有油庫先起青衣南橋 後來有美景花園之後 d居民就投訴驚油庫唔安全 幾年後油庫被迫搬遷.

當年只有南橋時 真係塞車塞車塞到怕. :em06:
我試過因為大塞車而有三次機會行南橋出葵芳轉車返學. :em05: 至於塞車最大原因就係貨櫃車

後來青衣越住越多人先起北橋 但係塞車情況仍無改善 可以誇張到由南橋塞到北橋 仲塞到葵芳 荃灣至元朗......我好記得o個次 因為我偷懶諗住唔返學走頭三堂 結果因為太塞車而變o左走五堂 至lunch後先返到學校.  :em01:

而家青衣真係好多人住 有好多住宅 我剛搬入o黎時 間屋係可以睇到海及荃灣 而家只有樓景...... :em18:

雖然我好怕塞車 但仍然鍾意住青衣 因為每當你放學放工 坐車經過南橋時吹下海風 成個人都舒服曬 而且青衣o既空氣俾九龍區o既空氣好 樓價又無港島區咁貴 所以住青衣......都幾好呀! :mrgreen:

Roscoe

聽講訓練飛虎隊其中一個task就係要喺青衣南橋跳下去.
但我住咗青衣二十幾年都未見過.
都唔知真定假呢?

dick queenie

[quote:54a718088e="gp"]住青衣.....都幾好呀! :mrgreen:[/quote]

gp....我覺得你講得好有意思...，請說多一點點吧，相信這裡好多人都想
知道更加多青衣的事情。..... :em21:

Tako and Sukie

青衣以前只有南橋成日都塞車所以好多人由青衣碼頭坐船去荃灣碼頭.
以前青衣好少人口所以好好住當時長發長安呀山上D長亨長宏都未有.
我地細個時呀成日踏單車到處玩以前都有單車租.
長發入去船廠入面以前都有人住仲有個沙灘仔.而家變了船廠
我住係青衣15年啦青衣係好地方.

dick queenie

唔好意思呀，我又問一個好白痴既問題。
我響地圖上見唔到一條叫"南橋"的橋。
只見到青荃橋、藍巴勒海峽橋、青衣大橋、汀九橋、青馬大橋。
咁你地講既...."南橋"係邊條呀，佢又由邊度連接邊度架.....

Tako and Sukie

青衣有兩條橋青荃橋叫北橋南橋即係rc隔離果條

遲d好似有條新橋由長沙灣入青衣