大家食大家樂要小心D

kingi

首先我想講我都會幫襯佢,不過係會小心咗即.
點解呢?原因係我識得一兩個藍澄灣入面做緊野既員工,佢地講過幾樣野:
1.同好多間飲食機構一樣,部份廚房員工有索K問題.
2.根據1既延伸,食物處理過程有時都幾唔小心,例如曾經發生飲品既冰變咗搞碎咗既搞拌機蓋.
3.D油唔會日日換(不過都會過濾)
亦都有好野既,就係燒腩係個燒味師傅自己燒,素質有保証.

仲有好多,不過有D關我地事,有D唔關.都係果句,我都依然會落去幫襯,而朋友講緊既所謂問題,據我所知應該大部份快餐都有類似情況.但大家都係小心D好.

grassman

I think most of them as same.  Just we don't know.

wing102

部份廚房員工有索K
terrible

Lucio

耳聽三分假，眼看未為真
手足，麻煩有證據先好ｐｏ上黎啦～

kingi

以我所知,好多快餐店廚房都有類似情況,因此我就算知都會繼續食.
當然,信則有,不信則無.當我吹吓水都無問題.

Lucio

"信則有,不信則無" 此話唔可能就咁輕描淡寫地帶過, 唔係風水學問。
你po得上黎就係想提醒我地藍澄灣既住戶, 去大x樂食野要小心啫~
呢個都係直接影響我地對大x樂食物環境衛生既信心。
一個記者都可以將事實真相倒轉再破壞藝人形象。
所以吹吓水......吹水=老作?
麻煩係呢d case上唔好當吹水咁簡單, 雖然唔會所有網用者都清楚你身份。
但係留言前都要記得三思, 唔係話吹下水就乜都得, 網上言論都係有責任既~

p.s. 我唔係想挑起爭論, 而係議事論事, 明白呢個道理既網友, 我唔再多講。
如果唔明, 歡迎pm我繼續討論。

michaeltsang

呢D 野冇得避嫁喎，樓下得兩間鋪頭，一係過對面美景食囉....

kingi

實在師兄,我都話啦,係識得係入面做緊既人,你要'睇'/'聽'証據,唔通我要叫佢寫個証明話我識佢?又或者叫佢影低俾你睇?
咁我po得上黎,就梗係想去大x樂食野要小心啦.

不過,我亦都強調,其實好多間快餐店都係有類似情況,亦即我話你聽其實好多快餐店都會有小強,咁可以揀唔出街食野,或者好似我咁,食得小心d囉.飲/食有色野,咪搞吓睇吓有無野係入面先,然後再食囉.

咁你話我係老作?咁咪老作囉,我又唔會俾到証據你睇,我相信大家無啦啦去問d職員,佢地又唔會咁豬咁老實答你.

p.s. 我都係議事論事,大家樂我會繼續幫襯,佢執咗我亦唔會有乜著數.大家亦有大家既選擇.至於想繼續討論既,歡迎.

6# Lucio

kingi

wing102 & michaeltsang

其實只要小心d,我又唔覺得太大問題既,如果覺得大問題,可能唔出得街食野了.

Lucio

實在師兄,我都話啦,係識得係入面做緊既人,你要'睇'/'聽'証據,唔通我要叫佢寫個証明話我識佢?又或者叫佢影低俾你睇?
咁我po得上黎,就梗係想去大x樂食野要小心啦.

不過,我亦都強調,其實好多間快餐店都係有類似情況,亦 ...
kingi 發表於 2010-2-17 10:28

依? 咁啱我有朋友都係樓下大X樂做梗喎, 唔知點解佢同我講冇咁既事發生喎。
"可能"佢有心呃我啦, 咁多年朋友, 咁都呃, 真係...
不過如果好似係你所講既係有呢樣問題, 我唯有搵食環處既人黎做個檢查啦。
等我地其他住藍澄既客戶安心d嘛, 唔通連食埋佢地d k粉落肚出左事先算咩。

應該有人會記得KXC垃圾雞事件，
http://www.youtube.com/watch?v=luH6JGb3bdg
相信真係為左香港市民及大眾主持正義任務既人，都會搵到”證據”。
方法係點就唔知啦，因為好多。

我盡下責任留左呢個版既連結俾佢地，仲聯絡埋食物安全中心，
但係唔知到時食環處有需要既話又有咩方法可以聯絡你？
你咪當幫埋我地多次，去了解呢個問題囉，你咁好人，唔會唔幫手既。

p.s. 知道有問題都繼續幫襯，我真係佩服你呀，師弟。