反思區

Tomato

搞到咁複雜 我都唔想生lu!!

我成日都諗
如果諗住好似老一輩ge人咁
諗住生個仔女養兒防老....咁就唔好生
因為由佢出世開始 你已經比左包伏佢。
你養佢 你好辛苦....佢將來養你 佢又好辛苦....
做乜要將呢種包伏延續落去？

如果你話唔知為乜 婚姻到左一個階段就要生孩子
咁如果無仔女 係咪婚姻會終結呢？
有仔女 婚姻就一定長久？
有仔女係咪真係對婚姻有影響？

點解到而家都唔生bb??就係因為仲未搵到一個應該生bb ge理由...
如果只為bb得意而生 無可能啦!!

(個人意見...唔好丙我!!)

Billy

[quote:dd9f3c8da6="Tomato"]搞到咁複雜 我都唔想生lu!!

我成日都諗
如果諗住好似老一輩ge人咁
諗住生個仔女養兒防老....咁就唔好生
因為由佢出世開始 你已經比左包伏佢。
你養佢 你好辛苦....佢將來養你 佢又好辛苦....
做乜要將呢種包伏延續落去？

如果你話唔知為乜 婚姻到左一個階段就要生孩子
咁如果無仔女 係咪婚姻會終結呢？
有仔女 婚姻就一定長久？
有仔女係咪真係對婚姻有影響？

點解到而家都唔生bb??就係因為仲未搵到一個應該生bb ge理由...
如果只為bb得意而生 無可能啦!!

(個人意見...唔好丙我!!)[/quote]

你講得好有道理.
不過如果考慮咁多先去做o既話.
我覺得連婚都唔應該結. :dead:

"如果你話唔知為乜 愛情到左一個階段N要結婚.
咁如果唔結婚 係咪愛情會終結呢？
結左婚 愛情就一定長久？
結婚係咪真係對愛情有影響？
點解到而家都唔結婚??就係因為仲未搵到一個應該結婚ge理由... "

咁如果唔生孩子又點解要結婚呢.

Eddy Lam

[quote:b9add52570="Billy"]不過如果考慮咁多先去做o既話.
我覺得連婚都唔應該結. :dead:

咁如果唔結婚 係咪愛情會終結呢？
結左婚 愛情就一定長久？
結婚係咪真係對愛情有影響？[/quote]

Agree!!! 冇野係百份百o既 所以唔需要考慮太多 順其自然啦!!!

grassman

香港人就是會先計成本、量效益才會向前行的社群！

Tomato

總之要深思熟慮啦 但係就唔好一心諗住要養兒防老
好辛苦0架!!

"咁如果唔生孩子又點解要結婚呢".....因為結婚唔係為生仔lor...哈哈~~

bikbark

見大家講得咁興起 我又搭o下訕先......

我暫時無生bb o既經驗 經歷
只記得早兩年開始 我o既預科亞sir成日襯同佢飲茶時幫我o地"洗腦"
佢話 人一生係有好多個唔同o既階段 要經歷過先係一個完滿o既人生
以佢自己為例 廿幾歲就揀定o左終身職業 然後結婚 生仔
到依家個仔廿幾歲 就等個仔結婚生仔 奏孫......
佢覺得自己o既人生如果經歷過呢d階段就無遺憾.

亞sir講o既道理 唔多唔少都影響o左我
正如以前我一路都覺得無必要結婚or同居
因為我好享受做人o地個女o既角色 拍拖只係多個伴 好似無必要去改變
慢慢開始被亞sir"洗腦"之後 早一兩年就開始諗 或者係時候可以嘗試結婚呢個階段 去做"老婆"o既角色.
其實生命就好似一個循環咁 不斷重複; 又好似一個延續咁 不停伸延落去.

grassman

生命就好似一個循環咁 不斷重複; 又好似一個延續咁 不停伸延落去. :em11:

Jeffrey Shirley

好耐之前已經想講幾句，不過無乜機會。今日就同大家分享一下我既見解：

結婚：對我地而言，係兩個人既事，不過往往有人參與同插手。
　　　有人話結婚要父母同意，事實上你簡另一半時，是否必須是家長同意，我相信這個年代已是沒有。
生兒：基於全都由兩個人決定的話，就要睇兩個人的意向。
　　　如果其中一個有意生小朋友的話，應該都會成事，只是時間及能力問題。
　　　不過相方都不願意的時候，就有好多因素同時影響兩人。
　　　到最後都可能因為一些意外或者言論，令到整個結果都改變。

以我個人而言，養育一個小朋友時，要有一個心理準備，就是兩人的缺點都有可能在小朋友身上找到，甚至比我們更多。這不是一個威嚇，而是一個鼓勵，鼓勵自己改善一下自己的缺點，從而成為下一代的榜樣。

正如之前所講，小朋友是一面鏡子，有什麼學什麼，不理是好是壞，只要是他們喜歡就會想去做 - 就像我們自己一樣 [大家試細想自己是不是這樣！]。

另外亦想多講少少，每個人都對小朋友有所要求，想著每一件事都希望他們得到高分，但記著一點人沒有完美，總有些地方造不來。正如自己不喜歡吃某東西、不懂做某些事、不想去什麼地方，小朋友亦會。你會原諒他嗎！？為何可以原諒自己而不原諒他們呢？再細想自己父母對自己的要求，就等同自己對小朋友的要求，如果對自己寬鬆，但對自己小朋友就嚴謹，是否有點過份呢！用對自己的方法用於小朋友身上，可能有奇蹟出現的，不過寬鬆要適可而止，因為人是有要求的。

總結是：對小朋友基於有要求下學習，加上適量的寬鬆，並使用遊戲及虛榮心來作催化劑，效果會更理想。

H and H

在我黎講 以前我覺得要一個完整既家庭係一定要有小孩 我自己以前都好鍾意細路 但係人越大 壓力大左 負擔又越來越重既時候 就會反問自己 點解仲要養多個 令自己負擔更重?  呢個世界始終都係現實 所有既野都係錢 就算你唔係話要比最好既佢 都始終要向現實低頭.......真係大既唔食細既都要食 佢有病有痛時你比佢更辛苦......

養一個小孩真係唔係咁簡單 要好有心機去教 付出好多先得 責任重大 佢好唔好你都有責任 我又唔想做一個不負責任既人......但係我又唔係完全否定我唔會生 只係暫時仲未有呢個心理質數同準備了

一家四口

我結婚 :
因為係到我老左，起碼仲會有個人喺自己身邊。當你上左年紀，周圍既朋友，兄弟姊妹都結晒婚，唔通自己咁孤獨咩。而父母，正常大多數係會早走過自己，唔可以陪你一世。
(唔好計話會離婚又或者個伴侶會死先個自己果D野，係向做咩要結婚既出發點諗。)

我生仔 :
自己鐘意有自己既小朋友，但我100%唔會希望亦唔會要求到仔女大過晒既時候要佢地養返我，同埋比錢我洗。

因為我老豆話: 老豆養仔，仔只養仔; 唔好比仔女有負擔，自己後生時就要有自己積蓄，準備下退休時用。

我覺得，佢講得好ARM聽!

而基本上，如果我對仔女自己攪得掂，到時唔洗問我攞，我已經好滿足。