辭退系統管理員職務

leemoksau

[quote:d688aa0d70="hales"]
如果個個都好似你而家咁做 就會少好多無謂既不和了
set rule唔係想去管大家邊o的野講得 邊o的唔講得
即係咁...A君有A君正正經經討論民生問題 B君有B君討論
吃喝玩樂 B君睇到A君既TOPIC有吹水GAP位又吹兩咀 呢o的就係
問題所在了 A君無強迫過B君去正經討論同樣地B君都應該唔好
去強迫A君吹水 rules之建立我係想分開大家 想吹水既去吹水區
想正經既去正經既版面 河水不犯井水 你有你正正經經 我有我吃喝玩樂
大家各自有個空間 各自各精彩 大家都唔好強迫大家去跟隨自己
既討論方式 如果人人都可以多做一點點 到有吹水GAP位既時候
將篇文quote過去吹水版繼續吹既話 正常來說應該係可以相安無事...

或者你可能會以為無Rules之前都無乜大風大浪 有rule之後反而
好似氣氛更嚴肅 我只係覺得大家都未習慣將兩種類既文章劃清界線囉
唔知大家有無覺得好多時來來去去都係一些活躍份子在討論 難度你睇唔
到個問題所在? 可能發生在你register來這個forum之前既事唔係咁清楚
active user越來越少 主因係因為太多離題文章 好耐之前就已經有人因為
太多off topic而離開呢個forum 雖然好多人都無再去討論呢樣野 而
一直尋默不語 你可以換個角度睇 我post一個民生問題出黎 7篇followup
之內完全變左講第二樣野 而最初開post所提出既topic由頭到尾
都得唔到答案 7篇打後兩三頁全是吹水文 這樣下去邊個仲會有心機去
討論正經野? 變相就會形成篇篇文都係吹水文 咁樣已經係等同於大家去
強迫一o的只係想正經討論既人去同大家一齊吹水 久而久之仲邊有心機
留係到討論?

rules set出黎唔係真係要黎管住哂大家講既野 可能好多人唔同意
但就算唔同意都好啦 一直以來都係完全沒有秩序可言 我覺得有時
鬧交唔係等於唔好 可能我個人一向有個宗旨係有野就講 我唔係咁鐘意
為了少一句而唔聲. 如果吵鬧內容唔係果o的"你去死~你白痴"之類既
沒水準文章 只要係圍繞件事來講 我唔覺得咁樣會讓人覺得不和氣囉
就算真係不和氣咪不和氣囉 沒有必要去粉飾太平 一人少句只係可以暫時
令個氣氛好o的 心裡面有條刺遲早都係一樣會因為o的少事又嘈過咖喎
反而我覺得討論區欠缺秩序 會令整個forum既可讀性大幅降格囉....

個rules其實唔係好似大家咁諗咁嚴緊既 我情願先小人後君子
有o的版係好嚴肅既 就唔好出黎搞笑囉 何況亦已經有一版係打正旗號
俾大家吹水用呢 而有很多生活休閒 以輕鬆為主既討論區 當然係可以
輕鬆o的 有限度地off topic亦唔會好大問題囉 但太過離天萬仗就緊係唔好啦
我認為大家應該已經懂得怎樣去自律囉 就算少少離題都好 我覺得離題離到
兩個人係到講緊自己野咁 點解唔可以善用一下PM既功能呢? 其實有無
諗過其它人想唔想去睇大家既個人聊天歷程呢? 都係一樣 太過份地
變成私人聊天既話 又會搞到20個follow得頭3個有用 一個版90%文章都係
咁既話 又係只會嚴重響影個版既可讀性囉....

一直以來唔係好似billy講咁 off就俾牌 公証就ok 唔需要理會太多 如
果真係咁好就好啦.....哈~ 其實royhk係講得好岩 要俾既話 好多人都要俾咖喇
你覺得咁既情況 admin點去execute個regulation呢? 我體諒到大家最初
唔係咁習慣 但其實唔習慣還唔習慣 無論如何你都係要去面對 都係要
去接受呢個change囉 我唔認為有需要去改個regulation要大家去習慣
你舊時個模式囉

總而言之 大家自律既話 自己會少好多吵鬧 有時候人應該學會有規有舉
唔可能永遠都係以自己為中心點 必需大家合作才可以維持一個良好既討論氣氛呢

總之 希望大家可以合作o的啦.....
saga係唔會好似我咁成日吵吵鬧鬧咁強硬 真係無人頂admin既話你地咪"蝦佢"
:  :  :  :  :  :[/quote]

其實......我係吹水板開多個topic討論你辭退系統管理員職務係因為......系統公告只有版面管理員才能回覆 :

之前我都經常離題 因為無人解釋個嚴重性俾我知 所以我一路都冇改. 你set個rules我仲以為係因為有人係度爭執 原來真係為咗離題. 經過你咁詳細o既解釋 我依家明白哂. 如果曾經對其他人造成不便 真係好對唔住 :em14:  :em14:  :em14:  我以後會留意o既了.

咁......hales可否收返你o既辭職信呀? :face13:

leemoksau

另外 有個提議. 如果o係其他版有吹水GAP位 有乜o野方法可以將篇文quote過去吹水版繼續吹呀? 我o既意思係有冇可能增加一個function方便將篇文quote過去吹水版 而睇o既人又知道o係邊個版quote過o黎 同埋前文講D乜呢?

又或者有時唔覺意離咗題 可唔可以有個founction方便搬去吹水版呢?

定係依家有o既function已經可以做到 而係我唔識呢? :?:

Tomato

大家唔好灰心 唔好個個都話辭職.......
d rule都係0岩0岩set 所以大家都唔習慣 以後大家盡量做好d啦

Billy

[quote:14c0947173="leemoksau"]另外 有個提議. 如果o係其他版有吹水GAP位 有乜o野方法可以將篇文quote過去吹水版繼續吹呀? 我o既意思係有冇可能增加一個function方便將篇文quote過去吹水版 而睇o既人又知道o係邊個版quote過o黎 同埋前文講D乜呢?

又或者有時唔覺意離咗題 可唔可以有個founction方便搬去吹水版呢?

定係依家有o既function已經可以做到 而係我唔識呢? :?:[/quote]

Hales有講少少離題可以原諒.
我覺得一句起兩句只O羅.

leemoksau

如果有10個人 每人離題一兩句 加加埋埋就10-20句了.
所以都係有得搬好D. (如果唔係好麻煩o既話)

Billy

第三個人算第三句啦.
有時真係要OFF TOPIC.
但一兩句就講完唔通開多個TOPIC咩.

leemoksau

嗯. 咁以後我可以霸咗頭個兩句講 :

hales

[quote:c47f6cb427="leemoksau"]另外 有個提議. 如果o係其他版有吹水GAP位 有乜o野方法可以將篇文quote過去吹水版繼續吹呀? 我o既意思係有冇可能增加一個function方便將篇文quote過去吹水版 而睇o既人又知道o係邊個版quote過o黎 同埋前文講D乜呢?

又或者有時唔覺意離咗題 可唔可以有個founction方便搬去吹水版呢?

定係依家有o既function已經可以做到 而係我唔識呢? :?:[/quote]

已離題的話 其實我唔知大家有無留意我會將文章分割?
這就是版主的一個主要職務 他們是有能力去把文章分割
然後再forward去第二個版的

如果係你自己想quote既話 你可以先用引言回覆 然後select all
再copy 之後去合適既版開新topic 再paste返上去 咁就ok了

:  :
你無得回覆既時候識得quote文再去吹水版開topic
所以呢 其實大家都唔係唔識 只不過...一個字講哂...........

懶!

grassman

近兩個星期，工作十分繁忙，又上蘇州，又去越南，依家仲係公司搏殺！
偶然會上呢度昅下，想reply都要用英文，因為打中文好慢，又冇時間！

但見Hales意興欄柵，Q又怒氣沖沖，令我又想出黎講兩句(或者多個兩句)！

我找到一篇2003年7月17日由hales寫既一篇文章，應該係業主網剛成立的時候寫的，我轉貼過黎比大家分享下。當時我唔識大家，但如果你係當時既舊人，呢篇文會否帶返一D當時大家建網時既目的同心情呢？

[quote:07d841bafa="hales"]
發表於: 星期四 七月 17 2003 12:30 am   

--------------------------------------------------------------------------------
大家好~~
各位藍澄灣的業主們~

我地終於有一個屬於自己既論壇了
為了日後能更有效地將資料文章 分門別類
我們是需要有一個完全能自由控制的討論論壇
現在我們舊有在使用的論壇為香港地產城資助位置
存放的 所以在管理文章方面 始於不可能有效地把
文章按標題分類 而且我們並不能把整個討論內容
備份. 而且假如我們在過一段時間轉forum的話
就會更能把舊文章轉到新forum了

希望大家能集中到新論壇討論 和分享有用資訊
麻煩大家走一趟到新論壇開帳號 以及在發表
新討論標題時能到新論壇發表 至於舊看板內的文章
小弟和Bunnud版主會一步一步的移到新論壇的精華文章內

新論壇的位置為:

http://rcrest.bzone.com.hk/index.php

所有舊forum內的會員需邢重新註冊帳號

日後業主網完成上線之後 此論壇亦會放到業主網內

麻煩大家了~~

另外本站之站友所發表的內容為站友之個人意見 其內容只能
供及其它使用者作參考用途以及與本站之立場無關

站友之間的買賣交易均為私人性質本站不會對有關交易活動付上仕何責任

本站設立之目的與定位是為大家提供一個地方讓各藍澄灣業主可以聯系對方
舉辦業主之間之聯誼活動 以及分享藍澄灣業主們生活上之點滴

而本站並非一些類似業主委員會與及法案法團之組織 所以本站內之管理者並
沒有義務以及權力為所有藍澄灣業主向發展商爭取任何權益 [/quote]

睇完未？ 睇完之後覺得點？ 上面提到網站既宗旨好簡單，好pure! 都係要業主間聯誼一下。

Hales要辭職，大家都表示唔開心。我諗Hales辭職後亦唔會開心左，所以呢個係一個Lose Lose既決定！

第二) 呢個世界有好人、有壞人；有合作既人、有攪事既人；有好意既人、有惡意既人；有執著既人、有easy going既人， 但藍澄網站並沒有對登記會員既資格有任何限制，所以要所有會員都跟站內規則，根本冇可能，最後只有庸人自擾！ 相反令要搗亂既人更方便！


第三) 我以前都提過，做adminsator應對站內文章做得越少越好(只對付廣告、惡意、搗亂、錯版)，其他討論中帶黎既問題，其實會員間自然會解決，不受歡迎既人或論點會被排斥，不喜歡既人會用腳投票，事實上呢度係一個好少人既圈子，怕乜人話我地係小圈子！

leemoksau

[quote:d77a87871c="hales"]一個字講哂...........

懶![/quote]

:em07: 竟然俾你知道咗添! 我要滅口!! :em12:

不過講真 咁樣除咗麻煩外 睇唔到前文 所以都係差D.