好心做壤事?? 夠竟岩定錯?

patty and jimmy

[quote:96c76fdf40="Royhk"][quote:96c76fdf40="patty&jimmy"]我又覺得冇乜問題喎
樓下成村人等lift 咁緊係疏通左先啦
行幾十層樓落樓冇行幾十層樓上去咁辛苦呀...
如果真係有急事 行樓梯落樓囉
如果係行動唔方便 又有事 咪叫白車囉
白車黎到 我唔信個管理員會唔理.
一係 叫其中一個行落樓 話比個管理員聽 叫佢比架lift停你地果層囉.

我覺得有時做人唔可以咁自私. 可以等lift 等成半個鐘 都唔行樓梯 都唔荒趕時間啦. 你可以好容易咁行落樓梯 但人地要上樓梯係幾咁辛苦.[/quote]

咁你有無想想住三四十樓0的人等0左十幾分鐘但又唔知什麼事? (無樓層顯示)個心情會如何? 又唔係無LIFT上左就會落返黎而且樓下的知道發生什麼事但樓上的只有等如果係你心情會~?大堂的起碼知道大約幾時上到去但樓上呢????
如果只顧自己方面而不理其他人這是自私呀patty & jimmy你話係唔係???

落幾十層樓你估好舒服嗎?唔係個個都係十八廿二嗎!!!!不過這是個別事件不會常帝發生算吧!![/quote]

我估m&j 個妹近18 22  唔近四五十歲呱.
正常人 等左咁耐lift 都估到一係三部壞晒 所以唔停 或者d lift有問題啦. 除非係唔正常既人先唔識咁諗唧. 如果趕時間 咪行樓梯囉 唔趕咪遲d 睇下整番好未囉.
"如果只顧自己方面而不理其他人這是自私呀" 呢句都同意 但個問題係 樓上果個會覺得自己岩 樓上等lift果d 既親朋戚友都會覺得樓上果個岩
但樓下等lift果d都會覺得自己岩架喎
所以呢件事就由第三者--- 管理員 同埋當時唔係等緊lift的人 --- 我 去comment囉. 咁管理員又唔係自己要上樓 點算自私呢? 但係果d 後生細仔 等唔到lift 又身嬌肉貴咁唔肯行樓梯 又要發爛渣 我覺得就最自私囉.

Billy

期實m&j只不過係有d :evil: 咁.
等左咁耐lift都係人之常情.

佢又冇話邊個人啱與錯.
只不過比件事大家比吓意見姐.
點算自私.

lift唔夠大家都唔想.
呢d野應該係大夏管理安排問題.
又點可以話一個小小保安員.
便何況係受害者呢. :em05:

Jess and Burns

既然咁多人在5樓等用lift. 應該叫清潔阿姐唔好用住.
點可以話樓上無咩人用lift? 佢點知幾時有人落黎呀?

草龍

[quote:d3e00ab906="Jess&Burns"]既然咁多人在5樓等用lift. 應該叫清潔阿姐唔好用住.
點可以話樓上無咩人用lift? 佢點知幾時有人落黎呀?[/quote]

其實類似既情況都唔係第一次發生o係二座
我試過一次九點幾返到黎一部lift壞左一部lift倒垃圾一部lift用黎送貨
結果成村人企o係五樓大堂...

btw昨夜好似係真係賴先生

Maggie Johny

其實我發表呢編討論 真係冇話想怪責任何一方 尤其是當我知道個管理員既出發點只係為左我地d住客。  :idea:

只不過我想帶出大多數人既睇法 -- 係上面完全唔知發生咩事既情況下呆等 偶爾只係聽到有d lift上落既機器聲 又冇display話部lift係邊層 亦冇任何signal indicate部lift out of service (以前公屋既lift都反而有盞紅燈signal佢係壞緊) 係咁既情況下個種憂慮 都真係幾慘。相返 樓下大堂既人完全睇到發生咩事既環境下 相比上黎至少冇咁徬徨。同埋部lift俾管理員格硬扯落去 同冇人操控既情況下 夠竟對大堂等待既住客會快幾多呢?

當然 行四十幾層樓梯落樓都係一個方法(落樓梯又真係舒服過上樓梯既) 我亦都唔會comment一d有獨特見解既人d意見。不過如果係一個1822既少女 係夜晚晚行條咁長既樓梯 我就寧願俾人話自私發爛渣啦。我點知係咪有d壞人尊登整停部lift 係後樓梯埋伏架? :em09: (哈哈 唔知會唔會誇左d呢?) 不過小心駛得萬年船 anyway 我覺得如果有其他女仕遇到類似既情況 都係打去security叫人check check 就算好似我咁打極都唔通又冇人聽 都千祈唔好單獨行樓梯。

p.s 住係6樓既住客例外

仲有想澄清一點 當時係另一個生面口既管理員 唔係賴生。相反 我今晚同賴生傾開呢件事既時候 佢仲好好心即刻同我跟進 問我事發既時間。真係唔該晒賴先生。 :em11:

Maggie Johny

[quote:fd08f13469="Jess&Burns"]既然咁多人在5樓等用lift. 應該叫清潔阿姐唔好用住.
點可以話樓上無咩人用lift? 佢點知幾時有人落黎呀?[/quote]

其實我都好想知佢點樣可以知道樓上冇人等lift? 個logic好似有少少問題。 :dead:

肥度

[quote:e53e00d815="patty&jimmy"]我又覺得冇乜問題喎
樓下成村人等lift 咁緊係疏通左先啦
行幾十層樓落樓冇行幾十層樓上去咁辛苦呀...
如果真係有急事 行樓梯落樓囉
如果係行動唔方便 又有事 咪叫白車囉
白車黎到 我唔信個管理員會唔理.
一係 叫其中一個行落樓 話比個管理員聽 叫佢比架lift停你地果層囉.

我覺得有時做人唔可以咁自私. 可以等lift 等成半個鐘 都唔行樓梯 都唔荒趕時間啦. 你可以好容易咁行落樓梯 但人地要上樓梯係幾咁辛苦.[/quote]

吾好意思我吾係想鬧交呀. 係平心講句. 吾好亂用自私黎話人. 試問一個女仔. 夜晚落街無得撘lift . 自己一個人行樓梯會安全嗎. 雖然呢度吾係共屋. 但係都無理由大家都俾左錢交管理費. 就上面等半個都無就自己行樓梯 . 下面就可以有優先撘lift上樓既權利. 無端端就call 白車. 更無理由. 吾通如果我約左人去睇戲. 趕時間入場既就吾係趕. 仲有呀. 如果住高過R既話點行呀. 一開門就響火警鐘架啦喎. 係咪想全部人都黎一次火警演習呀. 希望大家認真諗下係公平既社會入面應該點樣對待每一件事

肥度

[quote="patty&jimmy"][quote="Royhk"][quote:ca881e1507="patty&jimmy"]但係果d 後生細仔 等唔到lift 又身嬌肉貴咁唔肯行樓梯 又要發爛渣 我覺得就最自私囉.[/quote]

如果人地真係細佬女. 你更加無理由咁樣話人. 夜晚黑. 叫人自己行樓梯落去. 吾怕有狼都怕有鬼啦. 佢選擇等LIFT 吾行樓梯 返屋企發爛渣. 係一種情緒既發洩. 呢種係一種自利既行為. 吾係自私. 再一次澄清. 我吾係想搵交鬧. 如有得罪多多包涵 :em14:

grassman

我有個自已諗既劇情，但好有可能係當時L5既現場情況！

有好幾個或十多個住客在L5等lift上樓，見部lift遲遲都未到，這群住客諗住自已比左好多管理費，所以狂插個管理員，管理員只好息事淩人，call部lift落黎！

如果事實係咁，管理員可以點呢？

dracula

如果得 2部 lift 行o緊 管理員用其中一部疏導人流都無可口非~
但如果係得一部 lift 樓上樓下o既人都要公平等 lift~ 我亦同意樓上o既人會慘 d 因為唔知發生咩事~