有養咸水魚既朋友提一提醒大家..嘿嘿

Andrew Jessica

我想問係唔係食左冰塊魚糧就會生白點 但唔俾呢d佢食d白點又真係淡左

hales

都有關係咖...
不過你係成粒冰掉入缸的?? :?:

H and H

死啦死啦又多兩條魚有白點喇~點做好呀? 換1/4水先有冇用?
(一樣係日頭冇夜晚先有不過唔係越来越多小過之前)

我又冇藥向手點算~~~

hales

[quote:fa3ec931c1="H&H"]死啦死啦又多兩條魚有白點喇~點做好呀? 換1/4水先有冇用?
(一樣係日頭冇夜晚先有不過唔係越来越多小過之前)

我又冇藥向手點算~~~[/quote]
換水是一定有用的...不過.......係醫唔到魚.....
不過魚的淋巴囊瘇症沒有藥可以醫但可以用換水來醫好....
換水有用是因為環境衛生抵抗力就好佢就可以自己搞得掂

個人意見唔值得為好平既魚用藥 因為用藥的影響是長遠的 :roll:
好幾個月都唔可以放軟體 有o的比較敏感既魚又可能唔養得
如果可以分缸就最好了 不過壞消息就係......最少要有一星期
都唔見有白點先叫醫好...因為菌會留在沙底.

建議:
1 你個缸幾深水?如果夠深(24~30吋水深...)
用個"籬""西"起o的魚唔好俾佢落深水位 減低水流因為
o的菌會在水底散開再等o的魚落水位底的地方時候上佢地身..

2. 淡水浴(有一定風險因為有o的魚唔受得..但最快見效但治標不治本)
方法:先預備好隔左夜既淡水 然後搵一個細缸仔(盤都可以的...)
先在原缸中拎一o的咸水去個盤 再慢慢加淡水直到o的水既
SG大約 1.010 (你個缸內全咸水的話SG是1.022)...
然後放魚落去 10分鐘(其間要睇住佢..如果見勢色唔對就要停)
其間要打大o的氣俾條魚 因為水既SG唔同左佢地會呼吸困難.. :em09:
然後再用咸水養返佢 一日做兩次左右...
不過呢個方法真係只能即時頂住先...因為個缸內一樣係有菌..所以...

3.用藥.....最有效 但一樣唔係所有魚都受得藥.....
千萬唔好去魚街問佢地用乜野藥水醫白點...因為佢地一定會叫你
買皇牌殺菌水....此藥水不論白點菌殺到 連硝化細菌都殺埋..
甚致..............此品已經改名為皇牌殺魚水了... :em02:
用銅藥是最好最有效殺白點 不過軟體生物和蝦就一定受唔到 即死..
如果只有魚或打算只會養魚 就最好用銅藥了 可以去買SeaChem出的
Cupramine 睇佢個instruction的份量先再減一半來用藥 睇睇情況
唔得先再做多一set cycle(呢隻藥一個cycle係要加兩次藥的)但銅是會
accumulate的所第二次cycle都要減半dosage 最少整個treatment
完成後再一星期唔出白點先叫做醫好 醫好之後再每星期換水10%
直到copper tester test唔到個缸內有銅(不過你可以考慮在濾筒內
用Cuprasorb將o的銅離子吸走~)

白點是最常見但唔難醫不過搞唔好會死魚之餘又會一直
和你抖纏不清既病...祝你好運~ :em09:

H and H

即使依家唔醫佢地 咁個缸始終都係有白點菌既存在 咁以後加魚始終佢地都有機會有病0羅?

hales

係咖...
所以未醫好都唔可以加魚...
不過呢...嘿嘿~
其實加新魚就極大機會帶左o的白點蟲落缸呢...