收警告信

我係小忌廉

自從昨天大堂呀E告知有人投訴我地養狗之後, 我已經好唔開心, 而且我D眼淚忍不住昨天CRY左一場, 之後老公講不如將D狗狗搬去奶奶到養住一排避一避風頭先, 因為我地21號才搬入來, 而家屋企仲亂七八糟, 加上狗狗面對新環境點都有D不安, 所以等整理好間屋之後, 過一排再接佢地番黎住, 其實我買NEAR 個單位之前, 個原業主都有養2隻CAT, 而且個原業主都唔係成日番黎, 間屋臭氣沖天, 又唔開窗, D CAT 有時兩三星期才有野食, 可想言知無人清潔D 便便幾臭, 但隔離D粉腸都無投訴佢, 唔同我地兩公婆好蝦D (>,<)

不過聽完大家意見之後, 我試下放佢地入主人房, 話晒個AREA 都D大, 加上我幅牆用磚新加, 而且CF用左好用英泥加厚用來隔音, 平時番左工放佢地入去, 再開收音機, 即使出面有人行過點都聽唔到啦….(希望可以行得通啦….)

我老公話隔離左右, 剛搬來就去投訴, 以後都唔洗旨意加朝呼…

我係小忌廉

請問大家平時去邊度放狗狗, 因為我剛來有好多野都唔知道? 通常你地幾多點出架? 我早上去大家樂食早餐, 行出去和記大廈果邊, 上面有條行車天橋, 下面個AREA 可以放得狗狗嗎?如果有機會, 我帶齊我個D仔囡同大家一齊玩, 我有三隻芝娃娃, (TOFFEE-男), (忌廉-囡), 芝麻-囡)….

frankiesuen

果到係其中一個最近又最大的放狗點,一座L1對出有一條蛇仔路都可以.
區內仲有兩個合法的狗公園
1. 葵青區的長環街休憩花園(即翠怡花園旁)
2. 葵青區的清譽街花園(即楓樹窩村)
遠少少就可以去城門水塘/大霧山都好正

我係小忌廉

[quote="frankiesuen"]果到係其中一個最近又最大的放狗點,一座L1對出有一條蛇仔路都可以.

請問點去? 什麼是蛇仔路? 係咪話將來起公園, 即係停車場入口個邊草叢?

frankiesuen

正是果到,但近馬路,最好用狗繩

piggy

避得一時、吾避得一世。始終出街時都会比ｄ粉腸見到。。。。希望你地好彩避得過lah～～。
我本来都想養、、、、、。唉～！
Ｄ粉腸係甘、只準人吠、吾準狗吠。kui地以為"人類"大哂！！！！ :twisted:

zaku

搬得出來住, 都大個人啦, 邊個屋苑唔比養狗, 唔係搬入來先至知卦? 買之前可以問下卦.
人地話左唔比養狗, 你係要帶狗搬入來... 唔攪事還好, 仲要唔滿意當初唔比養狗呢一項, 仲想反客為主要管理處接受養狗一事? 好啦, 而家有人投訴, 仲大聲過投訴你隻狗果個人, 仲要叫人地做"粉腸"??  ~~  唉....!!
有無人去過 六座L1? D 尿味你估係人定動物留低?? 一座L1對出條行人路已經開始有人佈地雷陣啦! 人有人跑步, 好心拉住d狗啦, 仲要笑笑口放狗追人吠! 就算你地係自律, 但係一有敗類出現, 其他人點分辨呀? 唯有先保護自己, 有殺錯無放過!

肥度

我依家就見到d "敗類" 係度吠囉... 邊有人為左攪事搬隻狗入黎架...

係囉...跑步咪跑步囉... 人地隻狗吠閞你鬼事呀... 條街你大晒呀...

哈哈 .. "有殺錯無放過" .. 吾怪之得有人攞刀落街見人就斬! 咪就係咁囉...

frankiesuen

zaku人兄香港地有幾多屋苑真係可以養狗呀，唔通要D養狗人仕搬晒入新界，呢道係人都知唔可以養，但你又知唔知管理處如果唔係收到D"粉腸"係又投訴唔係又投訴的電話，他們是持開放態度架，"粉腸"們如果你地對Ｄ養狗人仕不滿不妨向你鄰居提出，然後等Ｄ狗主改善，可必要做到鄰居將來面左左呢？

zaku

[quote:4e8da2bbe0="肥度"]我依家就見到d "敗類" 係度吠囉... 邊有人為左攪事搬隻狗入黎架...

係囉...跑步咪跑步囉... 人地隻狗吠閞你鬼事呀... 條街你大晒呀...

哈哈 .. "有殺錯無放過" .. 吾怪之得有人攞刀落街見人就斬! 咪就係咁囉...[/quote]
你到底知唔知狗一邊吠, 一邊係到追住想咬過來??  哦, 原來你係話好似呢d咁既case (http://blog.insur-pet.com/?p=276 好明顯係小朋友錯啦!), 係行人抵死!  

>... 條街你大晒呀...
等我仲以為可以避埋一邊 狗唔撲過來添, 我錯啦, 係我錯啦!  :em20:  :HIT: 狗追我係我衰 :em10: .  :em01:

:em21: 謝謝指導!  :em14: