樓下車位出售

ada.fish

車位炒唔起　高佣求甩身
http://hk.apple.nextmedia.com/financeestate/art/20121212/18098611


■有早前買入金獅花園車位的炒家，以佣金高達11%誘代理散貨。

【本報訊】車位瘋炒過後，二手市場已出現蝕讓，部份高價盲搶車位的炒家亦中伏，求平手跳車。大手掃貨的炒家更要高佣促銷。昨日一批電單車位拍賣亦冇人吼，無人出價下被逼收回。

政府10月推出「雙辣招」後，大量資金轉炒車位。11月至今一手市場更已售出逾3000個車位。各發展商急散貨後，個別地區二手車位價已出現「炒唔起」情況。有投資者上月斥164萬元向華懋連掃三個深井豪景花園車位，即使只加價4萬元至168萬元，希望扣除成本後可平手，可惜都賣唔出。

最近豪景花園的車位租盤更多到嚇代理一跳。有代理稱，屋苑的車位租盤原本不足20個，近日卻一下子增至逾200個，是大量車位炒不起而轉租所致。供應急增，豪景花園車位月租竟低至500元，扣除管理費，業主實收約330元。

電單車位拍賣　冇人吼收回

早前大手掃入車位的炒家，減價兼超高佣促銷。消息稱，一名本地投資者上月斥近1000萬元掃入沙田富豪花園、大圍金獅花園及曉翠山莊至少21個車位，現叫價35萬至118萬元，代理佣金高達11%。惟這批車位叫價全高於購入價至少兩成，其中金獅花園一個車位，購入價32萬元，現加價47%至47萬元放售。

車位亦見損手。土地註冊處資料顯示，荃灣縉庭山2樓單號車位，今年10月17日以116萬元售出，上月20日以同價「摩出」（完成交易前轉手），蝕使費。

環亞昨拍賣九龍塘星輝豪庭17個電單車位，底價45萬元，反應淡冷，在無人承價下被逼收回。這批電單車位投資者上月向長實（001）斥42.5萬元購入。業界稱，車位炒風料暫告一段落。

一手住宅方面。恒地（012）有見九龍城匯賢閣熱賣，由其發展同樣座落41區樓網的同區曉薈，趕聖誕節前開售。

恒地營業部總經理林達民指，項目共76伙，提供約九成面積介乎270至433方呎的開放式及一房，主攻上車客，入場費約300萬元左右，呎價1萬元起。同系深水埗曉尚亦有機會同期開賣。

grassman

咁我買車無望了！

rstfung

睇嚟RC D車位唔會賣了!

chitsui

真係俾佢玩死，話賣又冇哂聲氣，煲埋D冇米粥，唯有繼續泊爛地…