今日澳門之旅~~一肚氣

Tomato

原本諗住我個best friend難得放大假 (佢平時做足六日 只係星期日一日放假 難得1年只可以放7日假 所以一定要去玩...) 諗住同佢近近地過去澳門行0下食0下野...點知原本開心之旅變成黑面之旅..... :x

我今次真係好激氣 所以會打得好長 比d耐性睇....如果無耐性睇 睇紅色字啦..

我之前已經去過澳門兩次 都無今次印象咁差....話說去到碼頭等上船0個度坐低 見到0向我地前面兩個男仔拎住本教人去蒲骨場ge書 猛咁講d衰野 點知上到船 0個兩個人原來係坐我地後面 成程勁講核突野.....0個陣我同個friend仲食緊個麥記烤餅....爭d嘔返晒出來.....為我地ge旅程開始蒙上第一個污點.... :em13:

之後落左船諗住去觀光塔食tea buffet 尋日買船飛0個陣諗住買埋餐券 (係$75包上埋塔) 點知無晒 諗住今日去到個塔睇0下有無walk-in入去食 去到同一個package竟然變左80蚊 tea buffet變左做tea set (個網同旅行社都係寫tea buffet "http://www.macautower.com.mo/tc/dining" 但係今日問過塔ge售票處同餐廳 都話係tea set 唔係tea buffet 根本0個度無tea buffet).....慶幸尋日買唔到餐券咋....

跟住過"tum 仔"先係成個旅程高潮......先係搭錯車 (0個度d巴士路線好奇特 唔會好似香港咁 去程巴士站0向呢邊 回程巴士站就0向對面 佢地係去程回程都係同一個站...)中途見勢色唔對 即刻落車 我同我friend企0向條街又唔識路 個地圖又唔知想點 諗住最方便快捷搭的士...

先上左一部的士 我地講完話去邊 個的士司機就係咁話"要兜個大彎"..我都唔知佢講乜 死都唔肯開車 隻眼就望住出面兩個印巴籍人士 好明顯佢係唔想載我地 咁我地唯有落車.....跟住我地都唔知點算 之後再上一架的士 諗住唔係個個司機都咁衰....點知一上車 我地講左目的地 佢就"x (粗口字)..." 跟住全程"即即聲".......我個friend話跳左一次錶 個路程我認為佢係兜左個少少路.....跟住到左0個度 佢竟然呼喝我地 好粗魯咁叫我地落車:"走呀....." 我真係激氣 如果唔係因為得我地兩個女仔 而且係斯文人 ( :mrgreen: )我真係勁鬧佢......

去完"tum仔"已經乜mood都無晒......所以原本坐8:30船 我地都提早7:30走 唔想再繼續留0向呢個討厭ge地方....

我覺得澳門d巴士司機同的士司機 真係好似唔休做 個個都好惡死......我唔會再去澳門 而且我已經抄低左個司機名同編號 我一定會投訴....

H and H

但好多都係去程巴士站0向呢邊 回程巴士站就0向對面架喎~

其實你究竟去氹仔邊庶? 又係食街???

Tomato

[quote:0a9d750c8c="H&H"]但好多都係去程巴士站0向呢邊 回程巴士站就0向對面架喎~

其實你究竟去氹仔邊庶? 又係食街???[/quote]

但係唔知點解我今日搭0個架 仲記得係近澳門大學0個個站 d人去程同回程都係同一個站 原本我地都唔知自己搭錯車 去到0個個站先feel到有古怪...不過搭錯巴士都係我地唔0岩 無睇清楚 我最嬲係個的士司機無禮對待.......如果我識路 我就唔會搭的士.....無奶由咁ge態度.....

H and H

咁又係 態度唔好仲衰到講粗口 話晒都係客oY!

milk

唔.......講粗口又真係好好好過份喎，俾著我都會投訴佢～

番茄唔好再動氣喇，會傷身呀，妳唔顧妳自己都要顧......................o架！ :face13:

Tomato

[quote:ac3ff2c731="milk"]妳唔顧妳自己都要顧......................o架！ :face13:[/quote]

顧咩呀??? :?: ........尋日最開心係你打電話來...."報館"...哈哈 :
唔係笑你 不過諗起真係笑死我.....

bikbark

[quote:84a718d226="Tomato"][quote:84a718d226="milk"]妳唔顧妳自己都要顧......................o架！ :face13:[/quote]

顧咩呀??? :?: ........尋日最開心係你打電話來...."報館"...哈哈 :
唔係笑你 不過諗起真係笑死我.....[/quote]
我都係去過澳記兩次咋 不過o個次去 兩次打的都無俾人兜路 算好彩啦

嘩 亞茄 你咩呀 恭喜晒喎  :

Tomato

:shock:  :shock:  :shock:  :shock:
冤枉呀大少奶.......我無咩呀.......

我之前都去過澳門兩次 但係都無咁次咁不幸.....我記得第一次去係跟隻佬屋企去 由酒店去大三巴我地都係坐的 個路程仲短 但係的士司機都無野喎......

如果佢好似第一個司機咁 擺明唔載都好 又或者佢唔載我 但係話比我知點行都好0Y......佢唔好又要做我生意 但又要鬧我同呼喝我嘛 我係來旅遊 又唔係做佢隻狗.....香港d的士司機幾黑面都好 都唔會叫狗咁叫你走0Y.....0個一刻真係好想即刻返香港0架.....

vivian

唔~ 確係非常不幸 遇著個衰司機
可能"恰"您兩個女仔吧!
下次帶隻佬去可能好d!
一於投訴它吧!

milk

[quote:b1e16b4f55="Tomato"]顧咩呀??? :?: ........[/quote]咪就係........................紫羅蘭......之o麻 :em12: [quote:b1e16b4f55="Tomato"]尋日最開心係你打電話來...."報館"...哈哈 :
唔係笑你 不過諗起真係笑死我.....[/quote]哎呀，尋日我真聽得好唔清楚，有９０％都係雜聲，聽到耳都側埋先聽到妳講"澳門"兩個字！ :em18: