同事失戀應該點安慰﹖

leemoksau

禽日同佢出去飲下午茶﹐佢對住我喊﹐我都唔知點安慰佢。
淨係覺得自已好X居﹐安慰佢o既說話一D說服力都冇﹐越安慰佢D眼淚越大滴﹐我都唔知點算。

資料﹕
姓別 - 女
年齡 - 3X
拍拖 - 9年
同居 - 1年
哩幾年男方工作一直都唔順﹐而女方越o黎越好﹔
女家認為男方冇上進心﹐一直反對佢o地來往;
男方曾經想出國發展﹐要求女方陪佢出國﹐但女方唔想放棄穩定o既生活﹐提出男方先過去﹐等穩定o左先至過埋去。男方講﹕“如果好使乜你過去呀﹖”最終男方都冇出國﹐但一直埋怨女方當初唔跟佢去﹐話女方唔支持佢。
上星期嗌交后男方執埋行李走o左。

我係無意之中問到新年佢同男朋友去邊度玩﹐佢就好DOWN咁話上星期分開o左。
我係唔係應該講“I'm sorry﹗"﹐之後即刻收聲呢﹖但係我冇﹐仲追問“點解呀﹖” 係唔係好X居呢﹖

其實我唔係想八卦﹐只不過佢上星期同老細講佢搵緊o野做﹐一來因為同廠夾唔到﹐二來因為個人理由想轉o下環境﹐所以想了解o下“個人理由”係乜o野之嘛。

我講o左D自相矛盾o既說話﹐例如﹕“九年唔係一個短o既時間﹐唔好咁輕易放棄。不過如果係唔o岩就唔好再o徙時間了。”

佢話佢o地之間有好多好多好多問題﹐已經存在o左好耐了而且冇辦法解決。依家好似乜o野都唔順心﹐工作上又同廠有沖突﹐感情上又失戀﹐好似所有唔好o既o野都o係同一時間堆埋o黎......

最X居係我臨走問竟然仲問o左句﹕“咁你選工作定係選佢呀﹖” 話一出口心內暗罵“SHIT ﹗”

eric_818

算啦.

講 D 老實 o野
好過講 D 模稜兩可 o既 o野
俾 D 無謂 o既 希望佢.

佢都咁大個人囉
自己識諗嫁啦.

leemoksau

[quote:a1d45155ba="eric_818"]算啦.
佢都咁大個人囉
自己識諗嫁啦.[/quote]
如果識諗就唔會同咁o既人一齊九年啦。
九年呀﹐一個女仔可以有幾多個九年呀﹖難怪佢放唔低o既。

Jess and Burns

[quote:da6fe7aa15="leemoksau"][quote:da6fe7aa15="eric_818"]算啦.
佢都咁大個人囉
自己識諗嫁啦.[/quote]
如果識諗就唔會同咁o既人一齊九年啦。
九年呀﹐一個女仔可以有幾多個九年呀﹖難怪佢放唔低o既。[/quote]

當有新男友出現. 就無事架啦.
莫愁 不要太自責啦 而家同佢講咩都唔入耳架啦.
而家最好比佢自已靜下 你愈提 佢愈諗. 分分鐘憂鬱症呀..同佢出去睇下戲 行下街 買下野 總之做d 無謂野 浪費下時間 就會好好多架啦!

vivian

一個男人攪到執野走 已經無得"扳"
結左婚 個男人重會回心轉意
同居 就好"泯"!
唔岩聽的說話都要講 - 您勸您朋友放下啦 男人變了 再哭都是枉然!
Good Luck ! Best Wishes !

Billy

Jessica 講得啱呀.
愈諗愈傷心呀.
有時間就放吓假relax吓.
時間係可以解決呢個問題o既.

leemoksau

我一直都以為“寧教人打仔﹐莫教人分妻”﹐原來大家都認為佢應該放低。
下次我知道應該點做了。 多謝大家指點﹗

vivian

您不是叫您朋友"分開" 如那個男人返轉頭 而您朋友仍然好愛他 咁恭喜她吧!
但假設呢個男人唔再返來 就唯有咁講 減輕您朋友的痛苦.

世事就是那樣
係您就是您
不是您的
無論怎樣都不是您
男人的心不是放女人在第一位
男人要走邊個都擋唔住
失戀係好痛苦
收拾心情重新做人最實際
您的朋友可以哭 為一段感情的結束而哭
但就不要為一個不再愛自己的人哭和難過吧!

diedsee

長疼不如短疼
比著係我 我都會問點解.....然後唔識比反應
但我覺得個女仔會唔會丸工作狂而忽略咗個男朋友ge感受呢??
仲有呀 個男仔係唔係死要面 ge 人
如果係 個女仔就有少少唔啱
但如果唔係 個女仔又有冇去 encourage 佢男友呢??
我只係覺得女人最終都係想有個肩膀用吓遮 太強都要識點樣收埋少少.....my feeling only

Jess and Burns

[quote:0866a5ae30="leemoksau"]我一直都以為“寧教人打仔﹐莫教人分妻”﹐原來大家都認為佢應該放低。
下次我知道應該點做了。 多謝大家指點﹗[/quote]

唔係話教佢分開... 不過現在非常時期. 反正佢自已都話佢地有好多問題. 現在正正時一個可以抽離 想清楚是否再一起的好時機!

叫佢覆合 咪即係解決唔到問題?! 又一次將問題收起 即使這一次好好彩再响一齊 再過兩年 又可能有新問題. 所謂 冰封三尺 非一日之寒. 相信 她的男朋友走 不單為了這一次的問題.

如果 在想清楚後 仍然可以再响一齊 他們的愛一定會更深厚.
所謂 真金不怕紅爐火.
既然她所追求的是一生一世的愛情. 短短一 兩年時間 想清楚 也未必是一件令人很沮喪的事呢?