唔知有冇高手救下我條小魚

Andrew Jessica

我昨日買左兩條小魚 但佢地唔肯食野 已經死左一條 我唔想另一條都死埋呀 有冇高手幫下手呀 p.s. 我d係咸水魚嚟架 我又係新手喎 請好心人打救!!!!!! :em14:  :em14:

hales

你條係乜野魚?落左缸幾耐?
再講講你個魚缸既資料 例如幾大個?有乜設備之類的?個缸set左幾耐等等?

btw 魚其實都好唔怕餓的 其實好少有家中的魚是餓死..特別係大自然中的魚
亦唔係日日都有野食呢..多數都係唔食野體弱引致生病而病死..

Andrew Jessica

我個缸開左一個星期到啦 我條我唔知係咩魚呀 好似海底奇兵入邊條橙色魚咁既樣架 我地d其本野啦 個缸係最基本既咸水缸 24吋150L水 咸水缸應有野係買缸時都買左啦 係差暖管 但係咁快就會凍死??? 仲有呀 我地無開燈俾佢呀 唔知係唔係因為黑得緊要 嚇死左??? 但係一切都太遲啦 我今日返黎連另一條都死埋啦 我仲有一個問題呀 第一條死時係沉底 但係今日果條係浮架 唔知有咩分別呀 可唔可以因為咁知道佢咩死因呀 我地咩都唔識呀 咁好似係到殘害小魚既小生命呀 請各路高手幫手呀 :em14:  :em14:

hales

嗯..一個星期的缸死魚其實一點都不出奇呢
而且我估你養的應該是小丑...小丑不算是很易養的魚
而且有時候買魚要講經驗和運氣 有時候不是你的借
有可能條魚回來的時候已經是有病或是質素不夠好又你又不知道的呢
何況o的魚是要有時間適應不同的環境轉變 特別是你個缸只有一星期咁新
水質的變化可以很大的 這樣一些對水質變化比較sensitive既魚就好易會
因為適應唔到個轉變就會死魚了 所以建議新缸都是要先養一些比較粗生
和比較易開口的魚來等個缸stable一o的然後先去養一些比較難的魚
這就是別人常說養魚要好講耐性 真係唔急得咖..

好...廢話少說了..嘿嘿~
你死魚之前有沒有check過個缸既status?
建議開缸的頭兩個星期(最好頭一個月)每天check pH NO2NH3/NH4+
像之前我回覆過H&H的文所講一樣呢..要先搞清楚個缸既Nitrogen cycle
完成未...
第二就是你放魚的時候有做足對水的工作嗎?
其實佢地唔會因為黑而嚇死的...呵~但會因為太光而嚇親...
不過也是不會嚇死....除非你成日申手入去搞佢嚇佢拍個魚缸之類
否則唔會嚇死魚...但是燈是一定要加的...因為魚都有日夜的感覺
晚上佢地係會訓覺的...

(題外話..我之前個淡水缸是有發生過嚇死魚事件...
話說是我個缸本來有一條酋長的雌魚 而我條酋長的公魚是分開來養的
這是為了想要雌魚先熟習好個環境先 因為雄魚是會打雌魚的 雌魚不發情
雄魚追求不到就會打佢....如是者過了幾個星期 我估條雌魚都應該ok適應
個環境知道求生路線了 就試試放條雄魚入去雌魚個缸 點知.........
本來好地地(我是黑嘛嘛先放魚然後才開燈的) 點知雌雄相遇....條雌魚立
時嚇到花容失色 在缸內發狂亂衝...突然..佢動也不動了..口部開到最大
連唇骨都申哂出來 沉在缸底反左肚..死狀恐怖...被條雄魚嚇死了...)


anyway 如果你個缸無哂魚的話可以先換好整缸的水
(但不要換濾水器的濾材) 然後再去買新魚回來你可以先去買
藍魔來試試 因為藍魔都是很粗生而且對水質的變化不太敏感
又易開口食野養定左o的水先去買你想買既魚呢.
不過都係果句 加魚的時候需要計劃一下..咸水魚真係唔可以隨便亂加
因為地域感太強....加錯魚會有魚唔係被打到死就是被打到跳缸...

但是不要讓你個缸待太久都唔加魚 這樣的話你濾水器內的益菌會因為
沒食物而停止生長或是死亡..

嗯..新缸死魚不要太介懷了 這是很常發生的事 日子有功就好好多的了
而且養魚就唔好怕死魚阿...養魚又怕死魚死左條魚又覺得對不起小生命的話
是應該從新考慮一下是否適合養魚...嘿嘿~ 說句實在話...大家都唔買佢地
返屋企養 就唔會咁多魚商去捉魚 這樣已經是對小生命的最大尊重..
養魚其實一o的都唔人道的...你覺得o的魚係個缸道開心o的定係係個大海道
開心的呢? 所以..不要想太多了...呵~

Andrew Jessica

hales
真係唔該晒你呀.....我就冇特別check個n cycle.....不過我買缸時個人都好pro...佢教左我一d好基本o既知識....我真係新手到唔可以再新....所以只好靠經驗累積啦...我前兩日又買番條橙魔.....希望佢健康成長啦...........

H and H

我都係新手 不過依家都識DDDDDD啦
買住D $10 條既魚先啦~ 三點白 藍魔 五彩魔 四間 紅眼芝麻.....
小丑就唔好住喇~~一定死多既~~我至今都未成功養到佢~~開缸一個月內死魚係唔出奇架....個多月就可以慢慢加魚了

我有條開缸"原老"比我害死左 話說有一日我買左條畢加索炮旦返條 雖知佢比較惡但冇諗過係惡到"生魚"都追住直至咬死為止 果條魚比佢咬到冇左條尾但又未死得晒 掙扎至第日先瓜.....向佢冇左係尾得我地已忍唔住捉走絛炮旦向廁所沖走佢費事到頭來其它魚會成為佢咁點心....

hales

[quote:4b42cf0fb5="H&H"]我都係新手 不過依家都識DDDDDD啦
買住D $10 條既魚先啦~ 三點白 藍魔 五彩魔 四間 紅眼芝麻.....
小丑就唔好住喇~~一定死多既~~我至今都未成功養到佢~~開缸一個月內死魚係唔出奇架....個多月就可以慢慢加魚了

我有條開缸"原老"比我害死左 話說有一日我買左條畢加索炮旦返條 雖知佢比較惡但冇諗過係惡到"生魚"都追住直至咬死為止 果條魚比佢咬到冇左條尾但又未死得晒 掙扎至第日先瓜.....向佢冇左係尾得我地已忍唔住捉走絛炮旦向廁所沖走佢費事到頭來其它魚會成為佢咁點心....[/quote]

畢加索皇冠彈之類的炮彈類(trigger fish)都是超惡超頑劣....
佢地打o的魚唔係為左食佢地...而且為左要打死o的魚而打....
實在是咸水缸界的死爛仔....

養炮彈類你自己都要小心o的....申手入缸內佢都會走黎咬你隻手指..
所以要多加留意...

如果不幸"引狼入室"又唔一定要沖走佢既... :em17:
其實係可以捉佢上黎然後剪左佢前面果幾隻牙走佢就惡唔出樣咖喇
(唔需要擔心佢食唔到野.. :em12: )

除了炮彈要小心之外 另一種好多人不小心唔知頭唔知路買左黎養既中招魚
就係 盒魚類 (box fish) 例如...木盒魚...
養此類魚是一種挑戰...求神拜佛佢唔好死 主人亦唔可以嚇佢..
因為佢感到生命受到威脅的時候 就會發揮其凌死不屈的精神.....放毒....
把自己毒死就算了 小小的一條魚(1cm^3)放毒毒死自己之餘同時把
你整缸的魚都毒死...所以要小心....

Andrew Jessica

我條魚今日食野啦 我好開心呀 仲開心過中獎呀 但係我好唔好咁快加魚呀 因為我覺得佢好似好孤單咁 得一條友 俾d意見呀

H and H

[quote:4e96877b65="hales"]養炮彈類你自己都要小心o的....申手入缸內佢都會走黎咬你隻手指..
所以要多加留意...[/quote]
係呀係呀 捉佢時好似真係比佢咬...

[quote:4e96877b65="hales"]如果不幸"引狼入室"又唔一定要沖走佢既... :em17:
其實係可以捉佢上黎然後剪左佢前面果幾隻牙走佢就惡唔出樣咖喇
(唔需要擔心佢食唔到野.. :em12: )[/quote]

乜咁都得咩 :shock: 不過都已經.....

[quote:4e96877b65="hales"]除了炮彈要小心之外 另一種好多人不小心唔知頭唔知路買左黎養既中招魚
就係 盒魚類 (box fish) 例如...木盒魚...
養此類魚是一種挑戰...求神拜佛佢唔好死 主人亦唔可以嚇佢..
因為佢感到生命受到威脅的時候 就會發揮其凌死不屈的精神.....放毒....
把自己毒死就算了 小小的一條魚(1cm^3)放毒毒死自己之餘同時把
你整缸的魚都毒死...所以要小心....[/quote]

你咪即係牛角魚之類呀 睇佢都幾過隱...不過我知佢會放毒所以唔會養

H and H

[quote:d721bf1df7="Andrew & Jessica"]我條魚今日食野啦 我好開心呀 仲開心過中獎呀 但係我好唔好咁快加魚呀 因為我覺得佢好似好孤單咁 得一條友 俾d意見呀[/quote]
魔魚好小唔食野架...養耐小小當你行埋去佢就知有野食咁向你游埋黎你仲開心呀

以我之前開缸經驗 叫你等下睇下佢過唔過到一個星期都幾辛苦...

開頭我覺得加多d都冇所謂 我諗你過多一兩日再出去買多幾條魚呀(起碼5條以上) 但有d人就話一次過買多d (好似24" 缸 大概 15條魚仔睇下幾多litre 水) 咁個no2先會推到最高(水質最惡劣死魚最多既時候) 其間死既由佢死 等等等.....個多完後當佢回落時就成功在望了....直到n-cycle 完成先再諗加乜魚....