2011.11.30 星期三... 忌火?

kk-in-hk

一早就咁多火警? (花園街又有, 我地又有...)
如果真係水曾經浸 過 (濕左機件) lift, 可能有幾日都只剩下一部lift 用. 大家做定心理準備啦.

一家四口

以前經常有人投訴隔聲差,宜家又...
grassman 發表於 2011-12-7 00:52

真係幾茅盾....

其實平時好間唔中都有聽到alarm響, 唔知係壞LIFT響定係走火警個警鐘響, 咁喺屋入面, 就算喺房 (一般都冇閂門), 都唔覺佢好細聲丫。

grassman

以前經常有人投訴隔聲差,宜家又...

KCs

管業處今日下午二時三十分按排了一次火警鐘測試，
我分別在家中不同地方及情況聽警鐘聲音，

1. 打開屋大門: 好響，肯定鐘聲來自本層某處。
2. 在廳中而關閉屋大門: 正常
3. 在房中關閉屋大門及房門: 聲音很細，比我家居的電話聲還細

比較當日我打開屋大門聽到的鐘聲，我的結論是；第一，當晚火警時，本層火警鐘沒有響，
而鐘聲可能是來自發生火警3x/F或其他樓層的警鐘聲。
第二，從某層開動的火警掣，只啟動部分樓層的警鐘，亦有可能在防火層上下的警鐘系統是分隔開，
所以"當火警時，應該每層樓的火警鐘會一齊響"並不正確。
第三，就算你所住的樓層火警鐘有響，只要你關閉房門睡著，你未必會被鐘聲嘈醒，
因為隔了兩度門聽到鐘聲已經減弱了許多。

管業處黃先生會張我的意見，會向工程部反映跟進。

FireFire

其實唔一定走就安全~如果樓下起火,一定要走就要向上走~
另外天台係唔可以上鎖O既~
我見RC每邊都有2道防煙門~每道防煙門可抗火30分鐘~所以RC都算安全架啦~

siukwai

我想請問, 我住4X樓的, 係咪若於我下層的樓層發生火警, 我都應該走上天台? 究竟天台係咪會上鎖O既呢? 萬一我地冇咁好彩, 50/F天台業主出左街, 係咪就冇人開門入唔到去架? 還是天台都有公家地方?

grassman

這裏也是個好平台,否則乜事都唔知。

mailinf

我地都係4X樓,個警鐘好大聲喎! 但我地就無關房門瞓,聽到唔係好大聲,但出到門口開左門就好大聲喇!
捱出近F,G單位的門時,以好大煙,有燒焦味,有其他隣居出來,都話要走,於是再推A,B單位的防煙門,已經見到有主戶行緊上天台,佢地仲提我地帶條濕毛巾,見到有位好熱心的住客,四處叫隣居走,同提供資料話32樓有起火,好多謝佢,見佢行動不便都咁熱心,我感激! 仲要多謝50A天台的業主夫婦,開門俾我地避煙,仲搬一大堆櫈招呼我地! 走左,仲要佢執手尾,真係唔好意思!

消防員5:30上到天台通知我地,火已救息,現等煙散走,才可回家,又先帶走有小朋友的家庭乘電梯到平台,我地係最後走,我主動問消防員可唔可俾我翻屋企,唔落平台,因為已經差不多6點,佢話等佢陪我地去我地的樓層檢查一下,佢出電梯後,見無煙就準許我地回家,否則我地又要排隊等LIFT上翻去

多謝各位熱心街坊! 以後都要互相幫助!

Koala Bear

回復 12# kk-in-hk

我上到去係就咁推門，已有約10人在，業主當時係到，唔知之前有無上鎖﹗不過應該唔可以上鎖，否則可能違例。
另個火警鐘真係細聲，如果時夏天開房冷氣，更加聽唔到﹗此點希望管業處盡快跟進。
另好彩RC有一班守望相助的好鄰居，希望大家遇有危難(TOUCH WOOD，大家高時好運)，可以好似我的鄰居及天台業主一樣，簡單拍一下左右隔離門，申出援手收留須幫助之人，真係可以救到人命﹗
我一家都好感激﹗

grassman

好彩無死人，不幸中的大幸！