藍澄灣業主社群

標題: 有冇人最近收到管理處設訴信 [打印本頁]

作者: hktakpo 時間: 2009-4-3 11:50:12 標題: 有冇人最近收到管理處設訴信

唔比養寵物 :x
最近係咪又嚴打

作者: Tomato 時間: 2009-4-4 02:29:22 標題: Re: 有冇人最近收到管理處設訴信

[quote:0e9da72258="hktakpo"]唔比養寵物 :x
最近係咪又嚴打[/quote]

無喎!係咪你隻狗狗唔小心吠左一聲比人投訴所以管你處出信比你??

作者: hktakpo 時間: 2009-4-4 10:05:39

我隻狗都係我地返屋放工時會吠一兩聲平時都好少會吠
出完信係咪要十四日內搬走隻狗唔搬會點係咪會釘契 ??

作者: 公公婆婆 時間: 2009-4-5 02:28:13

唔小心吠一聲？
基本上，隻狗冇吠都會投訴，哩度有d人根本容不下一隻動物....即使我地隻狗同佢地0既距離，比街上行過佢身邊的狗更遠，佢哋依然容忍不到。
所以，最好還是離開這地方。

作者: abo and keung 時間: 2009-4-5 16:04:16

野蠻的人比會吠的狗更恐怖！

作者: hktakpo 時間: 2009-4-5 17:50:03

我見藍澄灣都好多人養狗係咪唔使理佢

如果我隻狗再吠先再買滅聲器電佢但我真係唔想用呢個方法

還有今朝見 r1 門口有隻活生生小龜有個魚缸仔放左係門口度 d 人可以咁泠血 :x

作者: diedsee 時間: 2009-4-5 23:42:49

車隻狗有冇吠都唔係問題不過佢搵人拍你門隻狗一定有吠咁算唔算吠左呀? 又係唔係造成投訴的理據呀????

作者: hktakpo 時間: 2009-4-6 12:51:56

星期日下午管理員連續次二次上來我屋企拍門，放假下午都唔噪得真係冇自由，長實樓出名隔音差要清靜就唔係買呢度啦，對面自由行朝早到晚上都會係度大叫要高尚清幽屋苑藍澄灣係冇可能做到咁巴閉住獨立屋.
狗吠一兩聲有咩大不了，如果長吠就話我唔啱者．唔該呢度 d 高尚住客唔好係咪都投訴 (心理變態) :x

作者: Winnie the Pooh 時間: 2009-4-7 12:03:42

其實你哋有冇諗過當你哋啲主人唔响度而有人經過出面嘅時候佢哋真係會吠嘅呢?
你哋口口聲聲話佢哋唔會吠但係你哋唔响度又點知佢哋冇吠呢?
我隔離係養狗嘅當佢哋唔响度嘅時候而我又經過嘅時候隻狗就會吠有時仲會吠得好勁..........
當然我同我老婆就冇問題但係我屋企有兩個小朋友有時我返到屋企開門嘅時候我啲小朋友可能訓咗(係下午嘅時間)咁啲狗吠聲就會嚇親我啲小朋友佢哋又喊又訓唔返之後我哋就要慢慢"乙水"返佢哋........

(P.S. 我止係想講吓我嘅睇法仲有我從來冇投訴過任何養狗嘅住戶)

作者: hktakpo 時間: 2009-4-7 12:18:25

我返工用視像睇佢係度訓覺多同埋佢好少長吠頂多一兩聲.
咁唔該教下你 D 小朋友大膽 D 小朋友喊之後我哋就要慢慢"乙水"返佢哋........(係做父母應該做) 我隻狗吠我都要叫停佢啦
唔好咩都頼係 D 狗度自由行都會叫啦咁我下午睇戲開音響都會嚇親小朋友 . 者係唔比人發出噪音成個屋苑要冇聲等你 D 小朋友好好享受下午訓覺時間 .
(我自己睇法 : 有小朋友唔係大哂 )

作者: Winnie the Pooh 時間: 2009-4-7 12:28:31

[quote:c03b3a7fe0="hktakpo"]我返工用視像睇佢係度訓覺多同埋佢好少長吠頂多一兩聲.
咁唔該教下你 D 小朋友大膽 D 小朋友喊之後我哋就要慢慢"乙水"返佢哋........(係做父母應該做) 我隻狗吠我都要叫停佢啦[/quote]

你要明白我個小朋友得一個月大咋
不過我諗你唔明嫁啦算吧啦........

作者: Winnie the Pooh 時間: 2009-4-7 12:34:58

[quote:e4b28910df="hktakpo"]我返工用視像睇佢係度訓覺多同埋佢好少長吠頂多一兩聲.
咁唔該教下你 D 小朋友大膽 D 小朋友喊之後我哋就要慢慢"乙水"返佢哋........(係做父母應該做) 我隻狗吠我都要叫停佢啦
唔好咩都頼係 D 狗度自由行都會叫啦咁我下午睇戲開音響都會嚇親小朋友 . 者係唔比人發出噪音成個屋苑要冇聲等你 D 小朋友好好享受下午訓覺時間 .
(我自己睇法 : 有小朋友唔係大哂 )[/quote]

重申我只係講出我嘅睇法唔係要話邊個對同錯......
我都冇話----------"有小朋友係大哂"

我唔再講啦..........bye.....bye.........

作者: grassman 時間: 2009-4-7 12:47:44

究竟依家係要"邊個"就"邊個"，攪清楚未？

如果係諗住自己"係咁架啦！"，咁就唔好當人地係你鄰居，當佢地係仇人得架喇！

作者: Animal Lover 時間: 2009-4-7 12:58:03

大家唔好激動.. peace.. 佢比D B媽投訴所以先寫到過晒火.. 我認為狗主係有責任令隻狗唔吠... 如果D狗唔吠你認為藍澄灣可以養狗嗎?

作者: diedsee 時間: 2009-4-7 13:55:11

我個人諗法係當隔離返到屋企開門嘅時候引致隻狗又真係好難避免一係唔好養 (但又談何容易...) 一係就自己入屋細聲小小呢樣真係可以大家夾一夾

我都想隔離鄰社大家就一就但我隔離屋下下都"彭"門半夜返都"彭"醒我幾次佢可以投訴我隻狗吠 (有冇投訴到我唔知) 但我又冇得投訴佢"彭"門超無奈....

作者: Animal Lover 時間: 2009-4-7 14:27:35

Dog trainer可唔可以train到隻狗唔吠架? 我有養狗.. 唔想騷擾鄰居.. 好驚被人投訴.. 但層樓又賣唔出所以搬唔到.. 我唔敢放狗因為曾經被人厲(我往L1 L5開Lift時見到的人).. 所以困到佢有少少焦慮同過敏.

作者: 肥度 時間: 2009-4-8 00:51:07

其實...去泳池都有專用lift ... 可吾可以放狗都有一部呢 ?

作者: Animal Lover 時間: 2009-4-8 12:38:40

我睇樓..買Lee度時的而且確見到有狗係L5大堂行而冇被管理員阻止所以連地產都以為養得我住緊的時見過有女士用狗車帶狗入大家樂食早餐亦見個有男士抱住隻狗行藍澄灣商場..

作者: Tomato 時間: 2009-4-11 01:45:08

我附近大單位有人剛剛生左BB無幾耐個BB成日凌晨3點、4點喊我0向房閂埋房門都聽到....我個人好怕聽到BB喊聲 BB喊聲對我來講係一種困擾我第二日仲要返工0架.....我有無得投訴個BB喊呀???大單位喎離我咁遠我0向房都聽到.....我可以點呀???

不過我個人覺得大家有緣住埋一個屋苑佢個BB喊可能想食奶佢地都唔想如果我因為咁而去投訴佢唔通要佢阿媽半夜湊個細路出街咩所以就算幾困擾我都忍左佢....

我樓上個細路長期大叫大跳拉凳其實我都好怕佢整穿個地搞到我無左個屋頂我覺得佢地係超超超煩但係我都容忍佢....我真係好憎佢地但係唔通日日去投訴佢咩????令到佢地搬走咩???

所以話投訴人地狗狗者.... 有無諗過你自己本身其實都可能製造D噪音比人地人地只不過係息事寧人唔理你咋....

算啦......我覺得大家都係比心機賺多D錢搵層養得狗GE樓搬好過!
不過咁 0向香港去到邊只要有人唔LIKE狗狗都會無理投訴.....

作者: Tomato 時間: 2009-4-11 01:48:58

[quote:b31b2a9e28="肥度"]其實...去泳池都有專用lift ... 可吾可以放狗都有一部呢 ?[/quote]

唔可能啦......

作者: diedsee 時間: 2009-4-14 13:34:18

咪就係lor 投訴狗嘈就大條道理投訴人嘈就可能唔鬼理
我果座耐唔時就有人開 concert 又如何?!?! 點解果個人耐唔時就可以製造嘈音? 點解次次都係我投訴我的鄰居選擇性失聰呀!!!

作者: Tomato 時間: 2009-4-15 00:36:44

其實我想問大家心目中最重要GE係乜野??

有D鄰居可能話係寶貝兒女...係老公老婆....係錢....係好多好多野....

而我地呢狗狗雖然0向你地眼中只係識吠GE低等動物但係對我地來講狗狗係我地最重要GE家人。假如你最重要GE人和物日日比人歧視比人監視比人搵機會趕走佢你會點???你會唔會安樂???如果你係我地你地會點做??

或者我唔明白你地愛仔女、愛老公愛老婆GE感受其實你地都唔會明白我地愛狗狗GE感受...我未養狗之前有朋友話養過狗狗先知道人類真係好虛偽、好自私 D人話狗狗恐怖其實人類先係最恐怖....我而家真係深深體會到!

作者: annieannie 時間: 2009-5-26 23:09:43

咁我想問樓主你最後點做呀?

歡迎光臨藍澄灣業主社群 (http://rcrest.bzone.com.hk/Discuz/)