廁所喉管漏水

KCs

廁所喉管漏水

藍澄灣廁所所有潔具(洗手盤，馬桶及浴缸)至大廈公家喉的去水管部份都是屬私家部份。每個單這部份的管通都經下層單位才接到公家大喉。事實這部份都只是上層單位用戶使用排污。

上次接通知要維修，我詢問過藍澄灣管業處經理及一名做物業管理的親戚，都好肯定這部份是屬於上層業主，並有責任維修。

我找了美景花園的水電鋪做維修，價錢好像大約$1500至$2000。由於工程牽涉兩個單，唔係話做就做，要約好一日大家都有人在家才可以做，大約做左一個上午。同期間我亦打開自己屋天花原來滴漏情況都好嚴重，所以都通個管業處派人上來影相並通知上層業主維修。他們找來從來未做過藍澄灣水喉丈來做，他們唔熟手兼要去旺角配零件，由上午做到傍晚，連管業處人員到要等佢哋完成才可以影相收工。

由於我上層滴漏情況嚴重， 損壞了我的假天花，所以要幫我換了兩塊新的。我亦知道有業主因為浴缸去水位漏水，結果損壞了下層單位的抽氣扇要賠償。

其實那些管通是由喉箍連接，喉箍老化就會鬆脫破損，污水就會滴漏。 通渠水，通渠粉及熱水都會令喉箍膠加速老化。住了這裡咁多年發覺用通渠水通渠是冇用的，若因為裝修，師父倒沙石落潔具， 導致淤塞，除非搵專業師來通，或更換新喉，用通渠水係無用的。一般來講若果只是毛髮積聚於浴缸排水口內，只要零開排水口制及內膠用牙，籤撩番上來，去水就會回復正常。