請為狗狗大B送上祝福

Tomato

大b媽話大b好返好多 食多左野....真係好開心!!

我覺得狗狗有病 除左靠本身意志力 爸媽愛佢真係會比好大力量佢.....唔好咁易放棄佢地....好似大b呢件事咁 個個醫生都叫大b爸媽做定心理準備 問係乜病又話查唔到、唔知...好似要放棄佢咁 但係大b爸媽無放棄 最後又遇到好醫生 大b終於慢慢康復 雖然仍未渡過危險時期 但係都有好大進展....

0個陣樂樂有皮膚病 甩左好多毛 d人話佢生滋 我好嬲好嬲....佢病左點解要咁話佢？個個都話比比靚d 多毛d....但係0向我心目中 樂樂好可愛 好靚 就算佢d毛毛唔生返出來 我都會咁錫佢 樂樂比比都係我心肝寶貝....

呢排無放狗呀!!日日落雨........平日好天 我地多數會0向10點左右去大家樂對出放狗 有時會行0下和記大廈對出條路.....不過唔係日日放 爸爸有時好攰 留0向屋企玩拋波波lor....

下個月機場博覽會館個寵物用品展你去唔去呀？

公公婆婆

聽到大b好消息真係好呀！
大家樂對出可以放狗架？0係邊條路行去架？
我地多數行停車場對出條斜路，而落雨就會行停車場入面！ ops: 因為我仔仔唔識在街去廁所，除非去足幾小時，否則佢絕對唔屙，真奇怪！
我地由於放工夜，出動多數已經凌晨了，除非星期期六日，因為放假會早d，下次約下你丫，因為我多數只見過husky&比高和一隻金毛，未見過你地呀 :?:
機場個展覽未必去，因為有人去年去過話冇野睇喎！

Tomato

大b而家返左屋企休養喇 不過醫生要佢媽媽小心d 因為唔可以整親、唔可以感染到細菌、唔可受刺激.......

大家樂對出0個度即樓下1樓 穿過商場出去 0向和記大廈同RC中間０個幅空地lor...俗稱天橋底.....停車場對出條斜路我未去過呀.....因為比比鍾意喪跑 大家樂對出空地大d 可以比佢跑0下....

好呀 下次約埋一齊放狗啦 我好少見到鄰居放狗0架 你講ge比高 我都見過 佢主人好似係朝早放一次 晚上又放一次 真係好啦~~

我上年都有去用品展 但係上年樂樂比比0向前主人屋企 我下定決心今年一定要埋佢地去....哈哈~~