你地鍾意睇咩書?

Ice

我呢 細細個時最鍾意睇牛頓 學校既圖書館一定有. 讀小學中學時最鍾意同 d 鍾意科學既朋友一齊睇 一齊研究~

有一期呢 我地班女仔就鍾意睇 yes! 因為有同學著水著上封面 好大震撼  :shock:

中四之後 又有另一種書入侵 就係漫畫喇
當年大家睇既漫畫係金田一同足小 估唔到呢  : (我果間係女校黎架~)

預科既時候 因為學科既關係 睇左好多文化書. 其中好鍾意巴金既「家」「秋」 「春」我就覺得相對地無咁好睇~ 鍾意「簡愛」但唔太鍾意「咆哮山莊」. 睇唔明「生命中不能成受之輕」同「異鄉人」 ops: 果陣真係睇到頭暈  :em18:

升左大學之後 因為對哲學有 d d 興趣 所以開始睇 d 哲學書 好多都睇到一知半解.   :roll: 但到宜家都仲係睇唔明但鍾意睇  

咁身為女仔呢 我都鍾意睇言情小說~ 失戀時期就睇亦舒~ 一 d 關於心理星相占卜既書都岩~  :mrgreen:

簡言之 我係好多書都睇 但樣樣唔精.
咁多種書之中 比較唔鍾意睇既就係武俠同科幻小說~

你地呢?  

hales

由細到大都鐘意睇o的比較scientific既野 小學時熱愛看天文書藉 畢竟當時年
紀還細 有時都會睇唔明 不過還是學到很多天文知識...

從來我都唔係一個鐘意睇小說既人 因為見到好多字就會覺得.....好眼訓...
所以我是極少看小說的 除非係好鐘意睇既題材 不過還是集中在科幻 奇幻小說

雜誌方面 以前讀大學果時 差不多期期睇牛頓 間唔中會睇Astronomy
Sky and Telescrope 有時都會睇o下Scientific American 而亦因為讀書既原因
所以成日要睇Chemistry既Journal...
而目前坏愛既一本雜誌 就是National Geographic....勁好睇~

Agnes Henry

我睇書好雜 好睇我就睇...... 冇乜話指定邊類書....而家既next target係Harry Porter........^^

有一本書我好有印象 書名係煙花三月.... 對我來說.. 真係非常震撼 係講慰安婦.... 睇完之後 覺得好悲涼 老來回頭一望 真係會好似電影咁一幕幕浮現.....

仲有幾米.... 我冇睇過向左走向右走既電影... 但係同事就借插圖版俾我睇.... 真係幾正...^^

Ice

[quote:ed83b443b1="hales"]由細到大都鐘意睇o的比較scientific既野 小學時熱愛看天文書藉 畢竟當時年
紀還細 有時都會睇唔明 不過還是學到很多天文知識...

從來我都唔係一個鐘意睇小說既人 因為見到好多字就會覺得.....好眼訓...
所以我是極少看小說的 除非係好鐘意睇既題材 不過還是集中在科幻 奇幻小說

雜誌方面 以前讀大學果時 差不多期期睇牛頓 間唔中會睇Astronomy
Sky and Telescrope 有時都會睇o下Scientific American 而亦因為讀書既原因
所以成日要睇Chemistry既Journal...
而目前坏愛既一本雜誌 就是National Geographic....勁好睇~[/quote]

我都好鍾意睇 scientific magazine newton 已經講過 仲鍾意睇 scientist discover 等等~ 我又係好鍾意天文 好鍾意睇下宇宙的奧秘~ 有段時期好留意 stephen hawking 呢~

hales

Hawking既書我只係睇個時間簡史 其實佢o的書講既野 係幾深
而且係好理論性 不過其實佢已經用左比較現實既文字方式出來表達佢既理論...
相對之下其實廣義/夾義相對論更為難明....其實有興趣astronomy的話
Astronomy呢本雜誌幾值得睇

Ice

[quote:cc5c1b58b6="hales"]Hawking既書我只係睇個時間簡史 其實佢o的書講既野 係幾深
而且係好理論性 不過其實佢已經用左比較現實既文字方式出來表達佢既理論...
相對之下其實廣義/夾義相對論更為難明....其實有興趣astronomy的話
Astronomy呢本雜誌幾值得睇[/quote]

好好好 hales 大哥推薦既書 等我有時間睇下先

bikbark

我睇書好雜，尤其係中文字o既書，因為我怪怪地，對中文字有極度偏好，就算係普通雜誌同報紙，我都會逐段睇晒，所以睇2週刊都可以睇三幾個鐘。

中一暑假時，勁睇"話之你"，覺得好好睇，好有新意，亦令我學識"範疇"o黎個詞語，因為"話之你"成日話"已經超出人類知識範疇"! 亦舒o既短篇就睇o左好多，佢筆下o既女子好瀟灑，好正。d中學同學就勁睇岑凱倫，瓊瑤等，我就真係一本都無睇過。Yes嘛，當時係因為有個"三個寂寞的心" o既電台節目，有個中學同學俾人寫過暗戀信上去，然後又o向本書度登"愛的宣言"，所以先至有同學傳閱o既 (我都係讀女校)。

之後就學人睇深奧書，"生命中不能承受的輕"我都睇過，不過真係過唔到自己，睇o左百幾頁都唔知做緊乜，所以放棄o左，想扮勁都唔得。村上春樹o既就好少少，明d唔明d，但係就至少睇得晒。預科學econ o既時候，亦睇過張五常教授o既書。

早幾年開始出o黎做o野，就睇呆伯特(dilbert)，講d辦公室發生o既事，覺得好有共鳴。反而真係好少睇心靈羅宋湯之類o既書，因為好怕d罐頭式溫情書。

依家我好多時都係去書局打書釘，好少買書。

hales

[quote:420c0c4dfe="bikbark"]我睇書好雜，尤其係中文字o既書，因為我怪怪地，對中文字有極度偏好，就算係普通雜誌同報紙，我都會逐段睇晒，所以睇2週刊都可以睇三幾個鐘。

中一暑假時，勁睇"話之你"，覺得好好睇，好有新意，亦令我學識"範疇"o黎個詞語，因為"話之你"成日話"已經超出人類知識範疇"! [/quote]
仲有就係:
"如果我唔係一個識得中國功夫既人 呢一掌 我早就暈過去了"
"幸好我是一個中國功夫的高手 這些麻醉藥的效力來我來說不會太嚴重"
"我洗出七十二路小擒拿之<逆拿法> 反過來把他鎖起來"..... :roll:

Tomato

[quote:1a456c20c4="Ice"]
預科既時候 因為學科既關係 睇左好多文化書. 其中好鍾意巴金既「家」「秋」 「春」我就覺得相對地無咁好睇~
咁多種書之中 比較唔鍾意睇既就係武俠同科幻小說~[/quote]

~~~
我都好鍾意睇家~~春~~秋 果然係激流三部曲 特別係~~家~~ 簡直正到暈!
我都認為~~春~~無0禁好睇!!!後來我因為呢三部曲 睇埋愛情三部曲 點知........
完全唔知佢想講乜 :em05:

我誠意推介以下好書：
1. 小腳與西服：徐志摩與張幼儀的婚變 (可以睇到徐志摩性格的另一面)
2. 落葉歸根
3. 徐訏：盲戀 (強力~~~極力~~~推薦)

我都唔鍾意睇武俠小說 (科幻更加唔鍾意) 所以我一本金庸都未睇過

漫畫都喜歡喎!
touch~~~ :em11:
snoopy :em11:  :em11:
牛仔 :em11:  :em11:  :em11:

bikbark

[quote:11a305673c="Tomato"]我都唔鍾意睇武俠小說 (科幻更加唔鍾意) 所以我一本金庸都未睇過

漫畫都喜歡喎!
touch~~~ :em11:
snoopy :em11:  :em11:
牛仔 :em11:  :em11:  :em11:[/quote]
我都睇過半本金庸，因為太厚太重，唔適合臨訓前睇，所以放棄o左。

漫畫嘛，真係好鍾意睇"男兒當入樽"，但係就極度唔鍾意井上雄彥因為合約問題，最後將本畫得咁好o既漫畫草草"殺"o左，過份。
touch，rough等都好鍾意......
"騎呢"漫畫代表作就有"飄流教室"啦
金田七 or 柯南就初頭好睇，後尾變成千篇一律

想問一樣o野，有無人聽過"漫畫週刊"呢~~~？
細個時，大哥個個禮拜都買，好多日本漫畫我都係o向"漫畫週刊"度睇，例如：touch，天空之城，風之谷，相聚一刻，阿全正傳等等
另外仲有玉郎漫畫o既"太公報"，真係笑死人o架!