致碧堤半島紅毛仔高大威業主

中原

本人於上星期六下午(2/10/2004)帶同外籍客人參觀碧堤半島示範單位客人想買碧堤半島並要求要去會所參觀我同佢講住客會所唔去得頂晒盡去平台花園睇下個景佢就答應.

上到去平台花園睇完第二期個view 準備走人 跟住有一個紅毛仔四眼高大威 年約三十五歲佢o係後面喝住我

條紅毛仔好大聲咁講: "喂你係咪經紀黎架? 點解你會上倒黎架?"
因為我有個客人o係度 廢事同佢噪 我就同佢講: "唔好意思我地依家走架喇!"

跟住條紅毛仔仲要追住黎:"你邊間地產架? 你中原架? 你點走上黎架?"
我再同佢講:"唔好意思先生我地上黎望一望架姐 我地走架喇!"

我同客人三人行番去7座o個部 lift 度因為我地係o係第7座上黎!

條紅毛仔仲要好大聲咁講:"你再唔走我call 食Q架喇 你即刻o係o個度落去!"
我個客人唔識聽中文佢地照行去第7座我就跟住佢地行無理條紅毛仔.

跟住條紅毛仔話:"喂我call 食Q架喇 你走唔走呀? 行後面呀 !"
跟住我無理佢.

條紅毛仔好大聲喝我:"你叫咩名呀?" 我無應佢 佢問多次:" 你叫乜野名呀?"
條紅毛仔話:"你無密碼點入倒黎?"

我話:"等人地開門囉!"
條紅毛仔話:"我唔會開門卑你架! 你由o個度走 落番去停車場 唔係即刻call 實Q!"

我個客人望住我地講野佢問乜事 我咪"請佢" 由第二面撘番落去走人囉! 個客問我條友仔做乜咁大聲 我同佢講條紅毛仔係呢度業主 條紅毛仔話我地唔係住客唔卑上黎 跟住我個外籍客話: "呢D 香港人無禮貌!"
(客人最後落左票 購入5座高層1000呎單位!)

從呢件事我只想講一樣O野 客人比面個盤先黎睇樓 如果個盤係華懋 真係得鬼閒黎睇 買樓唔係買菜 有平台花園起好左唔通唔睇埋? 除非係樓花項目仲係地盤就話無得睇 依家起好晒 睇得樓o既都一定會睇埋平台 會所唔入無所謂 但去平台逛下都好應該 起碼知道朝朝早跑步晨運個環境係點!
因此經紀帶客睇樓 如有機會順道睇埋會所/平台係好正常.

再者 碧堤半島如果好賣 就可以好似君臨天下咁 海景單位唔駛搵經紀
但係九倉就直頭擺明卑經紀賺錢 碧堤仲要卑足兩隻佣 驚死我地唔帶客過黎睇!
一個盤賣得好 除左發展商要做廣告宣傳外 經紀推波助欄都係功不可沒.
由於碧堤二手除左中高層山海景好賣外 低層海景(望不到青馬橋)或低層山景(碧堤出面空地將來會建小學)或價錢太貴的一向少客問津而業主心雄開價過份進取 直逼一手價!
市場高價由經紀創造 買家一定愈便愈好 賣家一定愈貴愈好 一定要我地去sell !
如果碧堤半島業主放二手盤 想賣貴d o既話 一手碧堤一定要賣得好 否則二手不用有買家流入 若要好價賣出 就一定要一手貴過二手10%左右


請碧堤半島紅毛仔四眼高大威業主
如有放盤需要不要找任何代理行放盤既然你咁憎經紀(唔知邊位經紀曾經得罪過你但請不要發泄他人身上)就請你自己刊登報紙找買家吧!

bikbark

sorry it's not related to RC right?
i think you really can't find that red-hair owner here.
please post your message in Bellogio's own page.

vivian

業主及經紀各有各立場
如果有正式的登記
進入大廈都吹您唔脹
不過有少少好奇點解登在這裡?
莫非有關?
或許您是RC住客? 經紀?
如果碧堤半島有自己的網頁
您不如登在那裡
可以讓那裡的人聽到您的聲音!

Stephen@RC

haha . 中原.
你應該叫客come to RC ma 我地好歡迎問$$$ .   :em12:  :em12:

x_coms

唔好意思 我係 碧堤 既人 我想講既係 我知道 this case 我知道 our 管理處放人參觀 碧堤 平台花園都係唔得既 !!

SEVEN

中原 ; 不是每個買家好似rc禁信灘 ...
:em13: 你地做地產未只係識num人買樓 晤買就惡言相對 !  :twisted:
做得你地lee行..食得咸魚就要底得渴..! :em20:

Hotcake

咦.....中原先生 (小姐?).....好耐冇見喎.....
算啦.....中原兄都係0係出面受左氣.....想搵人傾訴吓啫.......我諗我地無需咁大反應.......起碼佢都冇踩我地RC吖.......
中原兄.......我地RC的住客好nice0架......不妨帶你d客過黎睇下啦........

x_coms

其實任何地方都有唔同守則指引 只要守規 根本冇人會投訴 !!

我唔怕同大家講 早兩日  碧堤  有個單位給爆竊 去年都有兩單 咁個位 紅毛仔高大威業主 係唔係有錯呢 大家評一下理  !!

:idea:  i just want to let you all know what happen because i don't want that agent guy 亂 post some wrong message or information to you all !!

also i have the news that the agent's client can speak 純正中文  :shock:

G-NET

本來參觀平台花園係小事 但的地產人的商業手法 就使人極之反感 包括以下: 提夠假資料 作假聲明 登假廣告 街頭騷擾 黑口黑面 暴利分佣 還有兩邊食價. 所有惡行都以一句"我要食飯"為藉口.

真係把火 我們的會所居然俾地產人優先參觀 還公然把相片登出來推銷 反而我們業主未參觀都要俾$150. :em10:

x_coms  :em11:

x_coms

回覆
向  版面管理員 bikbark 致歉 因為 我 post messages here and i am not live in 藍澄 i post at here cause i find that agent post his story here  i just want to tell everybody the truth and why that i know 請見諒.

回覆
vivian i am sorry to inform you that we do not have a 碧堤半島網頁 also the reason is same as above please forgive.

回覆
seven agree 佢個行都真係要食得咸魚就要底得渴 如果肯守規則 就大家好做啦 !!

回覆 all 藍澄 既朋友 再次講  早兩日(07 oct 2004) 碧堤 有個單位給爆竊 去年都有兩單 we all know that 治安 is very very very ... ... important to all our home(藍澄 碧堤  ... ... ) no one want this happen but we happened  ... ... and this why we so care about this. thank you for read this post and sorry to post message to your web site  :?