劇名：英雄救美，地點：RC恆昌臨時舖

藍澄小海豚

劇名：英雄救美
地點：RC恆昌臨時舖
時間：尋晚八點幾至九點幾
前因：
尋晚六點幾七點到，有個恆昌傢俬 o既職員打電話來，話我地屋企 d 傢俬已經到齊，問尋晚有無時間點下 d 貨，咁我見佢好似好急咁，咁 o岩我地又約左人八點零鐘上黎 RC 搞窗簾，於是咪約埋佢八點半鐘 o羅，點知──

我地放左工拿拿林食完野就返 RC，已經八點幾，見 d 傢俬都真係差唔多齊晒，只係剩番塊地毯，但係就無時間續件傢俬仔細咁 check 真，但肉眼睇已經有 d 地方都仲有問題。

跟住八點半，恆昌同窗簾 d 人都上左黎，咁我同老公，咪一人招呼一個 o羅，我就同恆昌個人講有 d 咩問題，咁佢就口口聲聲話咩都可以幫我執，但就要我地即刻找埋個尾數，嘩，咁我梗係唔肯啦──
1. 佢只係講過話尋晚點埋 d 貨，無講明要找埋尾數
2. 我地眼見都已經有 d 問題，佢都話要過兩日先幫我執同幫我換過佢
3. 根本全屋咁多傢俬，我地都無時間 check 真有無其他問題，同埋夜麻麻 check 野無睇得咁清楚
4. 我地又無帶傢俬個圖上去，有 d 傢俬 o既 design 我地仲未肯定係咪我地揀 o個個款

後果：
我叫佢白紙黑字寫番清楚仲有咩要跟，但我老公又要睇住 d 窗簾師傅，咁我咪跟恆昌職員落去樓下個臨時舖，諗住要佢地寫番張投訴紙俾我啦，點知佢地寫完之後又再要求我即刻找埋全部尾數，我梗係唔制啦，咁佢地就話要向上頭交數，於是我就應承佢地過兩日幫我執埋晒所有手尾咁我就即刻找晒數，點知佢見軟功唔得就用硬功，找來幾個無著上衫 o既男人企晒響門口，加埋入面 d 職員，足足有十幾對眼望住我，有 d 個樣就兇神惡殺，有 d 就響樹陰陰嘴笑，嘩，我當時真係驚架，一個女仔孤立無援，咁我咪即刻話要報警，拿起電話打三條九，點知佢地有個職員手快快伸隻手埋黎幫我 cut 左條線，跟住仲打電話俾我老公，話要我找埋條尾數，當時我真係覺得好似電影入面 d 黑社會打電話俾有錢佬要求交續款至肯釋放肉參，俾人非法禁錮 o既感覺。我老公見有 d 唔妥，即刻走左落黎佢地個舖，最終都傾到俾住尾數一半，即係一萬蚊，佢地先肯放我走！

結論：
1. 原來點埋 d 貨 = 找埋尾數
2. 原來你有唔滿意人地都會迫你找晒全數
3. 恆昌真係人多勢眾
4. 我老公 = 我 o既英雄  :em21:
5. 呢個劇 o既女主角唔多 o岩，因為佢同個 " 美" 字爭好遠
6. 以上全屬真實事情，絕無虛構
7. 大家以後要小心恆昌 d 職員

vivian

好恐佈!  佢要客比錢有理由
但佢貨不對辦客就有權要求更換
恐防恆記不執漏
錢比住一部份可留個保障
但恆記用呢d卑鄙手段恕不能姑息！
各位姊妹 要小心
找多些朋友一起去點貨
有乜”依沃”
打999!

恆昌真係人多勢眾

混佢個帳!
叫佢送傢私來不見得恆昌人多勢眾?
恆昌陳成日話人手唔夠！
一於報去消委會
唔希望再有人上當!

Teresa and Fai

可恥既行為.........................

你千祈唔好一次過比晒佢地添呀................你比晒錢之後.............正所謂你急佢唔急.............過2日同你攪返掂............你等多2個月la....................不過如果我係你一個女仔當時都真係有d慌.................但事後又會覺得好唔抵.............(因為我之前買傢俬都有類似經驗.............不過d手法就冇恒昌咁差)

Koala Bear

如所述屬實，完全是黑店手法﹗我覺得應該要報警，同埋要管理處跟進，因為不竟是於rc內發生﹗

dick queenie

恒昌邊條友咁吋呀，0拿你唔使怕，下次你可以響朵。 :em03:
問佢地識唔識..........藍澄火火。 8)
佢好勁架，又大隻，一個打十個。 :mrgreen:

kenykl

[quote:65278da291="藍澄小海豚"]劇名：英雄救美
地點：RC恆昌臨時舖
時間：尋晚八點幾至九點幾
前因：
尋晚六點幾七點到，有個恆昌傢俬 o既職員打電話來，話我地屋企 d 傢俬已經到齊，問尋晚有無時間點下 d 貨，咁我見佢好似好急咁，咁 o岩我地又約左人八點零鐘上黎 RC 搞窗簾，於是咪約埋佢八點半鐘 o羅，點知──

我地放左工拿拿林食完野就返 RC，已經八點幾，見 d 傢俬都真係差唔多齊晒，只係剩番塊地毯，但係就無時間續件傢俬仔細咁 check 真，但肉眼睇已經有 d 地方都仲有問題。

跟住八點半，恆昌同窗簾 d 人都上左黎，咁我同老公，咪一人招呼一個 o羅，我就同恆昌個人講有 d 咩問題，咁佢就口口聲聲話咩都可以幫我執，但就要我地即刻找埋個尾數，嘩，咁我梗係唔肯啦──
1. 佢只係講過話尋晚點埋 d 貨，無講明要找埋尾數
2. 我地眼見都已經有 d 問題，佢都話要過兩日先幫我執同幫我換過佢
3. 根本全屋咁多傢俬，我地都無時間 check 真有無其他問題，同埋夜麻麻 check 野無睇得咁清楚
4. 我地又無帶傢俬個圖上去，有 d 傢俬 o既 design 我地仲未肯定係咪我地揀 o個個款

後果：
我叫佢白紙黑字寫番清楚仲有咩要跟，但我老公又要睇住 d 窗簾師傅，咁我咪跟恆昌職員落去樓下個臨時舖，諗住要佢地寫番張投訴紙俾我啦，點知佢地寫完之後又再要求我即刻找埋全部尾數，我梗係唔制啦，咁佢地就話要向上頭交數，於是我就應承佢地過兩日幫我執埋晒所有手尾咁我就即刻找晒數，點知佢見軟功唔得就用硬功，找來幾個無著上衫 o既男人企晒響門口，加埋入面 d 職員，足足有十幾對眼望住我，有 d 個樣就兇神惡殺，有 d 就響樹陰陰嘴笑，嘩，我當時真係驚架，一個女仔孤立無援，咁我咪即刻話要報警，拿起電話打三條九，點知佢地有個職員手快快伸隻手埋黎幫我 cut 左條線，跟住仲打電話俾我老公，話要我找埋條尾數，當時我真係覺得好似電影入面 d 黑社會打電話俾有錢佬要求交續款至肯釋放肉參，俾人非法禁錮 o既感覺。我老公見有 d 唔妥，即刻走左落黎佢地個舖，最終都傾到俾住尾數一半，即係一萬蚊，佢地先肯放我走！

結論：
1. 原來點埋 d 貨 = 找埋尾數
2. 原來你有唔滿意人地都會迫你找晒全數
3. 恆昌真係人多勢眾
4. 我老公 = 我 o既英雄  :em21:
5. 呢個劇 o既女主角唔多 o岩，因為佢同個 " 美" 字爭好遠
6. 以上全屬真實事情，絕無虛構
7. 大家以後要小心恆昌 d 職員[/quote]

絕對應該同需要打999 同打劫無分別. 野又唔做 叫人比錢....

saml

嘩... 太過份了吧。
俾我就一個仙都唔俾著。緊係收好曬先俾錢啦。
佢地緊係恰你們後生施文啦。

講唔惦就報警囉。唔俾人報警係唔係罪呢？

5th Element

恕我直言，我覺得大家如果單憑呢位小姐所言就對件事作出判斷唔係好客觀。 :em16:

當中有好多對話嘅詳細內容同態度我哋大家都唔知，因為我哋當時唔喺現場，實在唔應該評定誰是誰非。况且，你同我都唔知佢哋之間有啲咩協議。

再者，我絕對相信香港係法治嘅。如果恒昌當時確係有職員唔俾呢位小姐打電話報警同阻止佢離開嘅話，佢哋已經犯咗刑事罪行；就算事後呢位小姐同佢丈夫都應該尋求警方嘅協助，携手打擊罪案。 :x

商務糾紛好多時都係因為雙方基於不同利益角度而引致。最好嘅解決方法當然係透過雙方恊商完滿達成共識，否則就要揾消委會幫手或者進行民事訴訟嘞！ :?

5th Element

[quote:e8b5f0530e="saml"]嘩... 太過份了吧。
俾我就一個仙都唔俾著。緊係收好曬先俾錢啦。
佢地緊係恰你們後生施文啦。

講唔惦就報警囉。唔俾人報警係唔係罪呢？[/quote]

「講唔惦就報警囉。」係邊個教你㗎？！ :shock:  :x

藍澄小海豚

其實我響呢樹公開呢件事，目的梗係唔係想搞大件事啦，只係希望各位好鄰居 deal with 恆昌 d 人 o既時候提高警惕，避免好似我呢 d 同類經驗再發生 o者！

我都唔想越描越黑，總之大家信 o既就小心 d 啦，唔信 o既咪當係笑話聽完就算 o羅！