留俾你地bbq時用嫁....

Agnes Henry

Subject: Fw: 下次BBQ時試下啦--燒朱古力香蕉
   
           [燒朱古力香蕉]
        
        1. 將蕉皮撕開少少，然後塞幾粒純朱古力入去蕉皮與蕉肉之間的位置
        2. 將蕉皮蓋上，用錫紙包好，再放在火推旁燴?五分鐘點好食法？
         朱古力和蕉肉被燒成半熔狀態，兩種味道加起來，真係冇諗過咁好食！
         注意：純朱古力粒要整成細細粒，因為太大粒會好難熔。
         另外，將放朱古力一面擺向火，效果就會更加好。
         
           [燒牛油冬菇]
           1. 用大大隻的鮮冬菇，塗上大量牛油
           2. 用錫紙包好放在火推旁燴?五分鐘
            點好食法？
            如果你一向都喜歡食鮮冬菇，這種食法就真係一流！
            牛油的香味與鮮冬菇的鮮味簡直是絕配。
            如果你喜歡蒜茸味，加上蒜茸一起燴味道亦好好。
            注意：冬菇都幾易燒焦，所以要加倍留意火候。
         
           [燒芝士茄子]
           1. 將茄子切成一舊舊，然後舖上適合大小的片裝芝士
           2. 將茄子燒成金黃色，就可以挖茄子肉出來食點好食法？
            茄子肉好軟、好滑、好鮮味，加上芝士的香味，嘩！好味！
           注意：芝士未熔之前，好容易會離茄子而去，所以燒的時候要睇實佢！
         
            [燒薯皮]
           1.事前要將薯仔出水，再切片（話明燒薯皮，當然每片都要保留薯皮啦！）
           2. 燒之前塗上大量牛油點好食法？
            一個字，「香」！如果你喜歡甜味，塗上蜜糖燒一樣咁正！
        注意：將薯仔出水時要適可而止，因為出水時間太長，薯肉就會太軟，燒的時候薯皮就好容易斷。
         
            [BBQ FAQ]
           1. 燔蕃著時，點樣避免蕃薯皮與鍚紙貼在一起呢？
           先塗一層橄欖油在蕃薯表面，就可以避免蕃薯皮與鍚紙貼在一起啦！
           2. 燒粟米，點先冇咁容易燒焦？
           
           連粟米葉一齊燒，就可以保存粟米的水份，亦會冇咁易燒焦。
           3. 有人話燒烤燒得多會致癌，有冇辦法減少致癌物質？
            研究指醃製過的肉類，可減九成產生致癌物的機會，信不信由你啦！
           4. 用錫紙燒焗食物時，有甚麼地方要留意？
           避免加入檸檬汁或醋等酸性物質，因為酸性遇熱會與鍚紙產生致癌化合物，大家要小心小心。

FireFire

Agnes&Henry 咁你唔去呀?