相見=透明？ 相識=唔識？

bikbark

琴晚同三女一男好友飯聚，其中一個女仔講o左一件事，我覺得可以同大家分享o下，順道賀o下本版新張開幕。 :em19:

話說朋友M同第一任男友A係因為本身性格問題而分開，當時算係鬧得唔愉快o既。後來M就同A o既好友B(由細玩大o既同學)拍拖，但係當中並無牽涉一腳踏兩船事件。而M同B最終都係分開o左，三個人各自都有自己o既感情生活，但係M同B之間係有聯絡，而A就無同佢o地兩個聯絡; A亦同女友o向舊年結o左婚，但係就無請M同B去飲o既。由於M同A都係住同區o既關係，所以無論搭車或者落街買魚蛋都有機會撞到，但係就無真真正正迎面碰到過。最近，M o係工作時撞口撞面咁見到A同老婆一齊，而A就當完全見唔到M一樣。

好啦，其實成件事都無o岩定錯，只係想討論o下，不過我係真心想知道大家，尤其係男版友對件事o既睇法：
1. 點解A會見到M都當見唔到？
2. A同B係相識超過二十年o既朋友，結婚都唔請佢去飲，係乜o野原因?

Ice

[quote:3f8d14531d="bikbark"]琴晚同三女一男好友飯聚，其中一個女仔講o左一件事，我覺得可以同大家分享o下，順道賀o下本版新張開幕。 :em19:

話說朋友M同第一任男友A係因為本身性格問題而分開，當時算係鬧得唔愉快o既。後來M就同A o既好友B(由細玩大o既同學)拍拖，但係當中並無牽涉一腳踏兩船事件。而M同B最終都係分開o左，三個人各自都有自己o既感情生活，但係M同B之間係有聯絡，而A就無同佢o地兩個聯絡; A亦同女友o向舊年結o左婚，但係就無請M同B去飲o既。由於M同A都係住同區o既關係，所以無論搭車或者落街買魚蛋都有機會撞到，但係就無真真正正迎面碰到過。最近，M o係工作時撞口撞面咁見到A同老婆一齊，而A就當完全見唔到M一樣。

好啦，其實成件事都無o岩定錯，只係想討論o下，不過我係真心想知道大家，尤其係男版友對件事o既睇法：
1. 點解A會見到M都當見唔到？
2. A同B係相識超過二十年o既朋友，結婚都唔請佢去飲，係乜o野原因?[/quote]

多謝 bikbark 姐  
我個大學朋友上星期結婚 當晚佢請晒之前既兩任男朋參加婚宴 而佢既果兩名前男友都有出席. 我覺得 做人係應該要大方 d~ 「給我愛過的男孩們」嘛~

A 會睇 M 唔到 有無可能係 A 仲對 M 有芥蒂 又或者(怕) A太唔鍾意~

wicyh

1. 點解A會見到M都當見唔到？
話哂當時因為鬧得唔愉快o既而分開 一來見到面自然尷尬 二來當時A係同老婆一齊 其實大家現在都各自有自己o既感情生活 以前既事最好就一一忘記

2. A同B係相識超過二十年o既朋友，結婚都唔請佢去飲，係乜o野原因?
呢個仲駛問既 情敵丫嗎

bunnud

正所謂反轉豬肚.心結係最難解開的結如果任何一方都不願放開懷抱這個結只會越縳越緊.
其實大家分手也是朋友何必要攪成咁呢.要恨一個人比愛人更加辛苦何必要作賤自己呢!

Agnes Henry

我諗佢唔係恨 係唔想對方入侵佢而家既生活....

楊千嬅首歌話..."離開不應再打搞愛人對不對?"

saga

[quote:df81258c3f="bunnud"]正所謂反轉豬肚.心結係最難解開的結如果任何一方都不願放開懷抱這個結只會越縳越緊.
其實大家分手也是朋友何必要攪成咁呢.要恨一個人比愛人更加辛苦何必要作賤自己呢![/quote]

有人就係喜歡作賤自己既o個一份悽美 ...