小心亞婆

kam1100

今日聽'瘋show快活人'有個聽眾打電話上去，內容如下佢係葵芳麥當奴(近林士德運動場果間)對面既公園仔時，有位60幾歲亞婆上前向呢個後生仔說:你可唔可以借個手提電話比我，我個孫好耐都未落黎，我想打個電話比佢。 後生仔心想:老人家可能無電話又出於好心咁就借左電話比亞婆。在亞婆打電話途中有一個女人(應該係同黨)走出黎問佢野，咁佢答完後望返個亞婆，但亞婆好啖定咁坐左係張凳到而手上都無用電話，後生仔問:<亞婆我個電話呢比返我呀>但亞婆好似聽唔到佢講野咁.又唔理佢，佢就一路係咁問係咁問，但亞婆反應都係一樣，跟住有兩個女人走黎(唔知係唔係同黨)，就鬧個後生仔，你連亞婆都蝦做咩鬧亞婆呀，有無搞錯呀你，跟 住個亞婆就閃左啦。咁後生仔只有走去差館備案。

之後有個聽眾話在同一地點亦有相同既事發生過(又係借電話)，但佢就無借到電話比個亞婆。佢仲個心好唔舒服，係唔係好衰呢電話都唔肯借比個亞婆打，但當佢聽到呢單野後，佢就覺自己好好彩係借到。

大家要小心呀!唔係叫你唔好做好心，但要小心處理呀!  :em16:
唔好上當呀。祝大家好運

RamblerVillager

欺詐嘅手法有好多種 根本防不聲防. 這是最Basic嘅手法. 高級的嘅就話自己係乜乜慈善團體. 再高級的嘅就叫人去買藍澄灣. 最Elegant嘅當然係感情騙子啦.  :em12:

eric_818

最最最高級o既會唔會係「長和」
整個質素咁「高」o既RC出嚟
仲昆到我哋買... ... :em18: