(Copied from web) 葵芳髮廊黑店

我是誰

大家千祈唔好去葵芳 PETEX & TXM FOR HAIR 髮廊 呃人架 !

有幾間分舖:

葵芳葵涌廣場 2 樓 C1X7 及 CX7 號
葵芳葵涌廣場 1 樓 B8X 號
荃灣荃昌中心昌安商場 4X-6X 號

以下經歷 真人真事必有雷同 絕對老屈 !

小女子一心只想修一修 D 頭髮 於是去返我幾年前曾經幫襯過的髮廊 見門口是寫明
“洗剪恤$56” 見價錢 OK 於是就幫襯那間 C1X7 鋪. 入到去 差不多全部都是 20
歲的‘靚’ 仔咁我坐低 就即刻問他們 是否 ”洗剪恤 $56” 佢地話係 我答只是
“洗剪恤” 咁佢便 SELL我 問我有無意思焗油 我已 SAY NO 佢又問我 不如做顏
色 我以趕時間為理由 說下次先做.

跟住他便幫我著上一件紅色外套及用毛巾鋪在我頸上 叫我跟他去隔離 CX7 鋪 佢話
好近去到會小人 D 不用等 於是跟他出去 點知行了半個商場才到 期間被人眼望
望 好樣衰.

到左後 只見到一個女仔焗緊油 而我亦好快咁洗頭 期間那個洗頭仔好似查家宅咁
問我做嘜工作 住那區 是否第一次來幫襯 煩到痺 ! 最搞笑佢竟然問我係咪化左
粧 怕唔怕洗曬就唔靚 有無邊 D 唔洗得 我說洗頭 不是洗面 真比佢吹脹 !

之後 有過所謂的‘靚’仔師父幫我剪髮 唔洗 5 分鐘已剪完 最後問我係咪電過髮
D 髮質好差喎 我話係電過髮 之後佢行開左 叫左第二個 ‘靚’ 仔來 佢就用個掃
‘茶’ D 類似 ‘澳 BO’焗油到我頭上 我即問他是甚麼 他話師父話我髮質差 依D 係
營養素 保充水分 可以幫 D頭髮不用咁差 我地唔會收貴你的. 一邊講 一邊係咁’
茶’  咁我即刻問佢幾錢 佢話 TOTAL$150 好抵的.

我內心不知幾嬲 但肉除針版上 無計 心諗算吧. 點知唔夠 5 分鐘 佢就話搞掂
可以洗頭 咁我好慶咁去洗頭 跟住聽到一個男人係度嘈 情況同我一樣 於是老闆
娘係度解釋最後話比拆扣佢 收 $105. 期間我一直洗頭約 10 分穜 好似唔比我起
身咁 驚我起身一起嘈之後那個男人走左 我才可起身 一坐底我就同佢地理論
那個老闆娘又係度解釋 後又話比拆扣我 叫那個 ‘靚’ 仔幫我吹頭 吹左一陣 就
幫我 ‘茶’ D 好硬的 GEL就話搞掂髮尾仲滴緊水 佢竟然話呢 D 叫 ‘WET LOOK’ 有
無搞錯 非常之求其.

最後收我 $105 同那個男人一樣價錢 即係話嘈的話 收 $105 唔嘈的話 就照收
$150 依 D 手法簡直離哂譜 我一定吹衰這間鋪 等佢地早 D 執笠 比人淋紅油
淋屎尿…….總知快 D關閉這間黑店 !******* 希望大家小心 唔好好似我咁 重左招.

燒碗

我家人都try 過
無端端比人昆左$$
勁黑人憎law
之後再沒去了
有時得閒經過一定會see到有police在調停
一係你去消費者委員會投訴他

rstfung

唔係掛 唔都未接埋????