今天心情沉重...

一家四口

外傭有外債，債主上門追討，原本四年多的僱傭關係很好，但為了一對仔女的安全，唯有斷絕關係，即日生效~~~~現在，靜下來，真的有點不捨得!!

不明外傭離鄉別井，都是為了賺多一點錢，但倒頭來還欠下一身的債項，何解? 何解?

在沒有家庭負擔下的她，為何要用那麼多錢，用在那裡??? 十萬個不明白!!

P女

我都好怕呢ｄ事發生，所以我一早已經同佢約法三章，唔可以做擔保人同唔可以借錢。

公公婆婆

會唔會係家鄉那邊有事急要用錢？所以咁多年都冇事而加先咁...

咁而加佢點算？走左都未必解決到問題...
你地又有冇問下專業意見對你地有何保障？

grassman

又會咁突然o既！你之前對你的姐姐評價都幾好o架喎！

一家四口

上星期六 佢有個債主上門 但當時我唔喺屋企 佢就放低封信比我 信入面話我工人欠佢八仟蚊 有心避佢唔還 又唔聽佢電話咁 咁我梗係問我個工人有冇呢件事啦 點知我工人又話 唔係佢欠人錢 係果個人欠佢兩萬蚊至真 咁我問佢 咁點解人地欠你錢 你會避左人 又唔聽人電話 咁你唔諗住叫佢還咩(咁多錢喎???) 點知佢答我: 費事再麻煩

其實我既直覺 我都係信個外人多D 有咩理由做債仔會追上門 為左想清楚件事 我當晚就打左比個"債主" 同佢個僱主講左呢件事 請佢當晚搭的士由坑口嚟RC 當我面講清楚件事啦 佢個僱主好好人 即刻比佢入嚟RC。

當晚可能都有RC既街坊都見到我地 因為我唔想D小朋友知咁多野 所以九點幾上左會所講 當晚 聽佢地既對話 表面證供 我個工人都係輸既 人地有留底佢SEND比人問借錢既SMS、仲有佢護照同身份證既影印本 但我個工人就只得"把口" 咩證據都冇 仲唔係好敢直接用對眼望主人講野咁。

本來 我都諗住睇下條數有幾大 唔係太大 而佢又有理由既 咁最多同佢做"債務重組"者 點知我點勸 個工人仲死口話冇欠人錢.....

最後 我同個工人講 今次有個外傭上門放底封信 下次我唔知有冇個大隻佬上門 為左小朋友既安全 我唔敢再留你; 因為 以佢地當晚既對話 佢有同兩間財務公司 一間唔知咩菲律賓銀行 仲有一個以前係菲傭 後來嫁左比個中國人既女人(唔知係咪大耳LOAN) 咁多火頭 合共唔知幾銀架馬。

果個"債主"以前都係喺RC打工 住第六座架 可能係你地都識 但個名打埋出嚟又好似唔係幾好咁。

唉!! 其實個工人真係對我地幾好 好似朋友一樣咁 我都唔係好捨得 不過 就算有萬份一機會 對我對仔女有危險 我都唔想搏 費事到時後悔一世 而家同佢都仲算朋友既 佢琴晚都有打比我 問下我個女點。

P女

做左就要認 認左可以原諒 如果有證有據都唔認 我覺得你個呢決定係冇錯。
做左媽咪 我都會以個囡為大前題。

grassman

[quote:b679ba18b9="一家四口"]當晚可能都有RC既街坊都見到我地 因為我唔想D小朋友知咁多野 所以九點幾上左會所講 [/quote]

ee! 我好似有d印象，有3個人神色凝重咁坐係度，但我未見過你，唔知係你，所以冇注意！

一家四口

[quote:0785a98db7="grassman"][quote:0785a98db7="一家四口"]當晚可能都有RC既街坊都見到我地 因為我唔想D小朋友知咁多野 所以九點幾上左會所講 [/quote]

ee! 我好似有d印象，有3個人神色凝重咁坐係度，但我未見過你，唔知係你，所以冇注意！[/quote]

你錯啦.....你唔識我 但係......我應該識你"個樣" 你小心D啦 你在明、我在暗架 :mrgreen:

grassman

[quote:444c28c8b2="一家四口"][quote:444c28c8b2="grassman"][quote:444c28c8b2="一家四口"]當晚可能都有RC既街坊都見到我地 因為我唔想D小朋友知咁多野 所以九點幾上左會所講 [/quote]

ee! 我好似有d印象，有3個人神色凝重咁坐係度，但我未見過你，唔知係你，所以冇注意！[/quote]

你錯啦.....你唔識我 但係......我應該識你"個樣" 你小心D啦 你在明、我在暗架 :mrgreen:[/quote]

好驚呀！你唔用o係我屋企放火，我驚燒埋你屋企！ :mrgreen:

milk

...我都怕呢類事發生，所以一開始就在經紀安排下，
個姐姐簽左張受權書係話同意俾佢個護照我地保管，
以防佢攞個護照去借錢或者去做擔保人之類！

為仔囡著想，妳呢個決定做得好好呀！